ខគម្ពីរពេញនិយមពី Matius 10

ចែក​រំលែក

“Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Séi uman si mahkelung ung katou-touanna, ni sia éng kaliongan ung katou-touanna. Taan séi uman si kinaliongan ung katou-touanna pahpaan ni Aku, ni sia é makailek ung katou-touan makaz ing kauré-uré.”

Ni kamu én tia' maindé' wia sé tou sé makawawa uman i munu' un awak niou, taan zéi'kan makawawa i munu' si roh niou. Taan maindé'la ni Sia si wéwéhan ung kawasa i munu' un awak wo si roh niou witi naraka.

Séi uman si zéi'kan masaan u salipna wo kumiit ni Aku, ni sia én zéi'kan wangun ing kumiit ni Aku.

Ang kuan kasii ni Yesus, “Séi uman si makaulitla wia sé tou i ni sia é ma'éman wia ni Aku, ni Aku kangkasii é makaulit witu u sinaru ni Ama'-Ku witi kasendukan i ni sia én tou-Ku. Taan, séi uman si mahkélong ni Aku witu sinaru né tou, ni Aku kangkasii éng kumélong ni sia im witu u sinaru ni Ama'-Ku witi kasendukan.”

Lé'osela sé tou saki, itoumé sumaup sé tou nimatémo, lé'osela sé tou tinoro ang kusta wo iwohola sé sétang. Péléng ang kawasa itii é mémoitambér wia ni kamu, niitumo itambér kasiila niitu i sumawang sé tou walina.

Niitumo, ni kamu én tia' maindé', pahpaan im wia si Opo Empung, ni kamupé' sé ipahpuu-puuna taan sé ringkéng lakez.”

“Tia' kamu mahgenangla ni Aku i niméyé é mahalimé u mahlé'o-lé'osan wia sé tou wia ung kaayahan. Ni Aku i niméyé én zéi'kan nimahalimé u mahlé'o-lé'osan taan nimahalimé am pahkoro'an né tou wia ung kaayahan.