يَحْيَى 18
18
أَنْ كَامَ عِيسَىٰ
﴿مَتْ 26.47-56؛ مَرْ 14.43-50؛ لُكْ 22.47-53﴾
1بَايَنْدَ عِيسَىٰ يَغَمَ وَنَّنْ أَدُّعَ، سَيْ يَڧٜىٰتَرٜىٰ رَاڢِنْ كِدْرُوانْ ذُوَا وَنْثَنْ ڧٜىٰتَرٜىٰ تَرٜىٰدَ أَلْمَجِرَنْسَ؞ عَڧٜىٰتَرٜىٰنْ رَاڢِنْ كُوَ أَݣَويْ وَتَ غُواْنَ، سَيْ عِيسَىٰ دَ أَلْمَجِرَنْسَ سُكَ شِغَ ثِكِ؞ 2يَهُودَ، أَلْمَجِرِنْدَ يَبَادَ عِيسَىٰ يَسَنْ وُرِنْ دُواْمِنْ عِيسَىٰ يَسَابَا حَطُوَ دَ أَلْمَجِرَنْسَ عَثَنْ؞ 3سَيْ يَهُودَ يَطَوْكُواْ ڧُنْغِيَرْ سُواْجَ دَ مَاسُ غَادِنْ هَيْكَلِ وَطَنْدَ مَنْيَنْ ڢِرِسْتُواْثِے دَ ڢَرِسِيَاوَا سُكَ عَيْكَ، سُكَ تَڢِے غُواْنَرْ، سُنَ رِڧٜىٰ دَ ڢِتِلُ دَ سَنْدُنَ مَاسُ وُتَادَ كُمَ كَايَنْ يَاڧِ؞ 4عِيسَىٰ كُوَ دَ يَسَنْ دُكْ أَبِنْدَ ذَيْسَامٜىٰشِ، سَيْ يَڢِتُواْ، يَثٜىٰ مُسُ «وَ كُكٜىٰ نٜىٰمَ؟»
5سُكَ أَمْسَ سُكَثٜىٰ «عِيسَىٰ بَنَظَرٜىٰتْ؞»
عِيسَىٰ يَثٜىٰ مُسُ «نِنٜىٰ؞» يَهُودَ وَنْدَ يَبَادَ عِيسَىٰ كُوَ يَنَ ڟَيٜىٰ تَرٜىٰدَسُو؞ 6دَ عِيسَىٰ يَثٜىٰ مُسُ «نِنٜىٰ»، سَيْ مُتَنٜىٰنْ سُكَ جَا دَ بَايَ حَرْ سُكَ ڢَاطِ عَڧَسَا؞ 7عِيسَىٰ يَسَاكٜىٰ تَمْبَيَرْسُ يَثٜىٰ «وَ كُكٜىٰ نٜىٰمَ؟»
سَيْ سُكَثٜىٰ «عِيسَىٰ بَنَظَرٜىٰتْ؞»
8 عِيسَىٰ يَأَمْسَ يَثٜىٰ «أَيْ، نَا غَيَ مُكُ ثٜىٰوَ نِنٜىٰ شِ؞ إِنْ كُوَ نِے كُكٜىٰ نٜىٰمَ، تُواْ، كُبَرْ وَطَنَّنْ مُتَنٜىٰ سُتَڢِے؞» 9وَنَّنْ يَڢَرُ نٜىٰ دُواْمِنْ مَغَنَرْ دَ عِيسَىٰ يَرِغَا يَايِ تَثِكَ؞ غَمَا دَا يَثٜىٰ «عَثِكِنْ مُتَنٜىٰنْدَ كَبَانِ بَاوَنْدَ يَٻَثٜىٰ؞»
10سِيمَنْ بِتْرُسْ كُوَ وَنْدَ يَكٜىٰدَ تَكُواْبِے، يَظَرُواْ شِ يَسَارِ بَاوَنْ بَبَّنْ ڢِرِسْتِ، حَرْ يَيَنْكٜىٰ مَسَ كُنّٜىٰ نَدَمَ؞ سُونَنْ وَنَّنْ بَاوَنْ كُوَ مَلْكُسْ نٜىٰ؞ 11سَيْ عِيسَىٰ يَثٜىٰ وَ بِتْرُسْ «كَمَيْدَ تَكُواْبِنْكَ ثِكِنْ غِدَنْسَ؞ بَذَنْ شَا دَغَ ثِكِنْ ݣُوڢْ دَ عُبَا يَبَانِ إِنْشَا بَ؟»
عِيسَىٰ أَغَبَنْ بَبَّنْ ڢِرِسْتِ
﴿مَتْ 26.57-58؛ مَرْ 14.53-54؛ لُكْ 22.54﴾
