Génesis 10
10
Noé weantu aina
(1Cr 1.5-23)
1Noé uchiri aina nuka: Sem, Cam, Jafet, tura nuna uchiri aina nuka, nujag nugkan ashi amur shuar ainan ijinamtai pujusar nita uchin akigkaru ainawai.
2Jafeta uchiri aina nuka: Gomer, Magog, Madai, Javán, Tubal, Mesec tura Tirás nu ajakaruiti. 3Gómeran uchiri aina nuka: Asquenaz, Rifat, Togarmá, nu ajakaruiti. 4Javánka uchiri aina nuka: Elisa, Tarsis, Quitim, Rodanim, nu ajakaruiti. 5Jafetan uchiri aina nuka chikich chichaman chicha jakaruiti. Tumaina asar nita patai ainajai junairar nugka paka amaunam nayantsa yantamen, tura ajuntainmasha matsamsaru ainawai.
6Camman uchiri aina nuka: Cus, Mizraim, Fut, Canaán, nu ajakaruiti. 7Cusan uchiri aina nuka: Sebá, Havila, Sabta, Rabta, Raamá, sabeca, nu ajakaruiti. Antsu Raamá uchiri aina nuka: Sabá tura Dedán nu ajakaruiti.
8Nuiyasha Cus Nimrodtan akiawaiti. Nu Nimrodka apu ashi senchirtin jas, ashi nugkanam inama jakuiti. 9Nimrodka Yuus yayámu asa kuntinan main ajakuiti. Tuma asamtai chicham timau chichaak: Nimrod Yuus yayámu asa kuntinan main tutaiyaiti. 10Nuka ni apu pujus yaakat Babelnum, Erec, Acad, Calné, nu yaakat ainanam inama jakuiti. Nu aina nuka Sinar nugkanam ajakuiti. 11Tuma nu nugkanmayagka jinki Asiria nugkanam wuwaiti. Tura Níniven, Rehobot-ir, Quélahjai nu ainanam yaaktamkauwaiti. 12Nuiyasha yaakat untan Rése tutain najanawaiti, nuka yaakat Nínive Quélahjai a nui ajapeen ajakuiti. 13Mizraim weantunmaya ajakua nuka: Ludeo aina, anameos aina, lehabita aina, casluhíta aina, naftorita aina nu ajakaruiti. 14Tura nuiyasha patruseo aina, casluhíta aina, caftorita aina nuka filisteo weantu ajakuiti. 15Canaán uchin jimaran akiawa nuka: Sidónkan tura Hetjai akiawaiti.
16Canaán weantu aina nuka: Jebuseo aina, amorreo aina, gergeseo aina, 17heveo aina, arameo aina, sineo aina, 18arvadeo aina, semareo aina, tura amateo aina. Tura nuiya cananeo shuar ainasha kanarar shiakaruiti. 19Tura nita nugke aina nuka Sidónnum nagkama Gerarnum jeaku ajakuiti. Tumasag yaakat Sodomanam, Gomorranam, Admánam, Seboímnum nu yaakat aina imanai juaki, yaakat Lesanam nagkatkau ajakuiti. 20Nu ajaku ainawai Camman uchiri weantu aina nuka, nitaka chiki chikichik nugketin, nuiyasha nitasha chichamtin asar nita patai ainajai junairar matsamsaru ainawai.
21Sem Jafetan yachi iwairi ajakuiti, nisha uchin Heber naartinan akiawaiti, nuna uchiri ainaka Sem weantu ajakaruiti. 22Semman uchiri aina nuka: Elam, Asur, Arfaxad, Lud, Aram nu ajakaruiti. 23Tura Araman uchiri aina nuka: Us, Hul, Geter, Más nu ajakaruiti.
24Arfaxadka Sélah apari ajakuiti, tura Sélahka Heberan apari ajakuiti. 25Hebera uchirigka jimar ajakuiti, chikich uchiri naarigka Péleg tutai ajakuiti. Nu pujutai kanarar chiki chikichik nugketin jas matsamsaruiti. Tuma asamtai Hebreo chichamnum Péleg ta nuka kanarmau taku tawai. Tura chikich yachi naarigka Joctán tutai ajakuiti. 26Joctánkan uchiri aina nuka: Almodad, Sélef, Hasar-mávet, Jérah, 27Hadoram, Uzal, Diclá, 28Obal, Abimael, Sebá 29Ofir, Havila, Jobab nu ajakaruiti. 30Etsa watainmani nugka Mesa ta imanai nagkama nugka Sefar tutaiya imanaisha matsamsaru ainawai. 31Ju Seman uchiri aina nuka: Nitasha chichamtin, nitasha nugketin, tura nita patai ainajai junairar matsamsaru ainawai.
32Yumin yutumtik shuar ainan ijinawaiti, nui nagkama akiinkaru aina nuka Noé uchiri weantu ajakaruiti. Tumau ainayat pampagkar chikich nugkanam kanarar matsamsaru ainawai.
Currently Selected:
Génesis 10: hubDBL
Highlight
Share
Copy
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.