If you would like a copy of this version please contact info@davaraudiobibles.org

Tuwali Ifugao Bible © 2004, Wycliffe Bible Translators, Inc. All rights reserved. (Text)
Tuwali Ifugao Old Testament Audio Bible ℗ 2025, Davar Partners International. (Audio)

Tuwali Ifugao Old Testament

<div class="version vid2123 iso6393ifk" data-vid="2123" data-iso6393="ifk">
 <div class="book bkGEN">
 <div class="chapter ch15" data-usfm="GEN.15">
 <div class="label">15</div><div class="s1">Hay kimmaliyan APU DIOS ke Abram</div><div class="p"> 1Indani ya numpatiboh APU DIOS ke Abram hi in-inop na. Kananay &#8220;Adika tumakut Abram te paddungnay ha-oy di happiyom ya ha-oy di mangipaphod ke he-a.&#8221; 2,3Hinumang Abram an kananay &#8220;APU DIOS an Nakattag-e, takon di atom hina ya nganne damdamay hilbinan maid di indat muh imbabalek an pangipaboltanak nadah wadan ha-on. Hay ya abu mabalin an mamoltan ya nan muttatyuk an iDamascus an hi Elieser.&#8221;</div><div class="p"> 4Ya himmumang hi APU DIOS an kananay &#8220;Bokon hinaen muttatyum an hi Elieser di mamoltan te hay imbabalem.&#8221; 5Impalah-un APU DIOS hi Abram ot kananan hiyay &#8220;Itangad mud kabunyan ta bilangom nadan bittuwon hin pakabilang ka. Te ahi athidiy kadakol di holag mu.&#8221;#15:5 Romans 4:18, Hebrews 11:12</div><div class="p"> 6Ya kinulug Abram hi APU DIOS. Gapun tuwen nangulugan Abram ke APU DIOS ya imbilang nah Abram an maphod an tagu.#15:6 Tibon yuy Romans 4:3 ya 4:9 ya 4:22. Tibon yuy Galatia 3:6 ya James 2:23. 7Ot kanan APU DIOS ke hiyay &#8220;Ha-on nan DIOS an nangipakaan ke he-a nah bobled Ur ad Babilon ta idat kun he-ah tuwen luta.&#8221;</div><div class="p"> 8Kanan Abram ke hiyay &#8220;APU DIOS an Nakattag-e, nganney panginilaak an ahik boltanon?&#8221; 9Kanan APU DIOS ke hiyay &#8220;Eka umalah baka, gulding ya kalnero an tangbal an hintutluy toon da ta ialim hitu. Ya immala ka boh ohan paloma ya ohan balug.&#8221; 10Ot e alan Abram am-in dadiyen imbagan Apu Dios ke hiya. Dinaut na didan impapinni-ang na ot punduwaonan pinalpaldang, mu nada ken duwan hamuti ya uggena pini-ang. 11Indani ya natapangan nadan hamutin mangan hi naten aggayam, mu inabul Abram dida.</div><div class="p"> 12Indanit tuwen malimuy algo ya nakayyongyong hi Abram ya waday kay munhihhilong an katatakut. 13Ya kanan APU DIOS ke hiyay &#8220;Hi udum an algo ya ume nadan holag mun makibobleh udum an boble. Mumbalin dah himbut hi opat di gatut an toon ya paholholtapon da dida. 14Mu ahik kastiguwon nadan tatagu kediyen boblen mangipaholholtap ke dida. Ya deket tumayan datuwen holag mu kediyen boble ya pakiala day kinadangyan diyen boble.#15:13-14 Acts 7:6-7 15He-a ya maka-am-ama kat ahika mate ya malinggop di katayam. 16Ingganay mikap-at an holag mu ya ahida mibangngad ketuwen boble. Ahi milodlod di kinagaga-ihon tudan Amorite ta kastiguwok dida.&#8221;</div><div class="p"> 17Kediyen nalimuy algo an nahilong mo ya waday tinibon Abram hi bangan mun-aahuk ya apuy an mundadalang an naaliwannat nah numbattanan nadan dotag an impunduwanan pinalpaldang. 18Ya kediye ya kanan APU DIOS ke hiyay &#8220;Hituwen luta ya idat kun he-a ya nadan holag mu, mipalpu nah poppog di Egypt inggana nah Wangwang an Euphrates an 19-21numboblayan nadan Kenite, Kenissite, Kadmonite, Hittite, Perisite, Repaim, Amorite, Kanaanite, Gergashite ya nadan Jebusite.&#8221;</div>
 </div>
 </div>
</div>

