Luk Olo Hungkuno Sɨmo'mjofoho.
Olo Hungkuno Sɨmo'mjofoho.
Olo iyoswo loso Jisas ahwomomne'no nto sɨmentiso sohonta Luk soswo teti (30) mofonepo nto uyakolofahonɨngki mtɨ'mokumentisofoho. Luk sohwo Jisasɨye inomokomoyo hwo'maho. O'o, Luk sohwo a'amu uyohofaho syohoso wopɨngo imojo hweho. (Oso hiso Koulousi sohe engo 4 honɨngkano we'e 14. Osopo weho.) Luk olo iyoswo hiloso komo'no mtɨ'mokumentiso'maho. O'o, kako hano ne'no emoyonto a'amu Jisasɨmo uhwonɨmentohofoso mpoyo lutɨhwahonɨngkofi kako hungkuno fiso'nji uhu'mokonto mtɨ'mokumentisofoho. Luk sohwo a'amu Juda hwo'maho. A'amufe Hwomu Jisas sohwo a'amu wonyo honɨngkanomo humentanɨngkujo somne'no notɨpemahwosi utɨmayo'ne pmmentiso hweho. (Oso hiso Luk sohe engo 19 honɨngkano we'e 10. Osopo weho.)
Iyoswo hiloso Luk a'amu Ngkɨlik osomne'no mtɨ'mokumentisofoho. Oso'no olo iyoswo Luk mtɨ'mokumentiso hiloso nakumo huno nafohotofo'nefoho. Luk olo iyoswo hiloso ntɨpo humanto mtɨ'mokumentisotɨkeno a'amu fisofe hunoso olenoho. Luk kako Sisaliya humanto mtɨ'mokumentisofoho. Nakumo huno nafohotofo hwapɨngo neso olenoho. Jisas sohwo nakwo a'amu so'nwi yahino wonyo yontanɨngkuwhoni asomo netɨmayo'ne pmmentiso hweho. Oso'no nakwo hungkuno homo lomo atofo lɨhwasi Jisasɨmo tɨfi unɨngkohwano.
Currently Selected:
Luk Olo Hungkuno Sɨmo'mjofoho.: apzNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.