S. Matiu 13
13
1Na lokhoi Yisa mini na bankhi ni, anun a sa dokho bha wulana khon.
2Anun sete gbene malankhi a khon na, ha atan sa godo kunkhina inde kwi, anun a dokho; anun setene birin tikhi gengelen de khon.
3Anun a fe wiakhi falakhi e kha tali ni, a nakha, a mato, sansi wolla inde minikhi sansi wolide;
4Anun a to a wolima, inde birakhi kirai kesena khon, anun kholle fa e e don feu:
5Anun inde birakhi geme yirene ma, e mi bende gbe sotokhi de nakhai: anun nanunnai e mini, katugu e mi bende gbe soto:
6Anun sogona mini dema, e magankhi ne: anun katugu e to mi salen soto, e lisikhi a ra.
7Anun inde birakhi nyalle longona: anun nyalle gbo dema e e dekhun ne:
8Anun inde birakhi bokho fanyi ni, anun e bogikhi, inde keme keden, inde tongosene, inde tongosakhan.
9Nakhan tuli ne na, a kha me.
10Anun ne kharandine fa, anun e a falakhi a kha, i fe falakhi e kha tali ni nan fera?
11Anun a e yabikhi a nakha, a fikhi etan nan ma e kha na arianna mangeya gbindone kolon, kono a mi fikhi etan ma.
12Katugu nakhan‐o‐nakhan na se soto, se mon fima atan nan ma, anun a a sotomane a gbe ra: kono nakhan‐o‐nakhan mi se soto, hali nakhan yi a yi na bamane a yi.
13Nanara in fe falama e kha tali ni; katugu e a toma e ma a to anun e a mema e ma a me, anun e mu a baien kolon.
14Anun Isaya fe nakhan misallikhi a ligakhi etan nan ma, a nakha,
Kha me nanara e a memane, kono e ma a baien kolonmane foma;
Kha mato nanara e a tomane, kono e ma a igbemane foma:
15Katugu danyokho itoe e khakhille bata khodokho nyakhira,
Anun e tule madokhai fe mede ni,
Anun e bata e yene rakhi;
Hake yanyina inde e yene na a igbe,
Anun e tule na fa a me,
Anun e na a baien kolon e khakhille ra,
E e makhatemane sono,
Anun in e iyelanmane.
16Kono e yene dubakhi, katugu e se toma; anun e tule, katugu e fe mema.
17Katugu nyondi in a fala e kha, a kholli onabi nun mukhu tinkhin wiakhine ma, e fe nakhe tokhi e kha e to, kono e mi e to; anun e fe nakhe mekhi e kha e me, kono e mi e me.
18Awa ba! e kha na sansi wolla a talina rame.
19A nyakhina fa na yanyi, inde na mangeyana a falana medema, anun a ma a baien kolon, anun nakhan yi sikhi a khakhilla ma a na kasun. Atan nan ito ra nakhan birakhi kirai kesena khon.
20Anun nakhan birakhi geme yerene ma, atan nan ito ra nakhan na falana me, anun nanunnai a nyakhankhi anun a a sukhi;
21Kono a salen mi na, kono a bukhi ne inde di; anun toro nun monena fa dema atan falana a fera, nanunnai a bira folo.
22Anun nakhan birakhi nyalle longona, atan nan ito ra nakhan na falana me; anun dunia mainyokhona, anun nafula gbe mayendenna, e atan falana dekhun, anun a findi bogitarena.
23Anun nakhan birakhi bokho fanyina ma, atan nan ito ra, nakhan na falana me, anun a a baien kolon; nakhan nyondi, bogina ti, anun a ramini, inde keme keden, inde tongosene, inde tongosakhan.
24A tali gbete inde sakhi e kha, a nakha, na arianna mangeyana maliga ne alo khemena inde nakhan sansi fanyi woli a khe ma:
25Kono mukhune khima yanyi nakhai, a yakhuna fa a fa solen fugena fan woli na, anun a siga a kha.
26Kono a solikhi dema, anun a bogi ramini, solene fan mini na ra.
27Anun na bankhikanna a konyine e fakhi a khon anun e nakha, Fafe i mu sansi fanyi kha woli ia khe ma? solene fa keli mine?
28Anun a a falakhi e kha, yakhuna inde nan bata ito liga. Anun etan konyine e fala a kha, i tinye unkhu kha sa e matala?
29Kono a nakha, Aide; katugu yanyina inde e ne e matalama e male fan matalama kode.
