Naanearü ügüchiga 5
5
Adáü̃tanüxü̃chiga
(1 Cr. 1.1-4)
1-2Rü yexguma nüxíraü̃cü ga duü̃ naxüãgu ga Tupana, rü nügüraxü̃ãcü nanaxü. Rü yatüxü̃ rü ngexü̃ naxü rü ñu̱xũchi mexü̃ namaxã naxuegu, rü ñanagürü: —Nümagü rü duü̃xü̃gü tá nixĩ i naéga —ñanagürü. Rü ñaagü nixĩ ga naégagü ga yema Adáü̃wa ngóexü̃ ga natanüxü̃.
3Rü nüma ga Adáü̃ rü nüxü̃́ nayexma ga 130 ga taunecü ga yexguma nabuxgu ga nane ga nanaraü̃xü̃chicü. Rü Chéxgu nanaxüéga.
4Rü gumáwena ga Adáü̃ rü 800 ga taunecü namaxü̃. Rü nüxü̃́ nayexma ga naigü ga nanegü rü naxacügü.
5Rü guxü̃wama rü 930 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgu.
6Rü Chéx rü nüxü̃́ nayexma ga 105 ga taunecü ga yexguma nabuxgu ga nane ga Enóx.
7Rü yemawena ga Chéx rü 807 ga taunecü namaxü̃. Rü nüxü̃́ nayexma ga naigü ga nanegü rü naxacügü.
8Rü guxü̃wama rü 912 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgu.
9Rü Enóx rü nüxü̃́ nayexma ga 90 ga taunecü ga yexguma nabuxgu ga nane ga Caináü̃.
10Rü yemawena ga Enóx rü 815 ga taunecü namaxü̃. Rü nüxü̃́ nayexma ga naigü ga nanegü rü naxacügü.
11Rü guxü̃wama rü 930 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgu.
12Rü Caináü̃ rü nüxü̃́ nayexma ga 70 ga taunecü ga yexguma nabuxgu ga nane ga Mararéx.
13Rü yemawena ga Caináü̃ rü 840 ga taunecü namaxü̃. Rü nüxü̃́ nayexma ga naigü ga nanegü rü naxacügü.
14Rü guxü̃wama rü 910 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgu.
15Rü Mararéx rü nüxü̃́ nayexma ga 65 ga taunecü ga yexguma nabuxgu ga nane ga Yérex.
16Rü yemawena ga Mararéx rü 830 ga taunecü namaxü̃. Rü nüxü̃́ nayexma ga naigü ga nanegü rü naxacügü.
17Rü guxü̃wama rü 895 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgux.
18Rü Yérex rü nüxü̃́ nayexma ga 162 ga taunecü ga yexguma nabuxgu ga nane ga Enóx.
19Rü yemawena ga Yérex rü 800 ga taunecü namaxü̃. Rü nüxü̃́ nayexma ga naigü ga nanegü rü naxacügü.
20Rü guxü̃wama rü 962 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgu.
21Rü Enóx rü nüxü̃́ nayexma ga 65 ga taunecü ga yexguma nabuxgu ga nane ga Matucharéü̃.
22Rü nüma ga Enóx rü guxü̃guma Tupana naxwa̱xexü̃ãcüma namaxü̃. Rü Matucharéü̃ buxguwena rü 300 ga taunecü namaxü̃ ga Enóx. Rü nüxü̃́ nayexma ga naigü ga nanegü rü naxacügü.
23Rü guxü̃wama 365 ga taunecüwa nangu nax namaxü̃xü̃.
24Rü yema nax guxü̃guma Tupana naxwa̱xexü̃ãcüma namaxü̃xü̃ ga Enóx, rü wüxi ga ngunexü̃gu ngürümare inarütaxu yerü Tupana nayaga.
25Rü Matucharéü̃ rü nüxü̃́ nayexma ga 187 ga taunecü ga yexguma nabuxgu ga nane ga Laméx.
26Rü yemawena ga Matucharéü̃ rü 782 ga taunecü namaxü̃. Rü nüxü̃́ nayexma ga naigü ga nanegü rü naxacügü.
27Rü guxü̃wama rü 969 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgu.
28Rü Laméx rü nüxü̃́ nayexma ga 182 ga taunecü ga yexguma nabuxgu ga nane ga Noé.
29Rü gumá nane rü Noégu nanaxüéga yerü ñanagürü: —Tupana rü chixexü̃ namaxã naxuegu i ñoma i naane, rü ngẽmaca̱x poraãcü tapuracüe nax itoegüxü̃ca̱x. Natürü i ñaa buxü̃ rü tá tüxü̃ narüngü̃xẽxẽ —ñanagürü.
30Rü yexguma Noé buxguwena rü nüma ga Laméx rü 595 ga taunecü namaxü̃. Rü nayexma ga naigü ga nanegü rü naxacügü.
31Rü guxü̃wama rü 777 ga taunecü namaxü̃. Rü yexgumaepü̱x ga taunecü nüxü̃́ nayexma ga yexguma nayu̱xgux.
32Rü Noé rü yexguma 500 ga taunecü nüxü̃́ yexmaguwena rü nüxü̃́ nayexma ga tomaepü̱x ga nanegü ga Chéü̃ rü Cáü̃ rü Yapéx.
Currently Selected:
Naanearü ügüchiga 5: tcaP
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.