ខគម្ពីរពេញនិយមពី मत्ती 13

ចែក​រំលែក

होर कुछ लोक तेस बेजे साहीं ऐं जो बढ़िया जमीना मन्झ बाहे, यूं स्यों माह्णुं ऐं, जो परमेसरा रे बचना जो सुणी किन्हें समझ्हे, होर परमेसरा री इच्छा रे मताबक करहा ऐं, यूं तेस फसला साहीं ऐं, जो सौ गुणा, साठ गुणा, होर तीह गुणा फल ल्याहूहाँ ऐं।”

होर कुछ लोक तेस बेजे साहीं ऐं जेह्ड़े झाकड़ा मन्झ बाहिरे, यूं स्यों माह्णुं ऐं, जिन्हें परमेसरा रा बचन सुणेया, होर एस संसारा री चिन्ता, पैसे रे धोखा मन्झ फसी किन्हें बचना मन्झ बढ़ने ले रुकी गये, होर स्यों परमेसरा री इच्छा पर नी चली पांदे।

जो कोई राज्या रा बचन सुणी किन्हें नी समझ्दा, तेसरे मना मन्झ जो कुछ बाहिरा था, तेता जो से दुस्ट सैतान आई किन्हें लेई जाहाँ। ये एह्ड़े लोक ऐ जो पैंडे रे बाढे बाहिरे थे।

होर कुछ लोक तेस बेजे साहीं ऐं जेह्ड़े गट्टे वाली जमीना पर बाही जाये, यूं स्यों माह्णुं ऐं, जो परमेसरा रे बचना जो सुणी किन्हें झटपट खुसी किन्हें मन्हां ऐं। पर आपणे अंदर जड़ नी पकड़णने री वजहा ले स्यों थोह्ड़े ही ध्याड़े तक विस्वास रख्हा ऐं, होर बचना री वजहा ले स्यों दुःखा रे टैमा बचना पर विस्वास करना छाडी देहां ऐं।

“फेरी स्वर्गा रा राज एह्ड़ा आ। एकी माह्णुं जो केसी डोर्ही मन्झ ल्कोई रा खजाना मिल्या, जेस जो तिन्हें माह्णुंऐ ल्कोई दितेया, होर खुसी रे मारे जाई किन्हें होर आपणा सब कुछ बेची किन्हें से डोर्ही खरीदी लई।”

पर कुछ बांकी जमीना पर पया, होर बौह्त फलेया, केसिए सौ गुणा, केसिए साठ गुणा, केसिए तीह गुणा।

कटाई तक दुंहीं जो साउगी-साउगी बढ़ने देआ, होर कटाई रे टैमा मां कटाई करणे वाल़े किन्हें बोलणा; पैहले जंगली बेजे रे डाल पट्टी किन्हें फुकणे रे कठे तिन्हारे भारे बान्ही लऊआ, होर कणका जो मेरे गोदामा मन्झ कठा करा।’”