لَاتَانٛوجِ 32
32
1جَنغٛ مَاجُمْ، لَبَنْ دَوِ شُبْ، جَࢡِّتِ ࢡِࢡّٜ مُمْ رٜوْࢡٜ عٜ تَانِرَاࢡٜ مُمْ، بَرْکِطِنِ ࢡٜ؞ ندٜنْ عٛلٛرْتِ حَا مَاکٛ؞
يَعْقُوبُ ڢٛتِّ بٜى عِسُوَ
2يَعْقُوبُ تٛکِّتِ لَاوٛلْ مُوطُمْ؞ مَلَاعِکَعٜنْ اَللَّه نغَرِ، ݠٛتِّ بٜى مَاکٛ؞ 3ندٜ عٛيِعِ ࢡٜ، عٛوِعِ: «طُمْ سَنغٜىٰرٜ اَللَّه!» عٛعِنْدِ نٛکُّورٜ مَاجُمْ مَحَنَيِمْ#32:3 مَحَنَيِمْ يِطِ وِعْغٛ شَنغٜىٰجٜ-طِطِ؞؞
4يَعْقُوبُ نٜلِ نٜلَاࢡٜ يٜىٰسٛ مُوطُمْ حَا دٜىٰرْطُمْ عِسُوَ حَا لٜسْدِ سٜعِرْ ندٜرْ کَوْيٜ لٜسْدِ عٜدٛومْ؞ 5عٛعُمْرِ ࢡٜ: «ندَا نِي مبِعٛتٛنْ جَاغٛرْطٛ عَمْ عِسُوَ: مَشُّطٛ مَ يَعْقُوبُ وِعِ نِعِ: مِڢَࢡِّ حَا لَبَنْ، مِنجٛوطِ تٛنْ حَا وَرْغٛ جٛنْتَ؞ 6مِوٛودِ نَعِ عٜ بَمْطٜ عٜ دَمّٛوجِ عٜ مَشُّࢡٜ عٜ حٛرْࢡٜ؞ مِنٜلِ عَنْدِنْغٛ طُمْ جَاغٛرْطٛ عَمْ، نغَمْ مِحٜࢡَ مٛعّٜرٜ يٜىٰسٛ مَ؞» 7نٜلَاࢡٜ غٛ نغَرْتِ حَا يَعْقُوبُ، مبِعِمٛ: «مِنْ نجٜحِ حَا دٜىٰرْطِرَاوٛ مَ عِسُوَ؞ کَنغْکٛ بٛو عٛطٛنْ وَرَ ڢٛتُّغٛ بٜى مَاطَ بٜى وٛرْࢡٜ تٜىٰمٜطّٜ نَيٛ؞» 8يَعْقُوبُ حُلْتٛرِ مَسِنْ، عٛتَمْݠِ؞ ندٜنْ عٛسٜنْدِ يِمْࢡٜ وٛنْدُࢡٜ بٜى مَاکٛ عٜ دَمّٛوجِ عٜ نَعِ عٜ غٜىٰلٛوطِ شَنغٜىٰجٜ طِطِ؞ 9عٛنُمِ: «تٛ عِسُوَ عُکَّنَکٜ سَنغٜىٰرٜ وٛورٜ، وٛطْندٜ دَطَنْ؞» 10يَعْقُوبُ تٛرِ: «يَا اَللَّه مٛ مَامَ عَمْ إِبْرَاهِيمَ عٜ بَابَ عَمْ إِسْحَاقَ، يَا جَوْمِرَاوٛ، بِعْطٛ يَمْ: لٛرْتَ حَا لٜسْدِ مَ عٜ بَنْدِرَاࢡٜ مَ، مِوٛونَنْتٜ! 