12سَيْ ڧُنْغِيَرْ سُواْجَ دَ شُوغَبَنْسُ دَ مَاسُ غَادِنْ هَيْكَلِنَّنْ نَ يَهُودَاوَا سُكَ كَامَ عِيسَىٰ، سُكَ طَوْرٜىٰ شِ؞ 13دَ ڢَرْكُواْ سُكَ كَيْ شِ وُرِنْ هَنَّنَ، غَمَا شِے بَابَنْ مَتَنْ كَيَڢَ نٜىٰ؞ كَيَڢَ كُوَ شِينٜىٰ بَبَّنْ ڢِرِسْتِ أَوَنَّنْ شٜىٰكَرَا؞ 14شِينٜىٰ يَبَا يَهُودَاوَا شَوَرَا ثٜىٰوَ يَڢِ ݣَوْ مُتُمْ طَيَ يَمُتُ سَبُواْدَ سَوْرَنْ مُتَنٜىٰ؞
بِتْرُسْ يَيِ مُسُونْ سَنِنْ عِيسَىٰ
﴿مَتْ 26.69-70؛ مَرْ 14.66-68؛ لُكْ 22.55-57﴾
15سَيْ سِيمَنْ بِتْرُسْ دَ وَنِ دَغَ ثِكِنْ أَلْمَجِرَنْ عِيسَىٰ سُكَبِے عِيسَىٰ عَبَايَ؞ وَنَّنْ أَلْمَجِرِنْ كُوَ بَبَّنْ ڢِرِسْتِ يَسَنْ شِ، شِيكُمَ يَشِغَ ڢِيلِنْ غِدَنْ بَبَّنْ ڢِرِسْتِ طِنْ تَرٜىٰدَ عِيسَىٰ؞ 16عَمَّا بِتْرُسْ يَڟَيَ عَبَاكِنْ ڧُواْڢَ دَغَ وَجٜىٰ؞ سَيْ أَلْمَجِرِنَّنْ دَ بَبَّنْ ڢِرِسْتِ يَوَايٜىٰشِ يَڢِتَ يَيِ مَغَنَ دَ يَارِنْيَ مَيْغَادِنْ ڧُواْڢَ، سَعَنً يَشِغُواْ دَ بِتْرُسْ؞
17يَارِنْيَرْ دَتَكٜىٰ غَادِنْ ڧُواْڢَرْ تَثٜىٰ وَ بِتْرُسْ «أَنْيَ! بَ كَنَ ثِكِنْ أَلْمَجِرَنْ مُتُمِنَّنْ بَ؟» بِتْرُسْ يَأَمْسَ يَثٜىٰ «أَعَ، بَانَ ثِكِ؞» 18أَنَ سَنْيِ، سَبُواْدَ حَكَ بَايِ دَ مَاسُ غَادِ سُكَ هُورَ وُتَادَ غَاوَايِ، سُنَ ڟَيْڟَيٜىٰ، سُنَ جِنْ طُمِنْ وُتَرْ؞ بِتْرُسْ مَا يَنَ ڟَيٜىٰ تَرٜىٰدَسُو يَنَ جِنْ طُمِنْ وُتَرْ؞
بَبَّنْ ڢِرِسْتِ يَيِ وَ عِيسَىٰ تَمْبَيُواْيِ
﴿مَتْ 26.59-66؛ مَرْ 14.55-64؛ لُكْ 22.66-71﴾
19سَيْ بَبَّنْ ڢِرِسْتِ يَيِ وَ عِيسَىٰ تَمْبَيُواْيِ عَكَنْ أَلْمَجِرَنْسَ دَ كُمَ كُواْيَرْوَرْسَ؞ 20عِيسَىٰ يَأَمْسَ مَسَ يَثٜىٰ «أَيْ، نَا يِمَغَنَ أَ ڢِيلِ أَغَبَنْ كُواْوَ، نَكُمَيِ تَكُواْيَرْوَا أَ مَجَمِعُ دَ هَيْكَلِ، عِنْدَ يَهُودَاوَا سُكَنْ تَارُ دُكَ؞ بَنْ تَٻَ ڢَطَرْ كُواْمٜىٰ عَٻُواْيٜىٰبَ؞ 21تُواْ، مٜىٰيَسَا كَكٜىٰيِ مِنِ تَمْبَيُواْيِ؟ أَيْ، سَيْ كَيِ وَمُتَنٜىٰنْ دَ سُكَ سَوْرَرَتَ تَمْبَيُواْيِ عَكَنْ أَبِنْدَ نَڢَطَا مُسُ، غَمَا سُنْ سَنْ أَبِنْدَ نَڢَطَا؞»
