Mateo 4
4
Tak re itzel xutojtobej re Jesús
1Y jare' tak re Jesús xban cha roma re Espíritu Santo#1 R 18.12; Mr 1.12. che xba chupan jun lugar re anche' manak vinak re nibex desierto cha, chin che nitojtobex roma re itzel.
2Y reja' cuarenta k'ij y cuarenta ak'a'#Ex 34.28. re man viynak-ta, y tak xe'k'ax-yan re k'ij re', c'are' xpa ch'umunic rupan.#He 4.15. 3Y re itzel xjelon-apo riq'uin re Jesús chin nutojtobej, y xubij cha: Rat nabij che yat Ruc'ajol re Dios y nich'umun apan, tabana' c'a chique re aboj re' che que'oc vay.
4Pero re Jesús xubij cha: Tz'iban can chupan re ruch'abal re Dios, che re ache man xe-ta riq'uin re vay#Dt 8.3. nuvel-va ruc'aslen, xa can nuvel chuka' ruc'aslen riq'uin re ruch'abal#Ef 6.17. re Dios.
5Y jare' tak re itzel xuc'uaj-a re Jesús c'a chupan re lok'olaj tenemit Jerusalén,#Neh 11.1; Is 48.2; 52.1. y xuban cha che xjote-a c'a pa rue' re rachoch re Dios roma camas naj jotal chicaj. 6C'are' re itzel xubij cha re Jesús: Tatorij-ka-avi' vova', rat re yabin che yat Ruc'ajol re Dios. Roma chupan re ruch'abal re Dios re tz'iban can, nubij:
Re Dios can xque'rutak re ru-ángeles#He 1.14. chin yatquichajij.#Sal 91.11.
Y xcatquili'ej pa quik'a',
chin quire' man xtasoc-ta avakan chach aboj.
7Pero re Jesús xubij cha re itzel: Yen can man nintojtobej-ta#Ex 17.2, 7; Nm 14.22; Dt 6.16; Mal 3.15. re Dios. Roma chupan re ruch'abal re Dios re tz'iban can nubij che man takatojtobej re Kajaf Dios.
8Y re itzel xuc'uaj re Jesús c'a pa rue' jun loma re camas naj jotal chicaj y can xuc'ut ronojel naciones chin re ruch'ulef chach, y ronojel re quibiyomal y re quik'ij re naciones re'. 9Y c'are' re itzel xubij cha re Jesús: Can ronojel re xinc'ut chavach xtoc avichin, vo xa rat xcaxuque' chinoch y naya' nuk'ij.
10Pero re Jesús jare' tak xubij cha: Rat Satanás, man chic quinanak, mejor cabiyin. Yen mana-ta re najo' rat re nimban. Roma chupan re ruch'abal re Dios re tz'iban can, nubij: Xaxe re Kajaf Dios takaya' ruk'ij, y xaxe chuka' reja' re takasamajij,#Dt 6.13; 10.20; Jos 24.14; 1 S 7.3. xcha' re Jesús cha.
11Y jare' tak re itzel xba y xuya' can re Jesús.#Stg 4.7. Y re ángeles#He 1.14. xe'bapon riq'uin re Jesús chin xquivilij.
Tak re Jesús xutz'am re rusamaj pa Galilea
12Y tak re Jesús xuc'axaj che re Juan Bautista c'o pa cárcel,#Lc 3.20. jare' tak re Jesús xtzolaj chic pa Galilea. 13Pero re Jesús man xc'ue-ta chic chupan re aldea#Lc 4.14. rubini'an Nazaret,#Mt 2.23. sino que reja' xa chupan re tenemit rubini'an Capernaum#Lc 4.31. chire' xbec'ue-va,#Jn 4.43. y re jun tenemit re' chuchi' jun lago c'o-va. Re tenemit Capernaum chiquicojol re ca'e' lugar quibini'an Zabulón y Neftalí c'o-va. 14Re Jesús xapon chupan re jun tenemit re', chin quire' can nibanataj re tz'iban can roma re Isaías rusamajel re Dios re xc'ue' ajuer can, re xbex profeta cha. Y ja quire' nubij re rutz'iban can:
15Re vinak re jec'o chupan re lugar rubini'an Zabulón y re jec'o chupan re lugar rubini'an Neftalí;
re c'o chuchi' re jun lago, re c'o-apo juc'an ruchi' re rakan-ya' Jordán.
