غُرْتَاکِ 23
23
1«تَا شَنغْکِتٜ تُڢْلٜ؞ تَا شٜىٰدٜ سٜىٰدَمْکُ ڢٜوْرٜ نغَمْ وَلُّغٛ حَلُّࢡٜ#غُرْتَاکِ 20:16؛ ڢَرِلَّاجِ لٜوِعٜنْ 19:11-12؛ تٛوکْتَاکِ تَوْرٜىٰتَ 5:17؞؞
2«تَا تٛکّٜ مٛوࢡْرٜ نغَمْ وَطُغٛ کَلُّطُمْ؞ تَا عٛنْ شٜىٰدَ کٛ ڢٛتَّنْتَ مٛوࢡْرٜ نغَمْ سُوطُغٛ غٛونغَ حَا يٜىٰسٛ کِيتَ؞ 3تَا عٜنْطٜ لَاڢُطٛ حَا کِيتَ#ڢَرِلَّاجِ لٜوِعٜنْ 19:15؞؞
4«تٛ عٛنْ ݠٛتِّ بٜى نغَارِ کٛنّٜىٰجٛ مٛنْ مَلَّ وَمْندٜ مُمْ مَجُّندٜ، لٛرْنَنٜ مٛ طُمْ؞ 5تٛ عٛنْ نغِعِ وَمْندٜ غَࢩْطٛ مٛوطٛنْ دٛعَّکٜ لٜسْ دِمْنغَلْ مَارٜ، تَا عَشّٜ ندٜ بَنَ نِي، عَمَّا مبَلّٜ مٛ رِڢْتُغٛ ندٜ#تٛوکْتَاکِ تَوْرٜىٰتَ 22:1-4؞؞
6«تٛ لَاڢُطٛ شَکَ مٛوطٛنْ وٛودِ وُلَّاندُ، تَا شَلَنٜ مٛ کِيتَ غٛونغْطُکَ؞ 7ندَايٜ حَالَ ڢٜوْرٜ ڢُو؞ تَا مبَرٜ عَدِلِيجٛ مٛ وَلَا عَيْبٜ، نغَمْ مِنْ جَوْمِرَاوٛ مِعَدِلِنْتَا بَطٛووٛ زُنُوبَ؞ 8تَا نجَࢡٜ شَاحُ رُسِيَ، نغَمْ رُسِيَ حَطَنْ يِعُغٛ غٛونغَ، وَيْلَنْ حَالَ غٛونغْطُࢡٜ#ڢَرِلَّاجِ لٜوِعٜنْ 19:15؛ تٛوکْتَاکِ تَوْرٜىٰتَ 16:19؞؞
9«تَا ࢡِلّٜ حٛطْࢡٜ جٛوطِيࢡٜ شَکَ مٛوطٛنْ؞ عٛنْ عَنْدِ بٜى کٛعٜ مٛوطٛنْ نٛ جٛوندٜ حٛطْࢡٜ وَعِ، نغَمْ عٛنٛنْ بٛو عٛنْ حٛطْࢡٜنٛ ندٜرْ لٜسْدِ مِصْرَ؞#غُرْتَاکِ 22:20؛ ڢَرِلَّاجِ لٜوِعٜنْ 19:33-34؛ تٛوکْتَاکِ تَوْرٜىٰتَ 24:17-18؛ 27:19؞»
ندُوࢡُ سِوْتَارُ عٜ ࢩَلَادٜ سِوْتٛرْدٜ