Indani ya numpatiboh APU DIOS ke Abram hi in-inop na. Kananay “Adika tumakut Abram te paddungnay ha-oy di happiyom ya ha-oy di mangipaphod ke he-a.” Hinumang Abram an kananay “APU DIOS an Nakattag-e, takon di atom hina ya nganne damdamay hilbinan maid di indat muh imbabalek an pangipaboltanak nadah wadan ha-on. Hay ya abu mabalin an mamoltan ya nan muttatyuk an iDamascus an hi Elieser.”
Ya himmumang hi APU DIOS an kananay “Bokon hinaen muttatyum an hi Elieser di mamoltan te hay imbabalem.” Impalah-un APU DIOS hi Abram ot kananan hiyay “Itangad mud kabunyan ta bilangom nadan bittuwon hin pakabilang ka. Te ahi athidiy kadakol di holag mu.”
Ya kinulug Abram hi APU DIOS. Gapun tuwen nangulugan Abram ke APU DIOS ya imbilang nah Abram an maphod an tagu. Ot kanan APU DIOS ke hiyay “Ha-on nan DIOS an nangipakaan ke he-a nah bobled Ur ad Babilon ta idat kun he-ah tuwen luta.”
Kanan Abram ke hiyay “APU DIOS an Nakattag-e, nganney panginilaak an ahik boltanon?” Kanan APU DIOS ke hiyay “Eka umalah baka, gulding ya kalnero an tangbal an hintutluy toon da ta ialim hitu. Ya immala ka boh ohan paloma ya ohan balug.” Ot e alan Abram am-in dadiyen imbagan Apu Dios ke hiya. Dinaut na didan impapinni-ang na ot punduwaonan pinalpaldang, mu nada ken duwan hamuti ya uggena pini-ang. Indani ya natapangan nadan hamutin mangan hi naten aggayam, mu inabul Abram dida.
Indanit tuwen malimuy algo ya nakayyongyong hi Abram ya waday kay munhihhilong an katatakut. Ya kanan APU DIOS ke hiyay “Hi udum an algo ya ume nadan holag mun makibobleh udum an boble. Mumbalin dah himbut hi opat di gatut an toon ya paholholtapon da dida. Mu ahik kastiguwon nadan tatagu kediyen boblen mangipaholholtap ke dida. Ya deket tumayan datuwen holag mu kediyen boble ya pakiala day kinadangyan diyen boble. He-a ya maka-am-ama kat ahika mate ya malinggop di katayam. Ingganay mikap-at an holag mu ya ahida mibangngad ketuwen boble. Ahi milodlod di kinagaga-ihon tudan Amorite ta kastiguwok dida.”
Kediyen nalimuy algo an nahilong mo ya waday tinibon Abram hi bangan mun-aahuk ya apuy an mundadalang an naaliwannat nah numbattanan nadan dotag an impunduwanan pinalpaldang. Ya kediye ya kanan APU DIOS ke hiyay “Hituwen luta ya idat kun he-a ya nadan holag mu, mipalpu nah poppog di Egypt inggana nah Wangwang an Euphrates an numboblayan nadan Kenite, Kenissite, Kadmonite, Hittite, Perisite, Repaim, Amorite, Kanaanite, Gergashite ya nadan Jebusite.”

ស្ដាប់នូវ Genesis 15