ខគម្ពីរពេញនិយមពី Mǒhtûlû̌hǎhtûsa 6

ចែក​រំលែក

Dǒ Cǒmara tûjû̌pwa̤ bô̌lò̤nṳ̌ kòyòhǎkhû̌phû̌ bǎ hǎkhû̌nu akhû̌akhî, a gènè̤mô̤ ǐtû̌ tîkî̌ tô̤̌ dě a shèwè̤ jî̌ lû̌sǎphlǒ.

Cǒmara tûjû̌pwa̤ kè̌shǐ kòyòhǎkhû̌phû̌ sîtokhlǒ kû̌ ajî̌ajû̌ aphû̌mò̤̌shǐhtô akěashô̌ mî̌ca, htokhôtô̤̌ asî sǎphlǒ tokhlǒ nî̌ a gènè̤ gǔma̤ còcè̌ ta̤phû̌mò̤̌shǐhtô pṳ̂̌taplǎ.

Bǎbǎkǎlè Khûnṳ̂̌a nǐ̤bǎ khô̌ Cǒmara tûjû̌pwa̤ abwǐdû̌ asîrîhtû.

Hǒomî̌ ta̤wě̤mǎnǎ Phanṳ̂̌a akhlialè gelò̤ tutṳ̌sî awe̤akè. Bǎ Phanṳ̂̌a ahtukhanu, a mî̌ kòyòcǒkòyòtè̤ tôpwa̤, a ta̤ô̌htûpwa̤ nî̌ kòyò lǎ̤bè̌ ata̤sǔ ô̌tô̤̌. Htokhôtô̤̌ abǒsû̌khǎkhô cû̌cukhacu ta̤ kû̌ Cǒmaradû̌.

Dě Cǒmara tûjû̌pwa̤ hî̌ kû̌, “Lǒ̤bò kòyòhǎkhû̌phû̌ kû̌ ta̤phû̌ta̤wè̤ dǒ adû̌dû̌ apî̌tî̌tî̌ nutokhlǒ kû̌ htû̌phû̌yṳ̌phû̌ dǒ he bô̌lò̤ bò asî tokhlǒnu, he ma̤hǎmǎkè bò asî bǎ hǎkhû̌ nupě. Ma̤titèhî̌dě dǒ he bô̌lò̤ asî akhû̌akhî, a shèwè̤ mî̌ca hesǎphlǒ.”

Bǎ kòyòhǎkhû̌phû̌ sahtò̌ ô̌plṳ̂ô̌dû̌hè dě ô̌peshecû̌ lǒ̤bò dǒ hǎkhû̌ tôbě dě kòyò phû̌ô̌lò̤nṳ̌ phû̌pwa̤mǒ̤ sîtokhlǒ akhanu, Cǒmaradû̌ atanaphû̌ sîtokhlǒ kè̌shǐ kòyò aphû̌mǒ̤ tokhlǒ mǒ̤twè̤̌mǒ̤wî̤̌ mî̌ca dě a rû̌htò̌ lô̌khô kû̌ ama. Dě Cǒmara tûjû̌pwa̤ hî̌ kû̌, “He noô̌ he yôla htûpwa̤ kû̌ kòyòhǎkhû̌phû̌ tokhlǒ tûjû̌pwa̤ mî̌ awô̌ tô̤̌, ma̤titèhî̌dě asî ô̌ kû̌ phěyî̌sǐshi dǒ a sijò pwǎ akhû̌akhî, asî bǎ ô̌htûpwa̤ pwǎ aně tôya̤ kû̌ ginǐ̤shi pwǎ.” Bǎnu tôhtukha bǎbǎ, htukha dǒ nô̌kònu bǎbǎ, Cǒmaradû̌ atanaphû̌ tokhlǒ kû̌ kòyò aphû̌mǒ̤ tokhlǒ phî̌lû̌û dě a phû̌ô̌lò̤nṳ̌ kòyòshû̌kòyòsho kòyòdû̌htû tokhlǒ. Dě ami̤dû̌ lṳ̌shilṳ̌gǎ lô̌khô dǒ bǎnukha nutokhlǒ hǒ.

Htodě Phanṳ̂̌a gû̌ma̤ pô̤̌ Cǒmaradû̌ mǎnǎnu pṳ̂̌tocǒ.

Cǒmaradû̌ hî̌ Phanṳ̂̌a kû̌, “He bè̌lò̤ he sǎphlǒ kû̌ he gǔ cî̌htò̌ ma̤pî̌kè bò kòyòhǎkhû̌phû̌ pṳ̂̌ tôpwa̤ pě. Ma̤titèhî̌dě hǎkhû̌nu alǒbebò kè kû̌ ta̤phû̌mò̤̌shǐhtô hǒ. Ma̤titèhî̌dě dǒ asî akhû̌akhî, he gǔ ma̤pî̌kè bò asî sadakû̌ hǎkhû̌ pě.

Dě phî̌ mò̌ sǒlǎhǐ Dě ma̤htò̌mò̌ kû̌ sǒkhlidû̌ nunî̌. Ma̤tě̤tṳ kû̌ dǒdǎ tôtô̤̌ kû̌ tôtô̤̌ dě plṳ̌bǐ bò akûkû akhlokhlo kû̌ sǒcònu nî̌.

Cǒmaradû̌ kè̌lò̤ bǎ hǎkhû̌ nudě a phû̌mò̤̌shǐhtô jî̌jû̌ lǒ̤bò, kòyòhǎkhû̌phû̌ ô̌ bǎ hǎkhû̌nu a ma̤bò lô̌khô ta̤sǔta̤plě pṳ̂̌ tôpwa̤hǒ.

Pô̤̌khô lǒ̤bò ta̤phû̌ta̤wè̤ tokhlǒ gǔ ô̌htûpwa̤ sělě pô̤̌ lô̌khô ayanu, pṳ̂̌nṳ̌ sûkhû̌ amǒ̤ kû̌ apha tôcǒ mî̌ tôphû̌ bǎ sǒkhlidû̌kû nunî̌.