ខគម្ពីរពេញនិយមពី Lucas 8

ចែក​រំលែក

Qaq asom nanguishi mayi tajlec som no'on 'alhua, qalaq naigui ca shiÿaxaua mayi no'on da lquiyaqteÿaxac, qataq lhuotta da n'axaÿaxan, qataq ÿalaxaguet da n'aqtac, qataq quetelec. Sa ishit da qoshiuec, qataq ÿataqta huo'o da alaÿaxac.

Qaq asom nanguishi mayi tajlec som 'alhua mayi huo'o ana ÿaxat, qalaq naigui ca shiÿaxaua mayi n'axaÿaxaatega da n'aqtac. Ime, qaq jec, qaÿata'ague nachi qaÿapolec da n'aqtac souaxat da lqochoxo nam huetalec ana 'alhua, qataq dam nsallaxa, qataq dam lqopitaxanaqtaic 'enauac na chochina qauem. Qanachi sa ishit da huo'o ca alaÿaxac naq'en da n'aqtac.

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Ime, nachi 'enapegalo soua lapaxaguenataqa, 'eeta': –¿Chi táigo' cam qadpi'iÿaxaqui? Qalaxayi somayipi ÿataqta ñi'i, qataq ÿataqta huo'o da l'aalaxa. Nachi ñi 'oonolec inattac ñi lÿa, 'eeta': –¿Négue't dam da' shiÿaxaua?, yi ishit da ÿamaq na l'at qataq na 'etaxat, nachi ishit da ÿalaq.

Qaq asom nanguishi mayi tajlec na laÿi so nqa'aic, qalaq naigui ca shiÿaxaua mayi n'axaÿaxaatac. Qalaxayi anac som shiÿaxaua mayi lma'na, nachi deuotaxanec som n'aqtac mayi huetagui añi lquiyaqte, da yaqto' sa ishit da da'amqajnataxan naq'en, nachi sa ishit da nca'aleec.

Cha'ayi qaica da huo'o ca qoÿoxottapiguiñi da huo'otaq sa ishit da sa qaÿauana. Qataq qaica ca saq cha'a da huo'otaq sa qaÿaÿaten huo'otaq da sa qaimeten.

Nachi aso 'alo co'ollaq ila'a da mashi yi'aqalec de'eda 'eetec, nachi nqo'oneu'a so Jesús, ÿataqta iviloxol. Nachi i'adoto naua l-llicte. Nachi da'aqtaxanem somayi da 'eetec dam huo'o mshi ipoteu'a somayi, qataq da 'eetec co'ollaq vi'iiguet na ltago'q. Qaq 'enauac se'eso shiÿaxauapi qai'aqchigui asomayi. Nachi so Jesús 'enapego' asomayi, 'eeta': –'Am ÿaqaÿole, nagui mashi 'am no'oita, cha'ayi 'au'amqajnataxan. 'Aue, qojec, saqca ca da.

Nachi qanqo'ona so Jesús da qanquetoxon. Nachi qoÿiitega, qoÿiita': –'Am mayi 'auapaxaguenataxaatac, mashi huotaique da qomi' iyiiyiñi. Nachi ñishiguem so Jesús. Ime, qaq nlaxa so l'at. Qataq ana lapaxa so 'etaxat nachi vi'iiguet 'enauac, qataq ipactegue da ntochiguiñi.