Mongondow - Today's Mongondow Version, 2006 (Drama NT)

<div class="version vid2874 iso6393mog" data-vid="2874" data-iso6393="mog">
 <div class="book bk1CO">
 <div class="chapter ch4" data-usfm="1CO.4">
 <div class="label">4</div><div class="s">Rasul mita i Kristus</div><div class="p"> 1Anggapb&#237; in kami naa mogogaid mita kon oaidan i Kristus inta motanggung jawab mopotaau in tomay&#225; mita i Allah inta di&#225;pa kinotaauan in bayongan intau kon dunia naa. 2Inta muna-munamai igumon kon intau mita inta mogogaid kon oaidan natua in kototoinduduib&#237; monia kon i tuangnea. 3Sin aka kon inak&#243;, yo di&#225;b&#237; pusingonkumai onu in singogon monimu &#8211; ande i inekadon &#8211; bo raian doman soal&#803; akuoi. Nodapotb&#237; in inta iraikumai soal&#803; akuoi tontan&#237; yo di&#225; bidon nobal&#817;&#237; soal&#803;. 4Iraikumai, di&#225;b&#237; kon dodai in onda akuoi in nogaid kon inta di&#225; mopia, tong&#225; tua in deemanb&#237; bukti kon di&#225; kotal&#803;&#225; in akuoi. Sin tong&#225;b&#237; ki Tuhan in motaau monant&#250; kotal&#803;&#225; andeka di&#225;. 5Popis&#237; in deemanpab&#237; wakutunea d&#225; dika l&#817;imika-l&#817;ikat in mohakim kon intau, kotal&#803;&#225; andeka di&#225;. Ol&#803;atdon dapot moiangoi in ki Tuhan. Bamb&#237; Sia in mobuk&#225; kon onu inta nongoibuni kon sindip bo mobuk&#225; kon onu inta kon bonu in gina mita in intau. Bain kon wakutu in tuata bo du&#237;on i Allah in intau mita podudui in oaid mita monia.</div><div class="p"> 6Utatku mita! Onu inta mopia, nodaitdon inaidan naminda i Apolos kon i monimu. Makusudnea kon tua, onu inta inontongdon monimu kon inaminda motaau monimu balajaron mangal&#817;e in singog tanaa, &#8220;Tant&#250; kumadai kon atorang inta oy&#250;on.&#8221; Aka natua yo di&#225;b&#237; in intau in dumodia bo mopohinamai kon intau ibanea. 7Di&#225;b&#237; in inanggap totok moponting kon sigad monimu? Sin onu in kon i monimu, komintanb&#237; nongkon i Allah? Manangka intua di&#225;b&#237; motaau in dumodia, sin tua mita in di&#225;b&#237; noul&#817;&#237;mu tontan&#237;? 8Oob&#237; kon di&#225; bidon moparal&#803;u kon onu bo onu in moiko! Sin nooy&#250;ondon bo nobal&#817;&#237;don datu in moiko! Yo kami in di&#225;. Mopiab&#237; totok aka moiko bo totu-totuudon nobal&#817;&#237; datu, sinb&#225; motaau in kami momarenta moyotakin monimu. 9Sin aka kon raianku, kami inta ain binal&#817;&#237; i Allah rasul naa in intaub&#237; moomp&#225; totok, n&#225;b&#237; ondabo intau inta il&#803;ab&#250;an in hukuman mokopatoi kon tayowon intau moant&#243; bo totok in giowan bayongan intau sin mopia-pia in gina monia. 10Kami in sinumon bodok lantaran ki Kristus. T&#225;e moiko in nopandoidon lantaran ain nopirisaya kon i Kristus! Kami in di&#225;don mokopongonu, t&#225;e moiko in noropotdon! Kami in tant&#250; irebeg in intau, t&#225;e moiko in umuran dinu&#237;! 11Umaai in naa umuranpab&#237; in kami gogoyon bo moyogang in bayongan yagi-yagi; l&#803;ambung dongkadon kon awak bo rorigaanpa doman in intau; bo di&#225; doman kotampat pogutunan; 12#Rsl. 18:3 t&#225;e umuranb&#237; doman moramuji motayak in kami. Aka odi-odian intau in kami, tong&#225;b&#237; tul&#817;&#237;an nami barakatan; aka pogut&#250;on monia, mokoposabar in kami; 13aka singo-singogonmai intau in kami, yo kol&#803;uk&#243;on nami in motubag. Kami naa in di&#225;b&#237; noil&#817;iu kon yoyatan in dunia naa; bo inanggap bonok in dunia.</div><div class="p"> 14Akuoi in nomais kon naa deemanb&#237; makusud mokopooy&#225;mai kon i monimu, t&#225;e monongginab&#237; kon i monimu sal&#803;aku ki ad&#237;ku mita. 15Umpaka ribuandon intau in Keresten guru monimu, t&#225;e kon bonu in pirisaya monimu kon i Kristus, tong&#225;b&#237; akuoi in nobal&#817;&#237; ki am&#225; monimu sin akuoib&#237; naa in nopoyaput in Habar Mopia kon i monimu nodapot in nopirisayadon moiko kon i Kristus. 16#Kor.1. 11:1; Plp. 3:17 Tuamai poigumonku, moiko in umuran dumayan kon kobobiagku. 17Manangka intua pinotab&#225;kudon mangoi kon i monimu in ki Timotius. Sal&#803;aku dumodudui i Kristus, sia in inanggapkudon n&#225; ki ad&#237;ku tontan&#237; inta totok in kotabiku. Sia naa in ad&#237; inta totok in mojujur. Bain sia in mongonguman bui kon i monimu soal&#803; kobobiagku wakutu in nopirisayadon in akuoi kon i Kristus, tuata in kobobiagku inta sinund&#250;kudon kon bayongan in jamaat kon ondakadon.</div><div class="p"> 18Tong&#225; tongonudon deg&#225; in kon sigad monimu in nobal&#817;&#237;don mododia, sin kai monia kamai d&#225; di&#225; bidon mamangoi bui kon i monimu in akuoi. 19Aka di&#225; in l&#803;abot yo di&#225; bidon moonggot in akuoi bo bui mamangoi mokipodungkul&#803; kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanb&#237; tong&#225; kon bibig monia. 20Sin aka ki Allah in momarenta kon intau tatua, d&#225; buktinea in deemanb&#237; tosingogon in intau tatua, t&#225;e kobobiagneab&#237;. 21Tuamai pil&#817;&#237;don onu in koibog monimu! Moibog in moiko sinb&#225; mamangoi takin sambok in akuoi andeka mamangoi takin pia in gina?</div>
 </div>
 </div>
</div>