Chupan re Galilea re', xa can bama quion man je israelitas-ta jec'o.#Is 9.1, 2.
16Re quic'aslen re vinak re' can pa k'oko'm c'o-va,
pero can xapon re Namalaj Sakil quiq'uin.
Y chuka' re vinak re' can c'o chic re rumuch'uch'il re camic pa quive',
pero can xapon chuka' quiq'uin re nisekresan quichin.#Is 42.7; Lc 2.32.
Quire' nubij re tz'iban can.
17Y tak re Jesús xapon pa tenemit Capernaum, can jare' tak xutz'am rutzijosic re ruch'abal re Dios y nubij chique re vinak: Tijalataj re ic'aslen chach re Dios, roma xa can nakaj chic c'o-va-pa re k'ij chin che yixoc pa ruk'a' re Dios,#Mt 10.7; Mr 1.14. xcha' re Jesús chique.
Tak re Jesús xe'rayoj je caje' aj-tz'amoy-car
18Y jun k'ij tak re Jesús binak chuchi' re lago rubini'an Galilea, xe'rutz'at je ca'e' achi'a' quichak'-qui'. Re jun ja re Simón re nibex chuka' Pedro#Mt 16.18. cha, y re jun chic ja re Andrés.#Jn 1.42. Y reje' je aj-tz'amoy-car, mare' tak niquiya-ka re quiya'l chapabal-car pa ya'.#Mr 1.16. 19Y jare' tak re Jesús xubij chique:#Ez 47.10. Jo', jo' chuij, y xtinc'ut chivach andex niban chin ye'tz'am vinak chin che ye'tzake' chuij.#Lc 5.10.
20Re je ca'e' achi'a' re', can jare' xquiya' can re quiya'l chin chapabal-car y xe'ba chij re Jesús.#Mt 10.37, 38; Mr 10.28; Lc 18.28; Ga 1.16.
21Y c'a ba' c'a que'biyin che', tak re Jesús xe'rutz'at chic je ca'e' achi'a' chuka' quichak'-qui'. Y re je ca'e' achi'a' re', ja re Jacobo y re Juan re je rajc'ual re jun ache rubini'an Zebedeo. Reje' can ja pa canoa ye'samaj-va riq'uin re quirta'. Ye'quic'ajoj re quiya'l chapabal-car. Y xpa re Jesús xe'rayoj chin che ye'ba chij. 22Y can jare' tak re Jacobo y re Juan xquiya' can re quirta' y re canoa y xe'ba chij re Jesús.
23Y re Jesús ronojel tenemit chin re Galilea xbiyaj-va, ye'rutijoj re vinak riq'uin re ruch'abal re Dios pa tak nema-jay re anche' nitzijos-va re ruch'abal re Dios#Mr 1.21, 39; Lc 4.15. re nibex sinagoga cha. Y chuka' nutzijoj re utzulaj ch'abal chin re Dios re nich'o chij tak re vinak xque'oc pa ruk'a' re Dios, re nibex evangelio cha. Y can ronojel rach yabil y k'axomal quic'uan re vinak ye'ruc'achojsaj.#Mt 9.35. 24Re Jesús xapon rutzijol#Is 52.13; Mr 1.28; Lc 4.14. pa tak ronojel tenemit chin re Siria. Y re yava'i' xe'c'am-pa riq'uin re Jesús. Re yava'i' re' man junan-ta rach yabil ndoc chique. Roma jec'o re ye'yavaj re camas nik'axo re quiyabilal. Jec'o ye'yavaj roma ja re itzel tak espíritu je'aconak quiq'uin. Jec'o re c'o ruyabil quijalom y jec'o chuka' re siquirnak qui-cuerpo. Y conojel re yava'i' re' xe'ruc'achojsaj-a. 25Y re Jesús camas-va je q'uiy vinak re aj-chire' pa tak tenemit chin re Galilea xe'tzake' chij,#Gn 49.10; Is 55.5; Mt 19.2; Mr 3.7. chuka' re ye'pa pa tak tenemit re jec'o pa Decápolis, re ye'pa pa Jerusalén y re jec'o pa tak nic'aj chic tenemit chire' pa Judea, y chibil chuka' re vinak re ye'pa c'a juc'an chic-apo ruchi' re rakan-ya' Jordán, can conojel c'a re vinak re' can xe'tzake' chij re Jesús.
Currently Selected:
Mateo 4: cakY
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.