ខគម្ពីរពេញនិយមពី Luki 8

ចែក​រំលែក

Yaa bonbii n baa ki tinŋanga nni mo tie yaaba n gbadi U Tienu maama, ki gaa ma yaa pala n tiegi ki ŋani nni, ki kpaagi mi po ki kubi ma bonŋanla, ki juuni ki ban loni li bonluonkaala.

Yaa bonbii n baa ti konkondi nni tie yaaba n gbadi U Tienu maama, ama bi yaa suagi liiga, bi cedi ke bi yema yanyagidi, ŋalimani leni mi yemanma yankuali dini laa maama, ke bi bonluonkaala liba kuli ki beni.

Yaaba n tie nani ku tancaligu yeni tie yaaba n gbadi U Tienu maama, ki gaa ma lanyogunu leni li pamanli. Ama baa pia jiinmoani, bi daani u yogunu waamu bebe po, ama mi tulinma yaa cua yaa yogunu, se ban ŋaa li dandanli .

O den yedi o ŋoadikaaba: «Yi dandanli ye le?» Ti jawaandi leni li pakili den cuo ba, ke bi yedi biyaba: «One wani daa, o tie ŋme ki maadi ba ku tafaagu leni mi ñima ke likuli tuo ki tieni wan yedi yaala?»

Yaaba n tie nani u sankunu tinga yeni tie yaaba n gba U Tienu maama, ke Sutaani cua ki ñani ma bi pala nni, ke ban da daani ki baa mi tindima .

Liba kuli ki ye ki wuo ki kan wuodi. Liba kuli ki ye ki duagi ki kan doagidi bi niba n bandi.

O pua yeni n den sua ke waa wuo, o den cua ki digibi ki gbani Jesu nintuali ki waani bi niba kuli wan bi sii o yaala yaa po, ki go waani ke lanyogunu lige ke o paagi. Jesu den yedi o: «N bisalo, a dandanli paagi a. Gedi leni mi yanduanma.»

Bi den nagini ki fundi Jesu ki yedi o: «Canbaa, canbaa, ti bia.» O den fundi ki maadi leni ku faagu leni a ñinguona leni li bali, ke likuli duani suo.