ខគម្ពីរពេញនិយមពី ମାତିଉ 6

ចែក​រំលែក

ମିଡ଼୍ ଅନ୍‌ ରାଜ୍ୟତ୍ ମାଇଦିଙ୍କ୍ ହେର୍କା ମାଡ଼ାଟ୍, ଆଲେକେ ଅଣ୍ଡ୍‌ ମିକିଂଙ୍କ୍ ଇଦ୍ ସାର୍‍ରେବିଷୟ୍ ହିଦ୍‍ତଣ୍ଡ୍ । ଆଲେକେ ଅଣ୍ଡ୍‌ ମିକିଂଙ୍କ୍ ବାଗାତ୍ ସାରେ ବିଷୟ୍ ନେହେସମିନ୍ଦେନ୍ ।

ଆଦିଙ୍କ୍ ୱାଦାନ୍ ଦିନାମ୍ ସେଙ୍ଗେ ଦାନ୍ଦେ ଆୟ୍‍ମାଟ୍ । ନାଡ଼୍‍ଦେ ଚିନ୍ତେ ମାଡ଼ି ନେଣ୍ଡ୍‍ତେ ଦାନ୍ଦେ ଗାଟି ମାଡ଼୍‍ମାଟ୍ ।

“ଆଦିଙ୍କ୍ ନାନ୍ କେତୁତାନ୍, ବାଦ୍‍କାନ୍ ସେଙ୍ଗେ ଦର୍‍କାର୍ ଆଦାନ୍ ଆର୍‍ ନୁ ଉନ୍ଦାନ୍‍ନାଦ୍ ନୁ କେର୍‍ତାନ୍ ମାଇଦିଙ୍କ୍ ଦର୍‍କାର୍ ଆଦାନ୍ ଚକାସିଲେ ସେଙ୍ଗେ ଦାନ୍ଦେ ଆୟ୍‍ମାଟ୍ । ତିନ୍ଦାନାୱ୍ ନାଗାଙ୍କ୍ ଜିୱୁନ୍‌ ବାତ୍ ଅଦିକ୍‌ ମୂଲ୍ୟବାନ୍ ଆୟ୍‍ୟ ? ସିଲେକିନାଗାଙ୍କ୍ ମେନ୍ଦୁଲ୍ ବାତ୍ ଅଦିକ୍‌ ମୂଲ୍ୟବାନ୍ ଆୟ୍‍ୟ ?”

ବାତେଙ୍କ୍ ଇତ୍‍କେ ମିଡ଼୍ ପ୍ରାର୍ତନା ମାଡ଼ାନ୍ ମାଇଦିଙ୍କ୍ ନିଜେତ୍ ବାକ୍‍ଡ଼େ ଲୋପେ ଆନୁଟ୍, କାପାଟ୍ କେଏମୁଟ୍ ନୁ ମିଇ ମିଞ୍ଜିମାନ୍ଦାନ୍ ବାବାଲ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାଟ୍ । ମିଡ଼୍ ମିଞ୍ଜିମାଞ୍ଜ୍ ବାତ୍ ମାଡ଼ିତିଡ଼୍, ସାରେତିଙ୍କ୍ ଉଡ଼ାନନ୍ ବାବାଲ୍ ଇଶ୍ୱର୍ ଆଦ୍ ଉଡ଼ି ମିକିଂଙ୍କ୍ ପୁରସ୍କାର୍ ହିଦ୍‍ତଣ୍ଡ୍ ।

ଆଦିଙ୍କ୍ ଇଦ୍ ରକମ୍ ପ୍ରାର୍ତନା ମାଡ଼ାନାଦ୍ ଟିକ୍, “ହଁ ସ୍ୱର୍ଗତନି ବାବା, ନିୟାଦ୍ ପେଦେର୍ ପବିତ୍ର ହିଞ୍ଜ ମାନ୍ୟ ହାୟି । ନିୟାଦ୍ ରାଜ୍ୟ ୱାଡ଼ି । ନିୟାଦ୍ ଇଚ୍ଛା ବେଲା ସ୍ୱର୍ଗତାଗ୍ ଆଦେପୁଟୁଙ୍କ୍ ହି ପୃତିବିତାଗ୍ ମିକା ସାରେ ହାୟି ।

ସାରେଦିନା ମାକିଂଙ୍କ୍ ଦର୍‍କାର୍‍ ଆଦାନ୍ କାଦି ହିମ୍ ।

ମା ବିରୁଦ୍‍ତେ ଦଷ୍ ମାଡ଼ିମାନ୍ଦାନ୍ ନାରୁଡ଼୍‍କିଂଙ୍କ୍ ମାମ୍‍ମେ ବେଲା କ୍ଷମା ମାଡ଼୍‍ତମ୍, ଆଦେପୁଟୁଙ୍କ୍ ମାୱାଦ୍ ଦଷ୍ ସାରେ କ୍ଷମା ମାଡ଼େ ।

ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା, ମାତର୍ କାରାପ୍ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ । ବାତେଙ୍କ୍ ଇତ୍‍କେ ରାଜ୍ୟ, ପରାକ୍ରମ୍, ଗୌରବ୍ ଯୁଗ୍‍ଯୁଗ୍ ନିୟାଦ୍, ଆମେନ୍ ।”

