ខគម្ពីរពេញនិយមពី JENESIS 6

ចែក​រំលែក

Zai kedeirei ge ziemmena je pa ne tewgai’ndibe deze Tingwang ne pe lungneu di de lei, zai pe suisia di de lei.

Kedeirei ge ziemmena gu helungriaksiabe tak zene puigit ze bambe zai ziemmena pe lung ka’nningbe ge kesiabe runne ’nningsau mak luisui ze bamdibe Tingwang ne ngau di de lei.

Kane Noabe â Tingwang mikngau ge pe lungwângchangbe ngau lu de lei.

Aize Noabe rehei ting rasam de lei. Noabe â ziemmena kapelingbe kau zai pe gu rehei ting ge heziâkgabe kau lei; Noabe â Hera benai nguapuinakattew ze bam de lei.

Chidadege Tingwang ne, “I ne ’ndamgailube ziemmena je kedeirei gene tew’ngga ’ndu de lei, ziemmena zai hekaubena zai liaruabe zat ramme, zai liamruabe ’nruine ramme peireige, I ne penui je ’ndamgailube peireige a lungneu dai di daseu,” ze kacheu de lei.

Ziemmena kedeirei ge pungpat chu dadege, zai penui na ’mpuimi ramme lungkeu gai dege â Hera name ramme mikngau ge ziemmename na heleume heleuyibe ngaupat ti de lei; zai penui ne nei-neime je penui nâu hang lu chu di de lei. Chidadege Tingwang ne, “A gu herui ziemmena dage betingbeta ’nnai ze bam bam ra mak lei, pa â hemei pum daseu, kane pa kum haî kat ze ’ngkai ring gu lei,” ze kacheu de lei. Chipauting ge, zai bechâng ge du kedeirei ge ziemmena kedime (kaherâme) bam de lei, zai Hera name ’mpeumi ramme benai ziemmena na ’mpuimi ramme ngua gai dege â penui name du lungkeu de lei. Aime bau ze â ’ndâting ge peranchime zai hejidime bau de lei.

Noabe chipau luigum ze tew de lei; Hera ne pechu diegaibe leine pa tew de lei.

Zai Hera ne Noabe je, “Ziemmena leine je tewbetûn gai ra a lung gene kam lu de lei; penui ziegene kedeirei ge ’nggî-kahegeibe ne puigit ti daseu; pie le lau, ziemmename benai penui lungbe kedei je du I ne tew’nsia kam ’ndu de lei.

Ning hangge gopher heching yibe ne ’nneikuak teleu le lau; pelung ge pesîam ramme tew gai le lau, zai pelung benai hela ze du mâta ne keniaknam ra lei.

Zai Hera ne kedeirei je ngau di de lei, zai pie le lau, kedeirei sia-desang di de lei; ziemmena leine kedeirei ge kesiabe ’mpuî ’mbe tat kai kam di de lei.

Zai mâ-keringbe zat leine gene bepui, perie aibe kena ’nneikuak ge teigut kai ra lei, ning dagene penui ringpatchi le ra hangge zeu.