22دَ يَڢَطِ حَكَ، سَيْ وَنِ دَغَ ثِكِنْ مَيْ غَادِنْ دَيَكٜىٰ ڟَيٜىٰ يَمَرِ عِيسَىٰ، يَثٜىٰ «حَكَ ذَاكَ أَمْسَ وَ بَبَّنْ ڢِرِسْتِ؟» 23عِيسَىٰ يَأَمْسَ يَثٜىٰ «إِنْ دَيْ نَڢَطَا وَنِ أَبُ نٜىٰ وَنْدَ بَ دَيْدَيْبَ، تُواْ، سَيْ كَنُونَ يَدَّ يَكٜىٰ؞ عَمَّا إِنْ أَبِنْدَ نَڢَطِ غَسْكِيَ نٜىٰ، تُواْ، مٜىٰيَسَا كَا مَرٜىٰنِ؟» 24سَيْ هَنَّنَ يَسَا عَكَ كَيْ عِيسَىٰ أَطَوْرٜىٰ وُرِنْ كَيَڢَ، بَبَّنْ ڢِرِسْتِ؞
بِتْرُسْ يَسَاكٜىٰ مُسُونْ سَنِنْ عِيسَىٰ
﴿مَتْ 26.71-75؛ مَرْ 14.69-72؛ لُكْ 22.58-62﴾
25حَرْ يَنْذُ بِتْرُسْ كُوَ يَنَ ڟَيٜىٰ يَنَ جِنْ طُمِنْ وُتَا، سَيْ وَطَنْسُ سُكَ تَمْبَيٜىٰشِ سُكَثٜىٰ «أَنْيَ! كَيْ مَا بَ ثِكِنْ أَلْمَجِرَنْسَ كَكٜىٰبَ؟»
سَيْ بِتْرُسْ يَيِ مُسُو يَثٜىٰ «بَانَ ثِكِ؞»
26وَنِ دَغَ ثِكِنْ بَايِنْ بَبَّنْ ڢِرِسْتِ يأَنَانً؞ وَنَّنْ بَاوَ كُوَ دَنْغِنْ وَنْدَ بِتْرُسْ يَيَنْكٜىٰ مَسَ كُنّٜىٰ نٜىٰ، سَيْيَثٜىٰ وَ بِتْرُسْ «أَشٜىٰ، بَنْغَنْكَ تَرٜىٰ دَشِ أَغُواْنَرْ بَ؟» 27سَيْ بِتْرُسْ يَسَاكٜىٰيِنْ مُسُو؞ نَنْ دَ نَنْ كُوَ ظَكَرَ يَيِ ثَارَ؞
عِيسَىٰ أَغَبَنْ ڠُومْنَ بِلَتُسْ
﴿مَتْ 27.1-2،11-14؛ مَرْ 15.1-5؛ لُكْ 23.1-5﴾
28تُنْدَ سَسَّڢٜىٰ سُكَ ڢِتَرْدَ عِيسَىٰ دَغَ غِدَنْ كَيَڢَ ذُوَا ڢَادَرْ ڠُومْنَنْ رُواْمَ؞ عَمَّا سُكَڧِ شِغَ ثِكِنْ ڢَادَرْ، وَيْ دُواْمِنْ كَدَ سُڧَظَنْتُ أَغَبَنْ اللَّهْ حَرْ سُكَاسَ ثِنْ عَبِنْثِنْ بِكٍ ڧٜىٰتَرٜىٰوَ؞ 29سَبُواْدَ حَكَ بِلَتُسْ يَڢِتُواْ وَجٜىٰ يَسَامٜىٰسُ، يَثٜىٰ «وَثّٜىٰ ڧَارَثٜىٰ كُكَ كَٰوُاْ غَمٜىٰدَ مُتُمِنَّنْ؟»
30سَيْ سُكَ أَمْسَمَسَ سُكَثٜىٰ «دَا وَنَّنْ بَا مَيْ لَيْڢِے بَنٜىٰ، أَيْ دَ بَمُ كَٰوُاْشِ وُرِنْكَبَ؞»
31بِلَتُسْ يَثٜىٰمُسُ «كُتَڢِے دَشِ دَكَنْكُ مَنَ، كُحُكُنْتَ شِ بِسَغَ كُواْيَرْوَرْكُ؞»
