ខគម្ពីរពេញនិយមពី GENESI 39

ចែក​រំលែក

Muṋe washu o vha e na Josefa, zwa mu nakela, a dzula muṱani wa muṋe wawe wa Muegipita.

zwoṱhe zwe a vha e nazwo a zwi kumedza Josefa uri a zwi londole, Photifara a si tsha ḓidina nga tshithu arali zwi si zwiḽiwa zwine a ḽa fhedzi. Huno Josefa o vha o vhumbea zwavhuḓi, o naka.

Mulindadzhele a ita uri Josefa a lange vhoṱhe vhe vha vha vho farwa dzhele, a ita uri a lavhelese zwoṱhe zwi no itwa henefho.

Muṋe wa Josefa a mu dzhia a mu hoṋela dzhele, henefho he ha vha ho valelwa zwivhotshwa zwa khosi. Huno musi Josefa e henefho dzhele, Muṋe washu o vha e nae; a mu itela vhuthu, a ita uri mulindadzhele a mu takalele.

Ngavhuya mufumakadzi wa muṋe wawe a mu emula a ri, “Nga ri dzhenisane nḓuni!” Josefa a hana, a fhindula mufumakadzi wa muṋe wawe a ri, “Nga vha vhone, nṋe ndi langa zwoṱhe, muṋe wanga a vha tsha ḓidina nga tshithu fhano muṱani; zwoṱhe zwine vha vha nazwo vho zwi kumedza nṋe uri ndi zwi londole. A hu na ane a vha muhulwane fhano muṱani u fhira nṋe. Muṋe wanga a vha nnzivhisi tshithu arali vhe si vhone fhedzi nge vha vha mufumakadzi wavho. Zwino ndi nga itelani vhuvhi vhungafho nda khakhela Mudzimu?”

Muṅwe musi Josefa a ya nḓuni a tshi yo shuma mishumo yawe; henefho ngomu ho vha hu si na na muthihi wa vhashumi vha nḓuni. Uyo mufumakadzi a fara Josefa nga khanzu a ri, “Nga ri dzhenisane nḓuni!” Hone Josefa a shavha a bva nḓuni, a sia khanzu yawe yo farwa nga uyo mufumakadzi.