30E birin kha gbo e bode khon ha a khaba yanyina li: anun e khaba yanyi ni in a falama a khaba mukhune kha, solene singe malan, e e rakhidi khidikhidi ye ma e gande: kono e male malan in ma tumusuna kwi.
31A tali gbete sakhi e kha, a nakha, na arianna mangeyana maliga ne alo yambalen kese keden, khemena inde nakhan tongokhi, a sa a si a khe ma.
32Nakhan tigi khurunkhi sansi birin kha; kono a na gbo, a findima a ra ne ha kwie kholle famane, anun e dokho a balakhane khon.
33A tali gbete sakhi e kha; na arianna mangeyana maliga ne alo mampa, nyakhalla nakhan tongo, a a sa tami funyi ni ligase ye sakhan, ha a dama fekhi.
34Yisa fe itoe dama nan falakhi na setene kha tali ni; anun a mi fe‐o‐fe falakhi e kha talina khambi:
35Alogo onabi nakhan fala a kha liga, a nakha,
In in de nabima tali sa de ni;
Fe nakhe yi lukhunkhi khabi dunia da in e birin fale.
36Na yanyi a na setene lu, anun a sa so na bankhi ni: anun a kharandine fakhi a khon, e nakha, na khe ma solen talina sokhon unkhu kha.
37Anun a e yabikhi, a nakha, nakhan na sansi fanyi woli lankhi na munadabaden di khemena;
38Anun na khe lankhi dunia nan ma; anun na sansi fanyi, na mangeya di khemene nan e ra; anun na solene a nyakhina gbe di khemene nan e ra.
39Anun yakhuna nakhan e woli Setani nanara: anun a khaba yanyi lankhi dunia nyan yanyi nan ma; anun khaba mukhune lankhi malekane nan ma.
40Nanara alo na solene malankhi ki nakhai anun e gan te ni; a ligamane na ki ni dunia ranyan ni.
41Na munadabaden di khemena a a malekane khemane, anun a raminimane a mangeya ni se nakhan dama marabira tima, anun nakhe yulubi fe rabama,
42Anun e rawolimane te gbe‐gbe ni; wuga nun nyinna khinna sa na ni.
43Na yanyi mukhu tinkhinne fa mayilenmane e Fafe a mangeya ni alo sogona. Nakhan tuli ne na, a kha a me.
44Na arianna mangeyana maliga ne alo nafula nakhan lukhunkhi khe bokho ni; khemena inde nakhan tokhi, anun a a lukhun; anun a nyakhankhina a sa a sene dama sara anun a na bokhona sara.
45Anun sono na arianna mangeyana maliga ne alo safarike khemena nakhan nafuli geme fanyi fenma:
46Anun a to bata keden to nakhan molona gbo, a sa a sene dama sara anun a a sara.
47Anun sono na arianna mangeyana maliga ne alo fuyelana, nakhan wolikhi bha wula ni, anun a siya birin malan ne:
48Nakhan, a rafe dema e a bandu gengenlen de khon; anun e dokho, anun e a fanyine malan sene kwi, kono a nyakhine e ne rawolai.
49Ba a ligamane na ki ni dunia ranyan ni: malekane famane, anun e a nyakhine nun a tinkhinne fatamane,
50Anun e a nyakhine wolimane te gbe‐gbe ni: wuga nun nyinna khinna sa na ni.
51E bata fe itoe dama baien kolon? e a falakhi a kha, Onkhe.
52Anun a a falakhi e kha nanara kaidisebe‐o‐kaidisebe nakhan bata findi na arianna mangeya kharandina, a maliga ne alo bankhi kanna inde, nakhan naminima a nafule yei se nene nun se fone.
53Anun a fa ligade ma, Yisa yelin talina itoe sa dema, a keli na.
54Anun a to fa a kon bokho ni a e kharan e sali bankhina kwi, ha e fa khabe, anun e nakha, Kheme ito kota ito soto mini, anun sembe gbe‐gbe itoe?
55Na kabundere a di kheme kha mi ito ra? a nga khilli mi Mariama? anun a barinne mi Yakuba nun Yisufu nun Simoni nun Yudasi e kha ra?
56Anun a magilene e dama kha mi unkhu fema? Kheme ito fe itoe dama sotokhi mine?
57Anun e khollokhi a ma. Kono Yisa a falakhi e kha, onabi nun binye mu fate, fo a kon bokho ni, anun a kon bankhi ni.
58Anun a mi sembe wiakhi ramini na hake e denkeleyatareyana.
Currently Selected:
S. Matiu 13: YAL
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.