Alkitab Singog In Mongondow Masa In Tanaa © Indonesian Bible Society, 2016.

Anggapbí in kami naa mogogaid mita kon oaidan i Kristus inta motanggung jawab mopotaau in tomayá mita i Allah inta diápa kinotaauan in bayongan intau kon dunia naa. Inta muna-munamai igumon kon intau mita inta mogogaid kon oaidan natua in kototoinduduibí monia kon i tuangnea. Sin aka kon inakó, yo diábí pusingonkumai onu in singogon monimu – ande i inekadon – bo raian doman soaḷ akuoi. Nodapotbí in inta iraikumai soaḷ akuoi tontaní yo diá bidon nobaḻí soaḷ. Iraikumai, diábí kon dodai in onda akuoi in nogaid kon inta diá mopia, tongá tua in deemanbí bukti kon diá kotaḷá in akuoi. Sin tongábí ki Tuhan in motaau monantú kotaḷá andeka diá. Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.
Utatku mita! Onu inta mopia, nodaitdon inaidan naminda i Apolos kon i monimu. Makusudnea kon tua, onu inta inontongdon monimu kon inaminda motaau monimu balajaron mangaḻe in singog tanaa, “Tantú kumadai kon atorang inta oyúon.” Aka natua yo diábí in intau in dumodia bo mopohinamai kon intau ibanea. Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní? Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu. Sin aka kon raianku, kami inta ain binaḻí i Allah rasul naa in intaubí moompá totok, nábí ondabo intau inta iḷabúan in hukuman mokopatoi kon tayowon intau moantó bo totok in giowan bayongan intau sin mopia-pia in gina monia. Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí! Umaai in naa umuranpabí in kami gogoyon bo moyogang in bayongan yagi-yagi; ḷambung dongkadon kon awak bo rorigaanpa doman in intau; bo diá doman kotampat pogutunan; táe umuranbí doman moramuji motayak in kami. Aka odi-odian intau in kami, tongábí tuḻían nami barakatan; aka pogutúon monia, mokoposabar in kami; aka singo-singogonmai intau in kami, yo koḷukóon nami in motubag. Kami naa in diábí noiḻiu kon yoyatan in dunia naa; bo inanggap bonok in dunia.
Akuoi in nomais kon naa deemanbí makusud mokopooyámai kon i monimu, táe monongginabí kon i monimu saḷaku ki adíku mita. Umpaka ribuandon intau in Keresten guru monimu, táe kon bonu in pirisaya monimu kon i Kristus, tongábí akuoi in nobaḻí ki amá monimu sin akuoibí naa in nopoyaput in Habar Mopia kon i monimu nodapot in nopirisayadon moiko kon i Kristus. Tuamai poigumonku, moiko in umuran dumayan kon kobobiagku. Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.
Tongá tongonudon degá in kon sigad monimu in nobaḻídon mododia, sin kai monia kamai dá diá bidon mamangoi bui kon i monimu in akuoi. Aka diá in ḷabot yo diá bidon moonggot in akuoi bo bui mamangoi mokipodungkuḷ kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanbí tongá kon bibig monia. Sin aka ki Allah in momarenta kon intau tatua, dá buktinea in deemanbí tosingogon in intau tatua, táe kobobiagneabí. Tuamai piḻídon onu in koibog monimu! Moibog in moiko sinbá mamangoi takin sambok in akuoi andeka mamangoi takin pia in gina?

ស្ដាប់នូវ KORINTUS 1 4