“ମିଇ ବିରୁଦ୍‍ତେ ଦଷ୍ ମାଡ଼ିମାନ୍ଦାନ୍ ବାଗାତ୍ ନାରୁଡ଼୍‍କିଂଙ୍କ୍ ଯଦି ମିଡ଼୍ କ୍ଷମା ମାଡ଼ିତିଡ଼୍, ସ୍ୱର୍ଗତଣ୍ଡ୍‌ ବାବାଲ୍ ଇଶ୍ୱର୍ ମିକା ମିକିଂଙ୍କ୍ କ୍ଷେମା ମାଡ଼ିତଣ୍ଡ୍‍ ।”

ପାର୍‍ତାନ୍ ପିଟେଙ୍କ୍ ଉଡ଼ାଟ୍ । ଆହ୍ ୱିତ କି କୟ୍‍ୟ । ପସଲ୍ ଅମଲ୍ ମାଡ଼ି କୁସ୍‍ତାଗ୍ ନେହେୱ । ଇତ୍‌କେ ସ୍ୱର୍ଗତଣ୍ଡ୍‌ ବାବାଲ୍ ଇଶ୍ୱର୍ ଆୱିଙ୍କ୍ ଜତନ୍ ମାଡ଼ି କାଦି ଇଦୁତଣ୍ଡ୍ । ମିଡ଼୍ ବାତେଏ ପିଟେନାଗାଙ୍କ୍ ଅଦିକ୍‌ ମୂଲ୍ୟବାନ୍ ଆୟୱିଡ଼୍ ?

“ହି ପୃତିବିତାଗ୍ ନିଜେତ୍ ସେଙ୍ଗେ ଦନ୍ ଗୁଡ଼୍‌ପାଟ୍ । ଇଗେତ୍‍ ସେଙ୍ଗେ, କାର୍କେ ପଇସ୍ ଗୁଡ଼୍‍ପାନ୍ ଦନ୍‌ କାରାପ୍ ଆଦ୍‍ତେ, ବା ମାଡ଼୍‍ଡ଼ା ସିନ୍ଦିମାଡ଼ି ଡଙ୍ଗି ଆଦ୍‍ତା ।” ମାତର୍‌ ବେଗେ ପୁଡ଼୍‍ୟୁ ନୁ କାର୍‍କେ ପୟ ମେଣ୍ଡେ ଡଙ୍ଗାଲଡ଼୍‍ ଡଙ୍ଗି ଅଦ୍‍ ପାର୍‍ୱଡ଼୍‍, ଇଦ୍‍ ରକମ୍‍ ସ୍ୱର୍ଗତାଗ୍‍ ନିଜର୍‍ ନିଜର୍‍ ସେଙ୍ଗେ ଦନ୍‍ ଗୁଡ଼୍‌ପାଟ୍‍ । ବାତେଙ୍କ୍ ଇତ୍କେ ବେଗେ ମିୱାଦ୍ ଦନ୍‍ସମ୍ପତ୍ତି, ଆଗେ ମିକା ମିୱାଦ୍ ମନ୍ ।

“ୱେରଣ୍ଡ୍ ନାରୁଡ଼୍ ଇର୍‍ୱୁଡ଼୍ ମାଲିକ୍‍ତେ ସେବା ପାଡ଼ିୟିମାଡ଼େ ପାର୍‍ୱଡ଼୍ । ଅଣ୍ଡ୍‌ ଅଡ଼୍‌‍କିଂଙ୍କ୍ ପ୍ରେମ ମାଡ଼୍‍କେ ମେଣ୍ଡେ ଅଡ଼୍‌‍କିଂଙ୍କ୍ ପାସ୍‍କି ମାଡ଼ିତନ୍, ଅଡ଼୍‌‍କିଂଙ୍କ୍ ସମ୍ମାନ୍ ମାଡ଼ିତନ୍ ମେଣ୍ଡେ ଅଡ଼୍‌‍କିଂଙ୍କ୍ ସମ୍ମାନ୍ ମାଡ଼ଣ୍ଡ୍ । ଇଶ୍ୱର୍ ଇତ୍‌ତେ ଦନ୍ ସମ୍ପତି ଇର୍‍ୱୁଡ଼ାଦ୍ ଦାସ ଆତ୍‍ତାଙ୍କ୍ ପାର୍‍ୱିଡ଼୍ ।”

ନେଣ୍ଡ୍ ୱାୟାତାଗ୍ ମାନ୍ଦାନ୍ ଗାଡ଼୍ ଯଦି ନାଡ଼୍ ମାନ୍‍ନ, କଇସ୍‍ମିକା ଅୟ୍‌ଦାଲ୍‌ କିସ୍‍ତାଗ୍ କାର୍‍ୱିତା । ବାତେଙ୍କ୍ ଇତ୍‍କେ ଆୱିଙ୍କ୍ ମିକା ଇଶ୍ୱର୍ ବେସର୍ ସୁନ୍ଦର୍ ସିଲେନ୍ ସଜାମାଡ଼୍‍ତଣ୍ଡ୍ । ମିକିଂଙ୍କ୍ ଚକାସିଲେ ହିଦାନ୍ ମାଇଦିଙ୍କ୍ ଅଣ୍ଡ୍‌ ବାତ୍ ଗାଟି ଚିନ୍ତେ ମାଡ଼ଣ୍ଡ୍ ? ମିୱାଦ୍ ବିଶ୍ୱାସ୍ ନିଜାମ୍ ବେସର୍ ସୁଦୁର୍ !”

