ខគម្ពីរពេញនិយមពី EKISODA 2

ចែក​រំលែក

Mudzimu a pfa u gomela havho, a humbula mulanga wawe we a vhofha na Abrahamu na Isaka na Jakopo. Mudzimu a sedza u tambula ha Vhaisraele, zwa mu dina.

Hó no fhela miṅwaha minzhi, khosi ya Egipita ya fa. Vhaisraele vho vha vha tshi khou ḓi gomela vhupulini, vha ṱavha mukosi uri Mudzimu a vha farise. Tshililo tshavho tsha swika ha Mudzimu.

Musi uyo ṅwana o no thanya, a mu isa ha ṅwananyana wa Farao, a vha ṅwana wawe. A ri u pfi Mushe nge a ri, “Ndo mu ṋula maḓini.”

Ṅwananyana wa Farao a mu vhudza a ri, “Nga vha ṱuwe na ṅwana hoyu vha mmamisele ene a vhuye a thanye. Nṋe ndi ḓo vha pfufha.” Ndi hone uyo musadzi a tshi dzhia uyo ṅwana a yo mu lela.

Huno ṅwananyana wa Farao a tsela mulamboni u yo ṱamba, vhananyana vhane vha mu shumela vhone vha tshi khou tshimbila khunzikhunzini ya mulambo. A vhona tshirundu vhukati ha ṱhanga, a ruma mushumi wawe wa musidzana uri a yo tshi dzhia.

Musi Mushe o no vha munna, a tshimbila a tshi dalela vhathu vha hawe, a vhona vha tshi konḓiselwa vhutshilo, zwa mu ḽisa mbilu. A vhona Muegipita a tshi khou rwa Muheberu wa hawe. A livha-livha a vhona hu si na muthu, a mbo ḓi vhulaha Muegipita a mu dzumba muṱavhani.