គម្រោង​អាន​និង​អត្ថបទស្មឹងស្មាធិ៍ជាមួយ​ព្រះ ​​ដោយ​ឥត​គិត​ថ្លៃ​ ដែល​ទាក់​ទង​ទៅ​នឹង លូកា 11:2

យើងទទួលស្គាល់ពីសារៈសំខាន់នៃការប្រាស្រ័យទាក់ទងគ្នា នៅក្នុងទំនាក់ទំនងទាំងឡាយ ហើយទំនាក់ទំនងរបស់យើងជាមួយនឹងព្រះជាម្ចាស់ នោះក៏មិនខុសគ្នាដែរ។ ព្រះជាម្ចាស់សព្វព្រះទ័យចង់ឱ្យយើងមានទំនាក់ទំនងជាមួយនឹងព្រះអង្គ តាមរយៈការអធិស្ឋាន--ដែលជាការលត់ដំ ដែលសូម្បីតែព្រះបុត្រារបស់ព្រះអង្គ ក៏បានអនុវត្ដដែរនោះ។ នៅក្នុងគម្រោងអាននេះ អ្នកនឹងរៀនពីគំរូរបស់ព្រះយេស៊ូវ ហើយអ្នកនឹងទទួលបាននូវការជំរុញទឹកចិត្ដឱ្យឈានចេញពីទីស្មុគស្មាញនៃជីវិត ហើយទទួលបាននូវបទពិសោធន៍ដោយរូបអ្នកផ្ទាល់ ពីអំណាច និងពីអ្វីៗដែលសេចក្ដីអធិស្ឋានណែនាំមកឱ្យនោះ។

ចូរ​រៀនពី​របៀប​អធិស្ឋាន​ដ៏ប្រសើរបំផុត ទាំងពីការ​អធិស្ឋានរបស់មនុស្សស្មោះ​ទៀងត្រង់ និងពីការ​អធិស្ឋានចេញពីព្រះបន្ទូលផ្ទាល់របស់​អង្គព្រះយេស៊ូ​។ ចូរស្វែង​រកការលើកទឹកចិត្ដ ដើម្បីបន្តនាំយក​សំណូមពរ​របស់​អ្នក ​ទៅ​ចំពោះព្រះ​ជាម្ចាស់ ជារៀងរាល់ថ្ងៃ ទាំងដួងចិត្ដ​ស៊ូទ្រាំ និងអត់ធ្មត់។ ចូរ​ស្វែងយល់ពី សេចក្ដីអធិស្ឋាន របស់ពួកអ្នកមានពុត អ្នកមានចិត្ដទទេ ទន្ទឹមនឹង ការ​អធិស្ឋានដ៏ស្អាតស្អំ របស់អស់អ្នកដែលមានដួងចិត្ដបរិសុទ្ធ។​ ចូរអធិស្ឋានដោយឥតឈប់ឈរ។