ខគម្ពីរពេញនិយមពី ᤋᤥᤗᤡᤱᤛᤥᤔᤢ 6

ចែក​រំលែក

ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤧᤴᤇᤠᤶ ᤕᤠᤵᤔᤡ ᤆᤥᤃᤢᤒᤠᤀᤥ ᤕᤜᤘᤣ ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ ᤐᤅᤧ. ᤜᤧᤰᤁᤩᤠᤱ ᤛᤠ᤹ᤖᤡᤰ ᤁᤢᤏᤡᤱᤘᤠ᤹ ᤋᤢᤃᤧ॥

ᤕᤜᤘᤣ ᤍᤠᤱᤒᤠᤸᤗᤧ ᤀᤡᤰᤛᤠ ᤂᤠᤶᤒᤣ᤺ᤰᤁᤥᤒᤠ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤛᤠ᤹ᤖᤡᤰ ᤁᤢᤀᤡᤔᤧᤓᤧᤖᤧᤒᤠ ᤏᤢ ᤂᤧᤱᤜᤠ᤹ᤖᤧ ᤏᤡᤱᤘᤠ᤹ᤀᤥ ᤔᤧᤀᤡ᤺ᤳᤋᤢᤒᤠ ᤐᤠ᤺ᤴᤜᤠ᤹ ᤀᤠᤓᤧᤸᤗᤧᤛᤠᤱ ᤋᤠᤵᤑᤧ᤺ᤶᤒᤠᤖᤰ ᤆᤥᤃᤧᤒᤠ ᤏᤡᤛᤢ॥

ᤁᤖ ᤕᤜᤘᤣ ᤍᤠᤱᤒᤧᤸᤗᤧ ᤁᤢᤔᤡᤰᤛᤠᤀᤥ ᤏᤢᤜ᤺ᤸᤗᤧ ᤗᤢᤱᤍᤢᤰᤔᤠ ᤂᤥᤛᤢ॥

ᤏᤢᤜ᤺ᤸᤗᤧ ᤏᤢ ᤁᤢᤜᤡᤶᤛᤕᤱᤅᤡᤸᤗᤧ ᤁᤢᤛ᤻ᤛᤠᤵᤔᤢ᤺ᤴᤎᤢᤶᤔᤡᤴ ᤜᤠᤒᤠ ᤁᤸᤗᤥ॥ ᤂᤢᤏᤧ᤹ ᤁᤢᤕᤧᤶᤔᤥᤒᤠ ᤔᤏᤠᤜᤠ᤹ᤀᤥ ᤏᤢᤜᤴ ᤛᤠᤶᤕᤥᤒᤠ ᤏᤢ ᤁᤢᤍᤥ᤺ᤵᤔᤠ ᤔᤏᤠ ᤘᤕᤧ॥ ᤂᤢᤏᤧ᤹ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤥᤛᤥᤖᤡᤰ ᤗᤠᤱᤄᤣᤃᤧ॥

ᤂᤧᤸᤗᤧᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ. “ᤀᤠᤱᤃᤠ᤹ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤱᤒᤠ ᤔᤧᤴᤇᤠᤶ ᤕᤠᤵᤔᤡᤴ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤁᤥᤗᤠᤶ ᤔᤧᤰᤂᤢᤱ᤹. ᤔᤧᤴᤇᤠᤶ ᤕᤠᤵᤔᤡ. ᤁᤧᤀᤢ᤺ᤱᤛᤡᤱᤒᤠ ᤁᤢᤒᤢ ᤌᤰᤛᤠ. ᤁᤧᤒᤧᤒᤠ ᤐᤢᤛᤠ ᤁᤧᤖᤧᤰ ᤔᤧᤰᤂᤢᤱᤛᤡᤱ᤹. ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤂᤧᤱᤜᤠ᤹ ᤆᤥᤃᤢᤱᤛᤡᤱᤒᤠᤀᤥ ᤀᤠᤏᤡᤱᤘᤠ᤹ ᤋᤢᤃᤧᤀᤠᤱ ᤘᤠ᤹॥”

ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤕᤖᤡᤰ ᤔᤧᤒᤥ᤺ᤴᤍᤧᤖ ᤔᤧᤒᤣ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤴᤇᤡ᤹ ᤛᤠ ᤔᤧᤴᤇᤢᤔᤠᤜᤠ᤹ ᤔᤧᤘᤕᤧ. ᤏᤡᤱᤘᤠ᤹ᤑᤢᤔᤠᤱᤛᤠᤜᤠ᤹ᤖᤧ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤔᤧᤴᤇᤢᤔᤠ ᤛᤠᤜᤠ᤹ ᤏᤢᤔᤠ ᤔᤧᤏᤡᤛᤢᤛᤡ. ᤜᤧᤰᤁᤩᤠᤱ ᤂᤢᤴᤇᤡ᤹ ᤛᤡᤖᤠ᤹ᤌᤠᤱᤎᤠᤱ ᤔᤧᤸᤗᤡᤱᤃᤧᤴ ᤔᤣ᤺ᤳ ᤔᤧᤍᤠᤖᤢᤛᤡ॥ ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠᤸᤗᤧ ᤐᤠ᤺ᤳᤋᤢ. “ᤔᤧᤴᤇᤠᤶ ᤕᤠᤵᤔᤡᤜᤠ᤹ᤏᤢ ᤀᤠᤕᤠᤶᤛᤠᤶᤔᤡᤴ ᤛᤍᤠᤍᤡᤱ ᤔᤧᤘᤠ᤹ᤏᤧᤴ. ᤌᤣᤀᤠᤱᤓᤧᤸᤗᤧ ᤂᤧᤴ ᤏᤠᤛᤡᤃᤧᤴ ᤌᤰᤗᤠᤖᤰᤗᤥ॥ ᤂᤧᤴ ᤁᤡᤵ ᤌᤡᤰᤁᤠᤱ ᤏᤡᤒᤥᤱ ᤋᤱᤒᤣ ᤌᤠᤖᤡᤰ ᤜᤡᤱᤗᤥ॥” ᤂᤧᤴ ᤕᤧᤶᤔᤥ ᤏᤢ ᤂᤧᤴ ᤀᤣᤃᤠᤱᤅᤠᤱ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤜᤥᤖᤢᤜᤠ᤹ ᤔᤧᤘᤕᤧ॥ ᤏᤡᤱᤘᤠ᤹ᤑᤢᤔᤠᤱᤛᤠᤜᤠ᤹ ᤔᤧᤴᤇᤠᤶ ᤕᤠᤵᤔᤡᤜᤠ᤹ᤖᤧ ᤂᤢᤴᤇᤡ᤹ ᤔᤧᤴᤇᤢᤔᤠ ᤛᤠᤜᤠ᤹ᤖᤥ ᤐᤣ᤺ᤰᤔᤠ ᤔᤧᤜᤣ᤺ᤰᤋᤧ. ᤜᤧᤰᤁᤩᤠᤱ ᤛᤠᤔᤧᤃᤳᤋᤧ॥ ᤂᤧᤱᤜᤠ᤹ᤖᤧ ᤔᤧᤃᤳᤋᤢᤛᤡᤒᤠ ᤛᤠᤜᤠ᤹ᤀᤣ ᤀᤢᤴᤇᤣ᤺ᤴᤒᤠ ᤕᤧᤶᤔᤥᤒᤠ ᤔᤢᤰᤁᤧᤃᤢᤒᤠ ᤏᤢ ᤁᤢᤔᤡᤱ ᤁᤧᤀᤡᤱᤒᤠ ᤔᤏᤠᤜᤠ᤹ ᤔᤧᤘᤕᤧ॥

ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤡᤱᤈᤠ᤺ᤱ ᤐᤡᤖᤢᤒᤠ ᤀᤡᤛᤡ᤺ᤰ ᤏᤢᤜ᤺ᤸᤗᤧ ᤁᤧᤖᤧᤰ ᤐᤠ᤺ᤴᤜᤠ᤹ ᤆᤥᤃᤢ॥

ᤂᤧᤸᤗᤧᤆᤥᤃᤢᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤜᤴ ᤔᤧᤳᤋᤢ. “ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤔᤧᤱᤔᤠᤛᤡ ᤏᤡᤱᤘᤠ᤹ ᤆᤥᤃᤢᤱᤅᤠᤱ ᤘᤠ᤹. ᤌᤣᤀᤠᤱᤓᤧᤸᤗᤧ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤌᤰᤛᤡᤱᤔᤠ ᤛᤧᤳᤇᤡᤱᤔᤠᤸᤗᤧ ᤋᤡᤶᤛᤧᤀᤠᤱ ᤏᤧ᤹᤺॥ ᤀᤥᤔᤧᤳᤋᤧ᤹. ᤂᤧᤱᤜᤠ᤹ ᤀᤠᤱᤃᤠ᤹ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴᤏᤢ ᤛᤥᤖᤡᤰ ᤔᤧᤰᤂᤢᤱᤛᤡᤱ᤹॥

ᤀᤠᤸᤗ ᤂᤧᤏᤧ᤹ ᤛᤤᤐᤪᤛ ᤔᤧᤵᤔᤏᤠᤒᤠ ᤛᤡᤱᤅᤧᤸᤗᤧᤴ ᤘᤠᤗᤠᤎᤠᤎᤡᤰ ᤆᤥᤃᤧ᤹॥ ᤘᤠᤗᤠᤎᤠᤀᤥ ᤕᤠᤰᤑᤠᤱᤜᤠ᤹ ᤆᤥᤃᤧᤛᤧ᤹. ᤜᤧᤰᤁᤩᤠᤱ ᤁᤢᤛᤡᤃᤠᤱ ᤏᤢ ᤗᤠ᤺ᤰᤁᤠᤳ ᤀᤗᤁᤋᤪᤠ᤺ᤸᤗᤧ ᤗᤧᤅᤧ᤹॥

ᤕᤜᤘᤣ ᤍᤠᤱᤒᤠᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ ᤀᤥᤔᤧᤳᤋᤢ. ᤜᤧᤰᤁᤩᤠᤱ ᤑᤧᤳᤗᤠ᤹ᤖᤧᤒᤠ ᤏᤡᤛᤢ. ᤌᤣᤀᤠᤱᤓᤧᤸᤗᤧ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤘᤠ᤹ᤒᤠ ᤁᤧᤖᤧᤰ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤑᤧᤳᤔᤧᤗᤠ᤹ᤖᤧ ᤔᤧᤒᤣᤀᤠᤱ ᤔᤧᤘᤕᤧ॥

ᤁᤧᤖᤧᤰ ᤁᤢᤜᤡᤱᤘᤧᤳ ᤌᤰᤛᤠ ᤐᤢᤛᤠᤜᤠ᤹ᤀᤥ ᤁᤢᤶᤒᤠᤒᤠ ᤏᤢ ᤁᤢᤶᤔᤠᤔᤠ ᤏᤧᤳᤏᤧᤳᤇᤡ ᤘᤠᤗᤠᤎᤠᤀᤥ ᤁᤣ᤺ᤳᤋᤧᤛᤧ᤹. ᤜᤧᤰᤁᤩᤠᤱ ᤂᤧᤱᤜᤠ᤹ ᤂᤧᤏᤧ᤹ᤏᤢ ᤛᤥᤖᤡᤰ ᤔᤧᤜᤡᤱᤗ॥