ខគម្ពីរពេញនិយមពី Lucas 10

ចែក​រំលែក

Aÿim qami' sanema da n'añaxac, da yaqto' qauapiigui na n'adaxanaqpi qataq na pelaqtoitpi, qataq yaqto' ishit da qanaloÿa'aguet 'enauac da l'añaxac ca depa'aguenataxaatac, qaq sa ishit da qami' qaique'emaqchi't.

Qalaxayi so Jesús, 'enapeco': –Marta, Marta, ÿataqta 'admela't, qataq 'am ÿaquicoqchit nam qalota 'addaxacpi. Qalaxayi 'oonolec dam ÿacteec da qaiuen. Añi María ÿataqta 'onaxaic dam tateu'a, qaq damayi qaica ca ishit da nqat.

Nachi som dapaxaguenataxanapec 'eeta': –“Ÿataqta 'auauotec ñi 'adataxala' Dios, ÿataqta 'amato'ot 'enauac da 'adquiyaqteÿaxac, 'adca'alaxa, 'ad'añaxac qataq 'enauac da 'adhuennataxac, nataq'en ÿataqta 'auauotec ca qoneta'am 'adÿa, 'eeta'am da maichi 'anauojla't.”

Nachi 'enapego', 'eeta': –'Eesa da ÿataqta qalota na n'onatac da qanqat na ala na nanguishic. Qalaxayi nam 'onataxanaxaicpi saq 'amaqtaq. Qaq ÿoqo'oyi no'on da qauÿaxañiÿot ñim lalamaxat ne'ena n'onatac, da yaqto' namaq ca 'onataxanaxaicpi, da yaqto' nqat namayi.

Qaq nagui 'am senat, ¿chaq négue't se'esoua tres ca 'aupeta'a da ÿachaxan da ÿoqta lÿa se'eso shiÿaxaua mayi nhuo't soua cachaxaiqa? Nachi som dapaxaguenataxanapec 'enapeco': –Qomyi som huo'o da lchoxonnataxanaxa somayi. Nachi so Jesús 'enapeco': –'Aue, qojec, nataq'en 'au'ot damaxa.

Qami' qoquii nagui, qami' sama'q, qaq qoñiita'am qome ca qagueta llalaqpi da quichiguingui na dequi'iÿapecpi.