ខគម្ពីរពេញនិយមពី isizwur 12

ចែក​រំលែក

rad‑zġ‑gik‑skrġ yan‑uqbil imqqurn. ra‑k‑barkġ, ssimġurġ ism‑nk f‑ad‑kšmn mddn ggutnin s‑lbaraka‑yad dark illan. rad‑barkġ willi‑k‑ibarkn, ḥgrġ wanna‑k‑iḥgrn. d‑kiyi a‑s‑rad‑barkġ kullu tagʷmatin n‑ddunit.»

isawl‑d sidi rbbi s‑abram yini‑as: «ffuġ zġ‑tmazirt‑nk, tflt aqbil‑nk d‑tawjja n‑babak, tddut s‑tmazirt lli‑rad‑ak‑mlġ.

iffuġ‑d abram ġakudan ġmklli‑s‑as‑inna sidi rbbi, imun dids luṭ. ssa n‑id‑mraw d‑smmus (75) n‑usggʷas a‑illan dar abram ġakud lliġ ifl tamdint n‑ḥaran.

iban‑d sidi rbbi i‑abram ġakudan yini‑as: «amud‑nk a‑mi‑rad‑fkġ tamazirt‑ad.» ibnu ġin abram yan‑ukrkur ma‑f‑a‑n‑issakmur tiġrṣiw i‑sidi rbbi lli‑as‑d‑ibann.