ខគម្ពីរពេញនិយមពី Mǒhtûlû̌hǎhtûsa 9

ចែក​រំលែក

Htodě Cǒmaradû̌ hî̌ kû̌, “He gǔ ma̤kè ta̤olò̤ ata̤ma̤mǎnǎ tôcǒ. Ta̤ma̤mǎnǎ nî̌ a gǔ htû bǎ he kû̌ sî kû̌mî̌ lǒ̤bò ta̤htûpwa̤ ô̌ sîtokhlǒ kû̌ nakhli lò̤tutṳ̌ dǒ nô̌kò tôhtu tokhlǒ a ta̤khòlṳ̌ dǒ ajokû. He no ô̌lṳ̌htò̌ kowǒshibô dǒ poǒlṳ̌kla. Kowǒshibô numî̌ amè̤̌kû̌ he ta̤olò̤ ta̤mǎnǎ kû̌ sî kû̌mî̌ hǎkhû̌ nuhǒ.

He kè̌shǐ kowǒshibô ô̌lṳ̌htò̌ dǒ poǒlṳ̌kla bǎkhò̌tè bǎbǎ, he gǔ gènè̤̌htò̌bǎ tîkhî sô̌ he ta̤olò̤ tûjû̌pwa̤ kû̌ ta̤htûpwa̤ ô̌ pṳ̂̌mi̤shicǒ dǒ hǎkhû̌ nutokhlǒ pě.”

Kòyòhǎkhû̌phû̌ nî̌ Cǒmaradû̌ bô̌lò̤ sô̌sô̌kû̌ anǎ̤ akhû̌akhî, mòpèpè̌ bǎbǎ dǒ a ma̤si kòyòhǎkhû̌phû̌ tôpwa̤pwa̤ nu, kòyò dǒ ashǔshawa̤ tôpwa̤pwa̤ bǎ ma̤silò̤ tè̌ yǎ pě.

Htodě Cǒmaradû̌ ǐshowî̤ Phanṳ̂̌a kû̌ aphû̌pwa̤khû tokhlǒ dě a hî̌ asî kû̌, “Phû̌ô̌wô̤̌li̤ô̌dû̌ lô̌khô dě ô̌bebò lô̌khô dǒ hǎkhû̌nu nî̌꤮.

Lǒ̤bò ta̤ dǒ ata̤htûpwa̤ ô̌ dě a wṳ̌wè̤ cû̌htôcû̌lò̤ tokhlǒnu, na ǎ asî sô̌sô̌kû̌ na ǎ sǒdosǒlǎ dǒ he ǐlò̤wǐ sî nutokhlǒ mî̌ a nǐ̤ hǒ. Khònò̤̌dě he ǐ sî pṳ̂̌꤮ tocǒ hǒ.

Lǒ̤bò ta̤mi̤ta̤mò̤̌ dǒ a ô̌ dǒ hǎkhû̌ tokhlǒ, lǒ̤bò htû̌phû̌yṳ̌phû̌ dǒ a wi̤ dǒ mǒlǎ̤ tokhlǒ, lǒ̤bò ta̤phû̌ta̤wè̤ dǒ adû̌dû̌ apî̌tî̌tî̌ nutokhlǒ kû̌ lǒ̤bò tò̤̌phû̌ dǒ a ô̌ dǒ shidû̌tewe̤kû sî tokhlǒnu, a gǔ ǐshabò sîlǎ̤ pě, dě a gǔ ô̌bò dǒ sî ta̤pǒ alǎ̤ pě.

“Sî dě, phû̌ô̌wô̤̌li̤ô̌dû̌ lô̌khô dě ô̌wô̤̌ô̌phǎ ô̌bebò lô̌khô kû̌ hǎkhû̌nu dě ô̌peshecû̌ bò lô̌khô dǒ gûlǎ̤ pṳ̂̌꤮ tûkû nî̌꤮.”