لَاتَانٛوجِ 28
28
1إِسْحَاقَ عٜوْنِ يَعْقُوبُ، بَرْکِطِنِمٛ؞ عٛعُمْرِمٛ: «تَا تٜعُ دٜبّٛ حَا ࢡِࢡّٜ رٜوْࢡٜ کَنَانَ؞ 2عُمَّ، يَحْ حَا ݠَدَّنْ-عَرَمْ، حَا سَارٜ بٜتُعِيلَ، مَامَ مَ، عَتٜعَ دٜبّٛ تٛنْ حَا ࢡِࢡّٜ رٜوْࢡٜ لَبَنْ، کَاوُ مَ؞ 3اَللَّه بَاوْطٛ بَرْکِطِنٜ، عٛطُوطِّنٜ، نغَمْ لَاتٛطَ مٛوࢡْرٜ لٜعِ؞ 4عٛحٛکّٜ بَرْکَ إِبْرَاهِيمَ، عَنْ عٜ دَࢩْغٛلْ مَ بٜى مَاطَ، نغَمْ عَمَرَ لٜسْدِ کٛطَمْکُ مَ ندِ عٛحٛکِّ إِبْرَاهِيمَ#لَاتَانٛوجِ 17:4-8؞؞» 5إِسْحَاقَ جَࢡِّتِ يَعْقُوبُ، کَنغْکٛ عٛيٜحِ ݠَدَّنْ-عَرَمْ حَا لَبَنْ ࢡِي بٜتُعِيلَ عَرَمِيجٛ، دٜىٰرْطِرَاوٛ رٜبٜکَّ، دَادَ يَعْقُوبُ عٜ عِسُوَ؞
عِسُوَ تٜعِ دٜبّٛ ڢٜىٰرٜ
6عِسُوَ نَنِ نٛ إِسْحَاقَ بَرْکِطِنِرِ يَعْقُوبُ، جَࢡِّتِمٛ عٛيَحَ ݠَدَّنْ-عَرَمْ، نغَمْ عٛتٜعَ دٜبّٛ حَا تٛنْ؞ يَاکٜ عٛطٛنّٛ بَرْکِطِنَ مٛ، عٛ عُمْرُطٛ مٛ بٛو: «تَا تٜعُ دٜبّٛ حَا ࢡِࢡّٜ رٜوْࢡٜ کَنَانَ؞» 7يَعْقُوبُ طٛوْتَنِ سَارٛعٜنْ مُوطُمْ؞ سَاعِ مَنْ عٛ دِلُّطٛ ݠَدَّنْ-عَرَمْ؞ 8عِسُوَ ڢَامِ ࢡِࢡّٜ رٜوْࢡٜ کَنَانَ ݠٛتَّنَايْ بَابَ مُوطُمْ إِسْحَاقَ، 9عٛيٜحِ حَا إِسْمَـٰعِيلَ، عٛتٜعِ، دٛوْ رٜوْࢡٜ ࢡٜ عٛ مَرِ، مَحَلَتْ دٜىٰرْطِرَاوٛ نٜبَيٛتْ، ࢡِي إِسْمَـٰعِيلَ ࢡِي إِبْرَاهِيمَ؞
اَللَّه وَنغَنِ يَعْقُوبُ ندٜرْ کٛيْطٛلْ حَا بَيْتِلَ
10يَعْقُوبُ عُمِّ بِيرْسَبَ، يٜحِ حَرَنْ؞ 11عٛيٛتِّ نٛکُّورٜ وٛطْندٜ، عٛوَالِ تٛنْ نغَمْ نَانغٜ مُتِ؞ عٛحٛوعِ وٛورٜ حَا کَاعٜ نٛکُّورٜ مَاجُمْ، عٛوَڢْلِ ندٜ؞ ندٜنْ عٛوَالِ تٛنْ؞ 12عٛحٛيْطِ: عٛيِعِ ࢡَارْغَلْ دَرْنَانغَلْ دٛوْ لٜسْدِ، حٛورٜ مَاغَلْ مٜىٰمِ عَسَمَ؞ مَلَاعِکَعٜنْ اَللَّه طٛنّٛ مبَعّٛرٛ نغَلْ عٜ طٛنّٛ نجِݠِّرٛ نغَلْ#يُحَنَّ 1:51؞؞ 13جَوْمِرَاوٛ طٛنّٛ دَرِ يٜىٰسٛ مَاکٛ، وِعِ: «مِنْ وٛنِ جَوْمِرَاوٛ، اَللَّه مَامَ مَاطَ إِبْرَاهِيمَ عٜ بَابَ مَ إِسْحَاقَ؞ لٜسْدِ ندِ مبَالِيطَ دٛوْ مُوطُمْ، مِحٛکّٜتٜ ندِ، عَنْ عٜ دَࢩْغٛلْ مَ#لَاتَانٛوجِ 13:14-15؞؞ 14دَࢩْغٛلْ مَ طُوطَنْ بَنَ نجَارٜىٰندِ؞ نغٛلْ يَاجَنْ حَا حِيرْنَانغٜ عٜ ڢُونَانغٜ، حَا وٛيْلَ عٜ ڢٛمْبِنَ؞ عُمَّاتٛوجٜ دُنِيَارُ ڢُو لَاتٛتٛ بَرْکِطِنَاطٜ نغَمْ دَلِيلَ مَ عٜ دَࢩْغٛلْ مَ#لَاتَانٛوجِ 12:3؛ 22:18؞؞ 15عَنْدُ، مِطٛنْ وٛنْدِ بٜى مَ؞ مِعَيْنٜتٜ حَا نجَحَتَ ڢُو؞ مِلٛرْنٜتٜ ندٜرْ لٜسْدِ ندِعِ، نغَمْ مِوُدِنْتَا مَ، سٜيْ تٛ مِحِࢡِّنِ کٛ مبِعْمَامِ؞» 16يَعْقُوبُ ڢِنِ، وِعِ: «ڢَکَتْ، جَوْمِرَاوٛ طٛنْ حَا نٛکُّورٜ ندٜعٜ، مِنْ بٛو مِعَنْدَانٛ طُمْ؞» 17عٛحُلْتٛرِ، عٛوِعِ: «نٛکُّورٜ ندٜعٜ حُلْنِيندٜ! سُودُ اَللَّه طٛنْ طٛ، حَا طٛ دَمُّغَلْ عَسَمَ وٛنِ؞»
18يَعْقُوبُ دَوِ شُبْ، حٛوعِ حَيْرٜ ندٜ عٛوَڢْلُنٛ غٛ، دَرْنِ ندٜ سِڢْتِنٛرْدٜ؞ ندٜنْ عٛرُڢِ نٜبَّمْ دٛوْ حٛورٜ مَارٜ نغَمْ سٜنُغٛ ندٜ؞ 19عٛعِنْدِ نٛکُّورٜ مَاجُمْ بَيْتِلَ#28:19 بَيْتِلَ يِطِ وِعْغٛ سُودُ اَللَّه؞، عَمَّا نَانٜ عِنْدٜ بٜرْنِوٛلْ نغٛلْ لُوسْ؞ 20ندٜنْ يَعْقُوبُ تٛغِ تٛغَيٜىٰرٜ ندٜعٜ، وِعِ: «تٛ اَللَّه طٛنْ وٛنْدِ بٜى عَمْ، تٛ عٛعَيْنِ يَمْ دٛوْ لَاوٛلْ نغٛلْ نجَحَنْمِ، تٛ عٛحٛکِّ يَمْ ࢩَامْدُ نغَمْ ࢩَامُغٛ عٜ لِمْشٜ نغَمْ ࢡٛرْنَاغٛ، 21تٛ مِلٛرٛيِ جَمْ حَا سَارٜ بَابَ عَمْ، ندٜنْ کَمْ جَوْمِرَاوٛ لَاتٛتٛ اَللَّه عَمْ؞ 22حَيْرٜ سِڢْتِنٛرْدٜ ندٜ ندَرْنُمِ ندٜعٜ، لَاتَنْتٛ مَ سُودُ؞ حَا کٛ ندٛکَّتَ مِ ڢُو، مِعِتَّنْتٜ زَکَّ#عَمٛسْ 4:4؞ ؞»
Currently Selected:
لَاتَانٛوجِ 28: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.