Apousel sohwafe Syoho Olo Hungkuno Sɨmo'mjofoho.
Olo Hungkuno Sɨmo'mjofoho.
Jisas ahwomomne'no nto sɨmentiso sohonta soswo teti-tɨli (33) nto uyakolo'mentisopolɨkeno Luk olo iyoswo loso mtɨ'mokumentisofoho. Luk sohwo iyoswo Tiyoufilosɨmne'no mtɨ'mokonto tɨfi olo iyoswo Apousel loso mtɨ'mokementisofoho. Olo iyoswo hiloso Jisasɨmo a'amu songo inɨngkamentohofo so'nji Poulɨ'nji Mponopasɨ'njiye syoho'nji Pita'nji Poulɨ'nji nom'ne a'amu so'njimo Anɨtuye Towahuno nɨhu'no yokumpohn'nyo uhula'mo'mentiso sontnne'no Luk mtɨ'mokumentisofoho. Oso'no olo iyoswo homo lomne yofeso pi'nɨngo womulantɨfi inyofoho. Yofe hiso ole: A'amu syoho'njo hwafe iyoswofoho. U, a'amu syoho'njo sohwamo Anɨtuye Towahuno uhula'ofo iyoswofoho. U, Pita'nji Poulɨ'njiye syoho iyo somjo hungkuno iyoswofoho. Oso'no olo iyoswo homo lomjo yofe neso ole: A'amu syoho'njo hwafe iyoswofoho. Oso'no yofe tɨfo mulinyoso ole: Apouselɨyoho. Luk iyoswo sɨmo'mjo mtɨ'mokumentisoso Jisas yo'mayo hopi'nonohino imentiso so'no mtɨ'mokumentisofoho. I oso'no olo iyoswo loso a'amu Jisasɨmo inɨngkunyoso Anɨtuye hungkuno liku'meefo yahonɨngkofi a'amu Jisasɨmo minɨngkunyoso tango uyontɨfi fonjasiyo uloho'motofo so'ne mtɨ'mokinyofoho. Oso'no olo iyoswo Apousel lomjo hungkuno hwapɨngo Anɨtuye hungkuno liku'meefo syohoso Jelusalem mta'ni foka'mentisoso nɨhu'nahone Jutiya pɨwekihn'nawo lohofonto osoponta'angoso Someliya pɨwekihn'nawo'mentisofoho. Osopo nta'ni mjimo'nɨmoponto nakwoe ango lopo ifawo'nyofoho. (Olo hungkuno lomjo hungkuno hwapɨngoso Apousel sohe engo 1 honɨngkano we'e 8. Osopo weho.) Olo iyoswo loso Luk ango Loum humanto mtɨ'mokumentisofoho. Olo iyoswo hiloso hofɨko nakwo ito'no ehumayo'ne hungkuno iwolo'mokumentohofo kalohi nakwo atofo lɨhwasi tɨfi unɨngkohwano.
Currently Selected:
Apousel sohwafe Syoho Olo Hungkuno Sɨmo'mjofoho.: apzNT
Highlight
Share
Copy
Want to have your highlights saved across all your devices? Sign up or sign in
© 2013, Wycliffe Bible Translators, Inc. All rights reserved.