11مِ حٜعَايْ مبٛوطٜىٰنغَ ڢُو عٜ غٛونغَاکُ مَاطَ ڢُو کٛ عَوَنغِنَنِ يَمْ، مِنْ مَشُّطٛ مَ؞ مِعٜىٰرِ مَايٛ عُرْدُنْ بٜى سَوْرُ عَمْ تَنْ، جٛنْتَ مِوَطِ شَنغٜىٰجٜ طِطِ؞ 12مِتٛرِ مَ حِسْنَمْ جُنغٛ دٜىٰرْطِرَاوٛ عَمْ، دِغَ جُنغٛ عِسُوَ! مِطٛنْ حُلَ مٛ، نغَمْ تَا عٛوَرَ عٛحَلْکَ يَمْ عٜ رٜوْࢡٜ بٜى ࢡِکّٛيْ ڢُو#لَاتَانٛوجِ 22:17؞؞ 13سِڢْتٛرْ کٛ عَوِعْنٛ: مِوٛونَنْتٜ ڢَکَتْ، مِطُطِّنَنْ دَࢩْغٛلْ مَاطَ بَنَ نجَارٜىٰندِ مَايٛ، ندِ لِمَتَاکٜ؞»
14يَعْقُوبُ وَالِ تٛنْ جٜمَّارٜ مَاجُمْ؞ حَا شَکَ دَبَّاجِ مَاکٛ، عٛحٛوعِ غٛطُّمْ، نغَمْ عٛسَاحَ دٜىٰرْطِيکٛ عِسُوَ: 15بٜعِ تٜىٰمٜطّٜ طِطِ عٜ جَوْطِ بٜعِ نٛوغَسْ، بَالِ تٜىٰمٜطّٜ طِطِ عٜ جَوْطِ بَالِ نٛوغَسْ، 16غٜىٰلٛوطِ مُسِنِنَنْطِ شَݠَّنْطٜ تَتِ عٜ مٛلِ مَاجِ، نَعِ شَݠَّنْطٜ نَيِ عٜ غَعِ کَلْحَلِ سَݠّٛ، نٛنْ بٛو بَمْطٜ دٜبّٜ نٛوغَسْ عٜ غٛرْطٜ سَݠّٛ؞ 17عٛسٜنْدِتِ طُمْ تٛکّٜرٜ تٛکّٜرٜ، عٛحٛکِّ طُمْ حُووٛوࢡٜ مَاکٛ؞ عٛوِعِ ࢡٜ: «عَرْدٜ يٜىٰسٛ عَمْ، ندَايْتِنٜ تٛکّٜرٜ ڢُو بٜى وٛطْندٜ؞» 18عٛعُمْرِ عَرَنٛ، عٛوِعِ: «تٛ دٜىٰرْطِرَاوٛ عَمْ عِسُوَ ڢٛتِّ بٜى مَ، ࢨَمِ مَ: مٛيْ جٜيِ مَ، تٛيْ نجَحَتَا، مٛيْ جٜيِ طُمْ کٛ وٛنِ يٜىٰسٛ مَ؟ – 19سٜيْ عَوِعَ: طُمْ مَشُّطٛ مَ يَعْقُوبُ؞ عٛنٜلْدِ شَاحُ نغُعُ حَا جَاغٛرْطٛ مَاکٛ عِسُوَ؞ ندَا، کَنغْکٛ بٜى حٛورٜ مَاکٛ عٛطٛنْ وَرَ ࢡَاوٛ عَمِنْ؞» 20نٛنْ بٛو عٛعُمْرِ طِطَࢡٛ عٜ تَتَࢡٛ عٜ تٛکِّيࢡٜ تٛکّٜ ڢُو؞ عٛوِعِ: «کَنْجُمْ مبِعٛتٛنْ جَاغٛرْطٛ عَمْ عِسُوَ، تٛ عٛنْ ݠٛتِّ بٜى مَاکٛ؞ 21نغٜشّٜ مٛ: مَشُّطٛ مَ يَعْقُوبُ بٜى حٛورٜ مُمْ طٛنْ وَرَ ࢡَاوٛ عَمِنْ؞» يَعْقُوبُ تَمِّ: «مِدٜعِّتِنَنْ مٛ بٜى شَاحُ عَرْدٛتٛونغُ يٜىٰسٛ عَمْ؞ ندٜنْ مِيِعَنْ يٜىٰسٛ مَاکٛ، تٜىٰمَ عٛجَࢡّٛتٛ يَمْ؞» 22شَاحُ غٛ عَرْدِمٛ، کَنغْکٛ کَمْ عٛوَالِ جٜمَّارٜ مَاجُمْ ندٜرْ سَنغٜىٰرٜ؞
