ខគម្ពីរពេញនិយមពី एहुना 15

ចែក​រំលែក

ईंग अंगूर दूब हवे अरू अपे नइड़तो हवे। ईंग हाँय सुदा अरू हाँय ईंग सुदा मिनीय दोहोनता दो, हाँय मुरुक नपाय बुताय बुता अवेता। मनदो ईंग अड़ाःकेडखन हाँय कहिसाः नपाय बुता ओरोय एचे अवेतेरा।

अपे ईंग सुदा मिनीपे दोहोन दो ईंग अपे सुदा मिनीयिंग दोहोनता। मीटोंग नइड़, दूबरे मेर दोहोनतान दो हन मेर जोःता। हनन इया अपे हों ईंग सुदा मिनी मेरपे दोहोन दो अपे तोनोंग नपाय बुता ओरोपे एचे अवेतेरा।

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

अपे ईंग मेरपे सुनावगडिंगा। मनदो ईंग अपेयिंग सुनावकेडपेःआ अरू अपे सेनेकियानखन सगर बेला वरी दोहोनता हना नपाय बुताराः जोःओकून अदेर लगायिंग एटाःकेडपेःआ। हनाते अपे ईंगराः ञावते ईंग अपांग एचेरेपे असेय हना हाँय एमेवापेता।

तोनोंगीग होड़ अनँयग सउंगताकू लगा जीवे एमे दो नाःआ अते मरंग दुलार तोनोंगीगराः कोवानेःआ।

ईंग सुदा मिनी दोहोनता अरू मेर जोःता हना नइड़ भगवान गेडगोडता अरू जोःता हना नइड़ अरू जोः लगाय कुड़गावगोडता।

ईंगराः हुकुम ननाः हवे, ईंग अपेयिंग अलार-दुलारता। हनन इया अपे होँपे अलार-दुलार होड़ेंग।

अपे नपाय बुताकेडखन मुरुक जोःओपे अदेरगोड दो अपे ईंगरिकुःआ चेलाकूपे बड़ाँःता। भगवानराः मान मरजइत नानाः अते होयाःता।

हनते ईसू आँयग चेलाकू एचेरेय कतातेरा, “सताय अंगूर दूब ईंग हवे अरू ईंग अपांग किसाड़ हवे।

तोनोंगीग ईंग सुदा मिनी मेरेय दोहोनतान दो हन अंगूरराः नइड़ इया गेडकेडखन तेके एंडागोडता अरू हना नइड़ झुरा जुवाःता। हनते होड़कू हना नइड़ मीरे हलंग जवारकेडखनकू बाल लो एंडागोडता।

ईंग मुरुक बहालरे इदानिंगा। हनन इया अपेराः जीव हों मुरुक बनाहाल जुवाः लगा नाःआ कता अपे एचेरेयिंग कताकेरा।

ईंग, ईंग अपांगराः हुकुमकूनिंग मनाःता अरू हाँय सुदा ईंग अलार-दुलारगोड ञवनता, हनन इया अपे ईंगराः हुकुमकूनपे मनाः दो अपेयिंग अलार-दुलारगोड ञवनता।

अपे अलार-दुलार होड़ेंगगोड ञवन लगा, ईंग नाःआ हुकुमकून अपे लगायिंग एमेयतना।

अपे नाःआ चउंदीसरिकुःआ होड़कूपे दोहोकुः दो चउंदीसरिकुःआ होड़कू अँननकू इया अपेकू अलार-दुलारकेःआ। मनदो अपे नाःआ चउंदीसरिकुःआ होड़कू ना लवे अरू ईंग अपे चउंदीस अते सुनावकेडखनिंग एटाःकेडपेःआ। हननलगा चउंदीसरिकुःआ होड़कू अपेकू हिनइस-बिनइसवाता।