ខគម្ពីរពេញនិយមពី MATEO 6

ចែក​រំលែក

Bey túuno' caxte'ex táanil u ajawil Jajal Dios yéetel le toj cuxtal utz tu t'aan leti'o', tuláacal túun le ba'alo'oba' bíin dza'abac te'ex xan.

Ma' a sen tucultique'ex túun u kiinil sáamal, tumen u kiinil sáamale' yaan u kuchul yéetel u sen tuuculilo'ob. Tuláacal kiine' cu kuchul yéetel u yaayam óolalo'ob.

Quin wa'alic túun te'exe': Ma' a sen tuucule'ex tu yo'olal a cuxtale'ex, ba'ax can a jaante'ex wa ba'ax can a wuke'ex, mix tu yo'olal a wíinclile'ex, ba'ax can a búuquinte'ex. ¿Ma' wa asab yaan u tojol le cuxtal ti' le janalo', bey xan le wíinclil ti' le nooko'?

Ba'ale' teche' le quéen payalchi'inaqueche', ooquen ta wotoch, kal u jool naile' ca payalchi'inaquech ti' a Taata chéen ta juunal tu yéetel. A Taata máax táan u yilic ba'ax ca x mucul beetique', leti' bíin u dzáa teech a bo'olal.

Te'exe' payalchi'inene'ex beya': C Yuum yanech te j ca'ano', quili'ichcunsa'ac a kaaba'. Talac a ajawil. Beeta'ac ba'ax a káat way lu'ume' je'el bix u beeta'al te j ca'ano'.

Dzáa to'on bejela'e' le waaj kabéet ti' to'on sáamsamalo'.

Sa'ates to'on le kaas dzo'oc c beetico', je'el bix to'on c sa'atsic le máaxo'ob cu beetic to'on kaaso'.

Ma' a cha'ic c lúubul ti' túuntaj óolal, ba'ale' toco'on ti' kaas. Tumen a ti'al le ajawilo', le páajtalilo' yéetel le nojbe'enilo' u ti'al kiino'ob mina'an u xuul. Amen.

Tumen wa te'ex ca sa'atsique'ex le kaas cu beeta'al te'ex tumen máaco'obe', bey xan te'ex bíin sa'atsa'ac a si'ipile'ex tumen a Taataex yaan te j ca'ano'

Pacte'ex le ch'íich'o'ob cu xiknalo'obo', ma' tu paakalo'ob mix tu jocho'ob, mix teech u líikesico'ob u yich paakal ti' ch'iilo'ob, ba'ale' a Taatae'ex yaan te j ca'ano' leti' tzéentico'ob. ¿Ma' wa asab yaab a tojole'ex ti' le ch'íich'o'obo'?

Ma' a much'quintique'ex ayikalilo'ob way lu'ume', tu'ux cu kascunaj kamas yéetel tu'ux cu cuuxumtal tuláacal ba'al, tu'ux xan cu pa'abal najo'ob tumen j oocolo'ob u ti'al u yoocolo'ob. Ba'ale' much'quinte'ex ayikalilo'ob te j ca'ano', tu'ux ma' tu kascunaj kamas mix cu cuuxumtal mix ba'al, mix xan tu pa'abal najo'ob tumen j oocolo'ob u ti'al u yoocolo'ob. Tumen tu'ux yaan a ayikalile'exe', ti' bíin yanac xan a pucsi'ikale'exi'.

Mix máac cu páajtal u meyajtic ca'a túul dzuul, tumen bíin u p'ect jun tuli' yéetel bíin u yaabilt u láak; wa, bíin u bisubáa yéetel jun túule' yéetel bíin u cúulpachcunt u láak. Ma' tu páajtal a meyajtique'ex Jajal Dios wa táan a meyajtique'ex le taakino'.

Wa Jajal Dios bey u búucbesic le xíiw bejela'e' ti' yaan te j káaxo', sáamal cu tóoca'ale'. ¿Ma' wa je'el u beetic asab yaab utz ti' te'ex, jun p'íit ocsaj óol wíinique'ex?

Ba'ale' teche' le quéen a wáant le óotzilo'obo', ma' u yojéetic a x tsíic ba'ax cu beetic a x-no'oj; ilawil a x mucul beetic. A Taata máax táan u yilic ba'ax ca x mucul beetique' leti' bíin u dzáa teech a bo'olal.

Ma' a beetique'ex a wutzil meyaje'ex tu táan máaco'ob chéen u ti'al ca u yilo'ob. Wa ca beetique'ex beyo', mix jun p'éel bo'olal bíin a kame'ex ti' a Taataex yaan te j ca'ano'.

Te'exe' le quéen su'ukinaque'exe' ma' a cha'ique'ex u okom óolta'al a wiche'ex je'el bix u beetic le j ca'a p'éel icho'obo'; tumen leti'obe' bey u beetico'obo' u ti'al ca ila'ac tumen máaco'ob táan u su'ukino'ob. Tu jaajil quin wa'alic te'exe', dzo'oc u kamico'ob u bo'olalo'ob beyo'. Ba'ale' teche' le quéen su'ukinaqueche', p'o'o a wich yéetel qui'ibocquint a pool, u ti'al ma' u kajóolta'al tumen máaco'ob wa táan a su'ukin. A Taata máax yaan tu juunal ta wéetelo', chéen leti' cun ilic, leti'e' bíin u dzáa teech a bo'olal.