يَعْقُوبُ وَطِ غَلَ بٜى غٛطّٛ مٛ عٛعَنْدَا
23ندٜرْ جٜمَّارٜ مَاجُمْ يَعْقُوبُ عُمِّ، حٛوعِ رٜوْࢡٜ مُوطُمْ طِطٛ عٜ حٛرْࢡٜ مُوطُمْ طِطٛ عٜ ࢡِکّٛيْ مُوطُمْ سَݠّٛ عٜ نغٛعٛ، عٜىٰرِ عٜىٰرٛرْدٜ مَايٛ يَبّٛکْ؞ 24عٛعٜىٰرْنِ ࢡٜ، عٛعٜىٰرْنِ بٛو کٛ عٛمَرِ ڢُو؞ 25يَعْقُوبُ لُتِّ ڢٜىٰرٜ مُوطُمْ؞ غٛطّٛ حَࢡِ بٜى مَاکٛ حَا سُبَحَ وَطِ؞ 26ندٜ غٛطّٛ غٛ يِعِ عٛوَاوَتَا جَالَاغٛ يَعْقُوبُ، عٛڢِيِمٛ حَا عَسَانغَلْ، نغَلْ سٛکِّتِ يَاکٜ ࢡٜطٛنْ نغَطَ غَلَ#حٛسٜعَ 12:4-5؞؞ 27غٛطّٛ غٛ وِعِ: «يٛوڢْتَمْ، نغَمْ سُبَحَ وَطِ؞» عَمَّا يَعْقُوبُ جَابِ: «مِيٛوڢْتَتَا مَ، سٛنَا تٛ عَبَرْکِطِنِ يَمْ؞» 28عٛࢨَمِ يَعْقُوبُ: «نٛيْ عِنْدٜ مَ؟» عٛجَابِ: «يَعْقُوبُ؞#لَاتَانٛوجِ 35:10؞» 29عٛوِعِ: «عَعٜوْنَتَاکٜ يَعْقُوبُ ڢَحِنْ، عَمَّا إِسْرَاءِيلَ#32:29 إِسْرَاءِيلَ يِطِ وِعْغٛ کَࢡٛووٛ-بٜى-اَللَّه؞؞ نغَمْ عَحَࢡِ بٜى اَللَّه عٜ بٜى يِمْࢡٜ، عَجَالَکٜ؞#عَلْکَالِعٜنْ 13:17-18؞» 30يَعْقُوبُ ࢨَمِمٛ: «عَنْدِنَمْ عِنْدٜ مَ؞» عٛجَابِ: «نغَمْ طُمٜ ࢨَمَتَ يَمْ عِنْدٜ؟» ندٜنْ عٛبَرْکِطِنِ يَعْقُوبُ؞ 31يَعْقُوبُ عِنْدِ نٛکُّورٜ مَاجُمْ ݠٜنِيٜلْ#32:31 ݠٜنِيٜلْ يِطِ وِعْغٛ يٜىٰسٛ-اَللَّه؞، نغَمْ عٛوِعِ: «مِيِعِ يٜىٰسٛ اَللَّه، بٜى مَاجُمْ ڢُو يٛنغْکِ عَمْ حِسِ؞» 32نَانغٜ ڢُطِ يَاکٜ عٛسَالِ ݠٜنِيٜلْ، عٛطٛنْ لَࢨَ نغَمْ عَسَانغَلْ مَاکٛ؞ 33نغَمْ مَاجُمْ يِمْࢡٜ إِسْرَاءِيلَ ࢩَامَتَا طَطٛلْ عَسَانغَلْ حَا وَرْغٛ حَنْدٜ، نغَمْ عٛنَاوْنِ طَطٛلْ عَسَانغَلْ يَعْقُوبُ؞
Currently Selected:
لَاتَانٛوجِ 32: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.