Mose I, 9
9
Mawu kɛ Noa so
1 #
Mose I, 1.28
Mawu gbaa Noa kɛ e binyumu ɔmɛ, nɛ e de mɛ ke, “Nyɛ fɔ babauu nɛ nyɛ he nɛ hiɛ, nɛ nyɛ hyi je ɔ mi tsuo. 2I ngɔ lohi kɛ je mi lohwehi: nane eywiɛɛywiɛtsɛmɛ, pɛlitsɛmɛ, kɛ ní nɛmɛ nɛ sãã si tsuo ngɔ wo nyɛ dɛ mi, nɛ a maa ye nyɛ gbeye. 3I ngɔ mɛ tsuo ngɔ ha nyɛ nɛ nyɛɛ ye, kaa bɔ nɛ i ha nyɛ pui ba a. 4#Mose III, 7.26, 27; 17.10-14; Mose III, 19.26; Mose V, 12.16, 23; 15.23 Nɔ́ nɛ nyɛ ko ye ji lo nɛ muɔ ngɛ mi kɛ mwɔɔ; i kplɛɛ we enɛ ɔ, ejakaa muɔ ɔ, wami ngɛ mi. 5Ke nɔ ko pue nɔmlɔ adesa muɔ si ɔ, a maa gbla e tue. Lohwe tsuaa lohwe nɛ maa gbe nɔmlɔ adesa a, ma gbe lɛ. 6#Mose I, 1.26; Mose II, 20.13 I pee nɔmlɔ kaa bɔ nɛ imi, Mawu ɔ nitsɛ i ngɛ ɔ; lɔ ɔ he ɔ, nɔ tsuaa nɔ nɛ ma pue nɔmlɔ adesa muɔ si ɔ, e nyɛmi nɔmlɔ adesa nɔuu ma pue lɛ hu e muɔ si.
7 #
Mose I, 1.28
“Nyɛ fɔ babauu nɛ nyɛ he nɛ hiɛ, konɛ nyɛ hyi je ɔ.”
Alale
8Mawu de Noa kɛ e binyumu ɔmɛ ke, 9-10“I kɛ nyɛ, kɛ nyɛ nina, kɛ lohwe ɔmɛ tsuo nɛ nyɛɛ kɛ mɛ je kpo ngɛ lɛ ɔ mi ɔ ngɛ soe: lohwe pɛlitsɛmɛ, we mi lohwehi, kɛ pu mi lohwehi. 11I ngɛ si woe kaa kɛ je mwɔnɛ ɔ kɛ yaa a, a kɛ nyu kpekpemi be níhi nɛ ngɛ hɛ ngmengmle a hɛ mi kpatae hu kɔkɔɔkɔ; nyu kpekpemi ba be je ɔ hɛ mi kpatae hu kɔkɔɔkɔ. 12Somi nɛ i kɛ nyɛ, kɛ níhi tsuo nɛ a ngɛ hɛ ngmengmle ngɛ soe nɛ ɔ ji somi nɛ maa hi si kɛ maa ya neneene. E he okadi ji nɛ ɔ nɛ. 13I ngɔ ye alale ngɔ to bɔku mi, nɛ e pee okadi kɛ ha somi nɛ i kɛ je ɔ so ɔ. 14Be tsuaa be nɛ ma ngɔ bɔku kɛ ha hiɔwe nɛ alale maa ngmaa si ngɛ mi ɔ, 15ma kai si nɛ i wo nyɛɛ kɛ lohwe ɔmɛ tsuo kaa i kɛ nyu kpekpemi be níhi tsuo nɛ ngɛ hɛ ngmengmle a hɛ mi kpatae hu kɔkɔɔkɔ ɔ. 16Ke alale ɔ ngmaa si ngɛ bɔku ɔmɛ a mi ɔ, ma na nɛ ma kai neneene somi ɔ nɛ ngɛ imi Mawu, kɛ níhi tsuo nɛ ngɛ je ɔ mi nɛ ngɛ hɛ ngmengmle ɔ wa kpɛti ɔ. 17Si nɛ i ngɛ níhi tsuo nɛ ngɛ hɛ ngmengmle woe ɔ, e he okadi ji nɛ ɔ nɛ.”
Noa kɛ e binyumu ɔmɛ
18Noa binyumuhi nɛ je kpo ngɛ lɛ ɔ mi ji Shem, Ham, kɛ Yafet. Ham binyumu ji Kanaan. 19Noa binyumu etɛ nɛ ɔmɛ a mi lɛ nimli tsuo kulaa nɛ ngɛ je nɛ ɔ mi ɔ je.
20Noa a, ngmɔ hulɔ ji lɛ; lɛ ji kekleekle nɔ nɛ pee wai ngmɔ. 21Be ko ɔ, e nu wai nɛ e de, nɛ e ho ya hwɔ si kɛ e he gu ngɛ e bo tsu ɔ mi. 22Benɛ Ham, Kanaan tsɛ ɔ, na e tsɛ Noa nɛ hwɔɔ si kɛ e he gu ɔ, e je kpo nɛ e ya sɛɛ ha e wetsɛmɛ enyɔ ɔmɛ. 23Kɛkɛ nɛ Shem kɛ Yafet ngɔ bo ngɔ fɔ a konɔ, nɛ a nyɛɛ senyasenya nɛ a kɛ bo ɔ ya ha a tsɛ ɔ he; a plɛ a hɛ mi ngɔ fɔ he kpa, nɛ a nɛ a tsɛ ɔ he gu ɔ. 24Benɛ wai ɔ tsɔ ngɛ Noa hɛ mi, nɛ e na le nɔ́ nɛ e bi jokuɛyo ɔ pee lɛ ɔ, 25e de ke,
“A gbiɛ Kanaan!
E maa pee e wetsɛmɛ ɔmɛ a nyɔguɛ.
26A je Yawɛ, Shem Mawu ɔ yi!
Kanaan maa pee Shem nyɔguɛ.
27Mawu nɛ ha nɛ Yafet nɛ plɔke!
E nina kɛ Shem nina maa hi si!
Kanaan maa pee Yafet nyɔguɛ.”
28Nyu kpekpemi ɔ se ɔ, Noa hi si jeha 350, 29nɛ e gbo benɛ e ye jeha 950.
Currently Selected:
Mose I, 9: Dangme
Highlight
Share
Copy
Want to have your highlights saved across all your devices? Sign up or sign in
Bible in Dangme © Bible Society of Ghana, 2018.