ԾՆՈՒՆԴՔ Գլուխ Ժ
Գլուխ Ժ
1 Եւ այս են ծնունդք որդւոցն Նոյի. Սէմ, Քամ, Յաբեթ. եւ ծնան նոցա որդիք յետ ջրհեղեղին։
2Որդիք Յաբեթի՝ Գամեր եւ Մագովգ եւ Մադա, եւ Յաւան եւ #10։2 ՅԵբր. պակասէԵլիսա եւ՝՝ Թոբէլ եւ Մոսոք եւ Թիրաս։ 3Եւ որդիք Գամերայ՝ Ասքանազ եւ Րիբաթ եւ Թորգոմա։ 4Եւ որդիք Յաւանայ՝ Ելիսա եւ Թարսիս, Կիտացիք եւ #10։4 Կամ ԴոդացիքՌոդացիք։ 5Եւ ի սոցանէ մեկնեցան կղզիք ազգաց յերկրի իւրեանց. իւրաքանչիւր՝ ըստ լեզուս յազգս իւրեանց եւ ի տոհմս իւրեանց։
6Եւ որդիք Քամայ՝ Քուշ եւ Մեստրեմ, Փուդ եւ Քանան։ 7Եւ որդիք Քուշայ՝ Սաբա եւ Եւիլա եւ Սաբաթա եւ Ռեգմա եւ Սաբակաթա. եւ որդիք Ռեգմայ՝ Սաբա եւ Յուդադան։ 8Եւ Քուշ ծնաւ զՆեբրովթ. նա սկսաւ լինել սկայ ի վերայ երկրի։ 9Եւ նա էր սկայ որսորդ առաջի Տեառն #10։9 ՅԵբր. պակասէԱստուծոյ. վասն այնորիկ ասեն. Իբրեւ զՆեբրովթ սկայ առաջի Տեառն #10։9 ՅԵբր. պակասէԱստուծոյ։ 10Եւ եղեւ սկիզբն թագաւորութեան նորա Բաբելովն եւ Որէք եւ Աքադ եւ Քաղանէ յերկրին Սենաար։ 11Յերկրէն յայնմանէ ել Ասուր եւ շինեաց զՆինուէ եւ զՌոբովթ քաղաք եւ զՔաղան։ 12Եւ #10։12 Եբր. զՌեսէնզԴասեման ի մէջ Նինուէի եւ ի մէջ Քաղանայ, այն է քաղաք մեծ։ 13Եւ Մեստրեմ ծնաւ զԼուդիիմացիս եւ զՍենիիմացիս եւ զՍաղբիիմացիս եւ զՀեփթաղիիմացիս 14Եւ զՊատրոսոնիիմացիս, եւ զՔասղոնիիմացիս (ուստի ելին Փղշտացիք), եւ զԿափթոորիմացիս։ 15Եւ Քանան ծնաւ զՍիդոն զանդրանիկ իւր, եւ զՔետացին 16Եւ զՅեբուսացին եւ զԱմովրհացին եւ զԳերգեսացին 17Եւ զԽեւացին եւ զԱրուակացին եւ զԱմինացին 18Եւ զԱրադիոնացին եւ զՍամարացին եւ զԱմաթացին. եւ յետ այնորիկ սփռեցան ազգք Քանանացւոց։ 19Եւ եղեն սահմանք Քանանացւոց՝ ի Սիդոնէ մինչեւ ի գալ ի Գերարա եւ ի Գազա, մինչեւ ի գալ ի Սոդոմ եւ ի Գոմոր, եւ յԱդամա եւ ի Սեբոյիմ մինչեւ ի Լասա։ 20Սոքա են որդիք Քամայ յազգս իւրեանց, ըստ լեզուս իւրեանց, յաշխարհս իւրեանց եւ ի տոհմս իւրեանց։
21Եւ Սեմայ ծնան որդիք եւ նորա, հօրն ամենայն որդւոցն Եբերայ, եղբօրն Յաբեթի երիցու։ 22Որդիք Սեմայ՝ Ելամ եւ Ասուր, Արփաքսադ եւ Լուդ եւ Արամ։ 23Եւ որդիք Արամայ՝ Հուս եւ Եմուղ եւ Գադեր եւ Մոսոք։ 24Եւ Արբաքսադ ծնաւ զՍաղա, եւ Սաղա ծնաւ զԵբեր։ 25Եւ Եբերայ ծնան երկու որդիք. անուն միոյն #10։25 Այսինքն՝ բաժանումնՓաղէկ, զի յաւուրս նորա բաժանեցաւ երկիր. եւ անուն եղբօր նորա Յեկտան։ 26Եւ Յեկտան ծնաւ զԷլմովդատ եւ զՍաղէք եւ զԱսարմովթ եւ զՅարաք 27Եւ զՅոդորամ եւ զԵզէլ եւ զԴեկլա 28Եւ զԳեբաղ եւ զԱբիմէէլ եւ զՍաբէի 29Եւ զՈւփիր եւ զԵւիլա եւ զՅովբաբ. ամենեքեան սոքա որդիք Յեկտանայ։ 30Եւ եղեւ բնակութիւն նոցա ի Մասեաց մինչեւ գալ ի Սովփերա լեառնն արեւելեայց։ 31Սոքա են որդիք Սեմայ յազգս իւրեանց, ըստ լեզուս իւրեանց, յաշխարհս իւրեանց եւ ի տոհմս իւրեանց։ 32Այս են ազգք որդւոց Նոյի ըստ ծնունդս իւրեանց, ըստ տոհմս իւրեանց. եւ ի սոցանէ սփռեցան #10։32 Եբր. ազգքկղզիք ազգաց՝՝ ի վերայ երկրի յետ ջրհեղեղին։
Currently Selected:
ԾՆՈՒՆԴՔ Գլուխ Ժ: ԳՐԲ1895
Highlight
Share
Copy
Want to have your highlights saved across all your devices? Sign up or sign in
Հայաստանի Աստվածաշնչային Ընկերություն, 2018
Bible Society of Armenia, 2018