ବାତେଙ୍କ୍ ଇତ୍‍କେ ମିଡ଼୍ ୱେରନ୍ ଅବାବ୍‍ ତଡ଼୍‍କିଂଙ୍କ୍ ସାହାଯ୍ୟ ମାଡ଼ାନ୍‍ୱେଲେ, ଇଦ୍ ରକମ୍ ମାଡ଼ାଟ୍, ବେଲାକି ମିୱଣ୍ଡ୍ ସାଏତ୍ ସାଙ୍ଗ ମିକା ଇଦ୍ ଗଟ୍ ପୁନ୍ଦାଙ୍କ୍ ପାର୍‍ୱଣ୍ଡ୍ । ମିୟାଦ୍ ଇଦ୍ ମିଞ୍ଜିମାଞ୍ଜ୍ ଆତ୍‍କେ ମିକା ମିୱଣ୍ଡ୍ ସାରେତିଙ୍କ୍ ଉଡ଼ାନ୍ ବାବାଲ୍ ଇଶ୍ୱର୍ ଆଦ୍ ଉଡ଼ି ପୁରସ୍କାର୍ ହିଦ୍‍ତଣ୍ଡ୍ ।

“ନାରୁଡ଼୍‍କିଂଙ୍କ୍ ତଅତାନ୍ ମାଇଦିଙ୍କ୍ ସାରେତଡ଼୍ ମୁନ୍‍ନେ ଦର୍ମକାମ୍ ମାଡ଼୍‍ମାଟ୍ । ଆଲା ମାଡ଼୍‍କେ ବାବାଲ୍ ଇଶ୍ୱର୍‌ତାଗାଙ୍କ୍ ମିଡ଼୍ ପୁରସ୍କାର୍ ପାଏମ୍ ଆୟ୍‍ୱିଡ଼୍ ।”

“ଉପବାସ୍ ମାଡ଼ାନ୍ ୱେଲେ ବୁସା ଦାର୍ମିକିଡ଼୍ ଲେକାମ୍ ମକମ୍‍ତିଙ୍କ୍ ମାଡ଼୍‍ମାଟ୍ । ଅଡ଼୍‌ ଉପବାସ୍ ମାଡ଼ୁତଡ଼୍ ଇଞ୍ଜ ବାଗାତ୍ ନାରୁଡ଼୍‍କିଂଙ୍କ୍ ତଅତାନ୍ ମାଇଦିଙ୍କ୍ ନିଜେତ୍ ମକମ୍‍ତିଙ୍କ୍ ଜତନ୍ ମାଡ଼ି ନେୱଡ଼୍ । ଇଦ୍ ନିଜାମ୍‍ ଯେ ଆଦ୍ ରକମ୍ ମାଡ଼ାନ୍ ତଡ଼୍ ଅଡ଼୍‌ ତାମାଙ୍କ୍ ଦର୍‍କାନାଦ୍ ପାଏମ୍ ଆସ୍‍ମିନ୍ଦେଡ଼୍ ।” ବାତେଙ୍କ୍ ଇତ୍‍କେ ମିଡ଼୍ ଉପବାସ୍ ମାଡ଼୍‍ତେ ୱେଲେ ମକମ୍ ନର୍‍ସ୍, ନିୟ୍‍ ଉସି, ତାଲ୍ ଇଡ଼୍‍ସି ଲେକେତ୍‌ ଆସ୍ ମାନୁଟ୍ । ବେଦ୍‍ପୁଟୁଙ୍କ୍ ଉପବାସ୍ ମାଡ଼ୁତିଡ଼୍ ଇଞ୍ଜ ବାଗାତ୍ ନାରୁଡ଼୍ ପୁନ୍ଦାଙ୍କ୍ ପାର୍‍ୱଡ଼୍, ବାତେଙ୍କ୍ ଇତ୍‍କେ ମିୱଣ୍ଡ୍ ତନ୍ଦୱେନଣ୍ଡ୍ ବାବାଲ୍ ଇଶ୍ୱର୍ ଆ ସାରେ ଗଟ୍ ପୁନ୍‍ତଣ୍ଡ୍ । ମିଡ଼୍ ମିଞ୍ଜିମାଞ୍ଜ୍ ବାତ୍ ମାଡ଼ୁତିଡ଼୍; ଆଦ୍ ଉଡ଼ି, ଅଣ୍ଡ୍‌ ମିକିଂଙ୍କ୍ ପୁରସ୍କାର୍ ହିଦ୍‍ତଣ୍ଡ୍ ।