KALAQAMA 10
10
NOHI OOSO ILAMA
(1Dud 1:5-23)
1Nohi ooso Seemi, Kaaminna Yaafeeti sirchi aane nooho: Sasunku oososi baote wayi gedensaanni ooso iltu.
YAAFEETI SIRCHO
2Yaafeeti ooso: Gomeeri, Maagoogi, Maadayi, Yawaani, Tubaali, Mesheekiitinna Tiraasiiti. 3Gomeeri ooso: Ashikenaazi, Rifaatiitinna Togariimaati. 4Yawaani ooso: Eliisha, Terseesi,#10:4 Terseesi Isipeenete. Kitiimiitinna,#10:4 Kitiimi Qophiroosi giddichooti. Rodaaniimiiti#10:4 Rodaaniimi Roodi giddichooti.
5Kuri baalunku baaru gamiranna giddichuwate heedhannorira Yaafeeti sirchira akaakkate; kuri giddonnino, gobba gobbansaranna gosa gosansara beehame hee'ranno manni no; mitte mittenti gosa coyidhannohu uminsa qaali noonsa.
KAAMI SIRCHO
6 #
Kal 2:13 lai. Kaami ooso: Kuushi, Mitsirayimi#10:6 Mitsirayimi yaa Gibitsete yinanni gobbaati. Fuuxiitinna#10:6 Fuuxi yaa techo Liibiya yinanni gobbaati. Kana"aaniiti. 7Kuushi ooso: Saaba, Hawiila, Saabita, Raaimaatinna Sabitekaati. Raaima ooso, Saabaatinna Dedaaniiti.
8Kuushi kalqete aana umiha wolqaataamo ikkinoha Namiruudi ili. 9Namiruudi Kaaliiqi wolqanni jawaata ugaaxaanchooti; kunnira manna, «Kaaliiqi Namiruudi gedeeha jawaata ugaaxaancho assohe» yinanni maassi'nanni. 10Namiruudi gashshooti Senaoori noore umire 3 katamma, Baabilooni, Erekinna Akaadi giddo amadanno. 11Hakkiinni sae, Asoori iille Nennewe, Rehoobooti-Eerinna, Kalaahi, 12hattono Nennewenna Kalaahi mereero nooha Reeseeni yinanni katama uurrisi. Kalaahi jawa katamaati.
13Mitsirayimi: Luudi, Anaami, Lehaabi, Naafituhi, 14Filisxeemete akaakka ikkitinorira Fetiroosi, Kereetinna Kasiluhi gosara annaho.
15Kana"aani ooso bayiru Sidoonaati; maa'nu Heetiiti. 16Wolootu Kana"aani sirchi Iyaabuusootaho, Amooraawootaho, Gergesootaho, 17Hiwootaho, Arqootaho, Siinootaho, 18Ariwaadootaho, Tsemarootahonna Hamaatootaho; yannate gedensaanni, addi additi Kana"aani gosa gobba baala tuqqu. 19Kunni garinni, Kana"aanootu danni Sidoonanni kayise, wodiidoonni Geraari mule noohu Gaazu geeshsha, soojjaatoonni Soddoomu, Gomooru, Adaamanna Laashai mule noohu Tseboyimi geeshsha iillanno. 20Kuri baalunku Kaami sirchi, addi addi gosaranna gobbara beehante heedhanno; mitte mittenti gosa uminsa qaalinni coyidhanno.
SEEMI SIRCHO
21Yaafeetihu bayiru rodii Seemi Eeboori sirchira ahaahoho.
22Seemi ooso: Elaami, Asuuri, Arfakisaadi, Luudiitinna Araamiiti. 23Araami ooso: Uutsi, Huuli, Geteeriitinna Mesheekiiti; 24Arfakisaadi Sheelahi ili; Sheelahi Eeboori ili; 25Eeboori lame ooso ili; umihu ilami yannara mannu beehamino daafira Faleeqi#10:25 Faleeqi yaa Ibiraawootu afiinni beehamate yaate. yaamami; layinkihu Yoqixaani yinanniho. 26Yoqixaani ooso: Alimodaadi, Sheleefi, Hatsarimaweeti, Yeerahi, 27Hadoraami, Uzaali, Diqila, 28Oobaali, Abimaeeli, Saaba, 29Ofiiri, Hawiilaatinna Yobaabiiti; kuri baalunku Yoqixaani sirchooti.
30Insa heedhino baatto Meesha yinanniwiinni kayisse, soojjaati ragaanni noota ilaalaame Seefaari gobba geeshsha iillitanno. 31Kuri baalunku Seemi sirchi, addi addi gosaranna gobbara beehante heedhanno; mitte mittenti gosa uminsa qaalinni coyidhanno.
32Kuri ga're ga'rensanni beehantinori Nohi ooso sirchooti; baote wayi gedensaanni, baattote aana hee'ranno manni baalunku ilaminohu tenne Nohi oosonniiti.
Currently Selected:
KALAQAMA 10: QulMax
Highlight
Share
Copy
Want to have your highlights saved across all your devices? Sign up or sign in
© The Bible Society of Ethiopia; Sidama Holy Bible BSE-UBS 262 P 2014