سَيْ يَهُودَاوَا سُكَثٜىٰ مَسَ «أَيْ، بَعَبَامُ إِيكُوانْ يَنْكٜىٰوَ وَنِ حُكُنْثِنْ كِسَابَ؞» 32وَنَّنْ يَڢَرُ نٜىٰ كُوَ دُواْمِنْ عَثِكَ مَغَنَرْ دَ عِيسَىٰ يَيِ وَدَّ تَݣُوتَنْتَا إِرِنْ مُتُوَرْ دَ ذَيْ يِ؞
33سَيْ بِلَتُسْ يَكُواْمَ ثِكِنْ ڢَادَرْ، سَعَنً يَكِرَا عِيسَىٰ يَتَمْبَيٜىٰشِ يَثٜىٰ «كَيْ نٜىٰ سَرْكِنْ يَهُودَاوَا؟»
34 عِيسَىٰ يَأَمْسَ يَثٜىٰ «وَنَّنْ تَمْبَيَ عَكَنْكَ نٜىٰ، كُواْ كُوَ وَطَنْسُ نٜىٰ سُكَيِ مَكَ مَغَنَ عَكَيْنَ؟»
35بِلَتُسْ يَأَمْسَ يَثٜىٰ «أَيْ، نِے بَ بَيَهُودٜىٰ بَنٜىٰ، مُتَنٜىٰنْكَ نٜىٰ دَ مَنْيَنْ ڢِرِسْتُواْثِے سُكَ كَٰوُاْكَ أَوُرِينَ؞ مٜىٰ كَيِ؟»
36 عِيسَىٰ يَأَمْسَ يَثٜىٰ «مُلْكِنَ بَ إِرِنَّدُونِيَا بَنٜىٰ؞ دَ مُلْكِنَ إِرِنَّوَنَّنْ دُونِيَا نٜىٰ دَ مَاسُ يِمِنِ حِدِمَ ذَاسُيِ يَاڧِ دُواْمِنْ كَدَ عَبَاشٜىٰنِ غَ يَهُودَاوَا؞»
37سَيْ بِلَتُسْ يَثٜىٰ «أَشٜىٰ، كَيْ سَرْكِے نٜىٰ؟»
عِيسَىٰ يَأَمْسَ مَسَ يَثٜىٰ «كَيْ نٜىٰ دَكَنْكَ كَثٜىٰ نِے سَرْكِے نٜىٰ؞ وَنَّنْ شِينٜىٰ دَلِيلِنْ دَ عَكَ حَيْڢٜىٰنِ، شِينٜىٰ كُمَ دَلِيلِنْدَ نَشِغُواْ دُونِيَا، دُواْمِنْ إِنْبَادَ شَيْدَ غَ غَسْكِيَ؞ كُمَ دُكْ وَنْدَ يَكٜىٰ نَغَسْكِيَ، يَكَنْ سَوْرَرِ مُرْيَتَ؞»
38بِلَتُسْ يَتَمْبَيٜىٰشِ يَثٜىٰ «مٜىٰثٜىٰثٜىٰ غَسْكِيَ؟»
أَنْ يَنْكٜىٰوَ عِيسَىٰ حُكُنْثِنْ مُتُوَ
﴿مَتْ 27.15-31؛ مَرْ 15.6-20؛ لُكْ 23.13-25﴾
بَايَنْدَ يَيِ وَنَّنْ تَمْبَيَ، سَيْ يَسَاكٜىٰ ڢِتُواْوَ وُرِنْ يَهُودَاوَا يَثٜىٰ مُسُ «نِے كَمْ، بَنْ سَامٜىٰشِ دَ وَنِ لَيْڢِے بَ؞ 39عَمَّا دَيْ كُنَدَ وَتَ أَلْعَادَا، إِنْ دَيْ بِكٍ ڧٜىٰتَرٜىٰوَ يَيِ، نَكَنْ سَكَرْ مُكُ دَ طَنْ كُرْكُكُ غُدَا؞ تُواْ، كُنَسُواْ إِنْسَكَرْ مُكُ دَ سَرْكِنْ يَهُودَاوَا؟»
40سُكَ سَاكٜىٰ أَمْسَاوَا، سُكَيِ إِيهُ سُنَ ثٜىٰوَ «أَعَ، بَ وَنَّنْ ذَاكَ سَكٜىٰبَ، سَيْدَيْ كَسَكِ بَرَبَّسْ!» بَرَبَّسْ كُوَ وَنِ طَنْ ڢَشِنٜىٰ؞
Currently Selected:
يَحْيَى 18: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020