10«دُوࢡِ جٛوٜىٰغٛ عَاوٛتٛنْ غٜسٜ مٛوطٛنْ، مٛوࢡْتٛنْ ࢨَامْلٜ مَاجٜ؞ 11عَمَّا ندٜرْ ندُوࢡُ نجٛوٜىٰطِطَࢡْرُ سٜيْ عٛنْ عَشَّ لٜسْدِ سِوْتٛ؞ نغَمْ حَا لَاڢُࢡٜ وٛنْدُࢡٜ بٜى مٛوطٛنْ کٜࢡَ کٛ ࢡٜࢩَامَ حَا مَارِ عٜ کٛ لُتِّ بٛو، دَبَّاجِ لَدّٜ ࢩَامَ طُمْ؞ بَنَ نٛنْ بٛو کُووْرٛتٛنْ بٜى غٜسٜ عِنَبٛوجٜ عٜ جَيْتُنْجٜ مٛوطٛنْ#ڢَرِلَّاجِ لٜوِعٜنْ 25:1-7؞؞
12«ࢩَلْطٜ جٛوٜىٰغٛ کُووٛتٛنْ کُوطٜ مٛنْ، عَمَّا ࢩَلَادٜ جٛوٜىٰطِطَوْرٜ، شِوْتٜ، نغَمْ حَا نغَارِ مَ عٜ وَمْندٜ مَ شِوْتٛ عٜ جَغِّيࢡٜ عٜ حٛطْࢡٜ شَکَ مٛوطٛنْ کٜࢡَ ݠٛوڢَ#غُرْتَاکِ 20:9-11؛ 31:15؛ 34:21؛ 35:2؛ ڢَرِلَّاجِ لٜوِعٜنْ 23:3؛ تٛوکْتَاکِ تَوْرٜىٰتَ 5:13-14؞؞ 13کَکِّلَنٜ کٛ مبِعْمِ عٛنْ ڢُو؞ تَا عٜوْنٜ عِنْطٜ طٛوَنْتٜىٰࢡٜ وٛطْࢡٜ، تَا غٛطّٛ نَنَ طٜ حَا کُنْدُطٜ مٛوطٛنْ؞»
جُولْطٜ تَتِ بَطٜتٜىٰطٜ نغَمْ جَوْمِرَاوٛ
14«حِتَاندٜ ڢُو مبَطَنٜىٰطَمْ جُولْدٜ ندٜ تَتِ؞ 15سٜيْ عٛنْ تٛکّٛ وَطُغٛ جُولْدٜ تَمْسٜىٰجٜ طٜ عُڢْنَاکَ؞ ࢩَلْطٜ جٛوٜىٰطِطِ عٛنْ ࢩَامَ تَمْسٜىٰجٜ طٜ عُڢْنَاکَ، بَنَ مِعُمْرِ عٛنْ؞ طُمْ لَاتٛ ندٜرْ سَاعِيرٜ تَعَاندٜ، ندٜرْ لٜوْرُ عَبِيبَ؞ نغَمْ ندٜرْ مَارُ نغُرْتِيطٛنْ لٜسْدِ مِصْرَ؞ تَا نغَرٜ يٜىٰسٛ عَمْ جُوطٜ مٜىٰرٜ#غُرْتَاکِ 12:14-20؛ ڢَرِلَّاجِ لٜوِعٜنْ 23:6-8؛ لِمْلٜ 20:17-25؞؞ 16ࢡَاوٛ مَنْ عٛنْ مبَطَ جُولْدٜ ࢨَامْندٜ مٛنْ عَارْتُندٜ حَا کٛ عَاوْطٛنْ حَا غٜسٜ مٛنْ؞ نٛنْ بٛو جُولْدٜ شٛدٛلْ حَا تِمّٛودٜ حِتَاندٜ، سَاعِ عٛنْ مٛوࢡْتَتَ نَڢُودَ کُوغَلْ مٛنْ حَا غٜسٜ#ڢَرِلَّاجِ لٜوِعٜنْ 23:15-21؛ 23:39-43؛ لِمْلٜ 28:26-31؞؞ 17حِتَاندٜ ڢُو وٛرْࢡٜ مٛنْ نغَرَ ندٜ تَتِ يٜىٰسٛ عَمْ، مِنْ اَللَّه جَوْمِرَاوٛ؞
18«تَا لِيعَنٜىٰطَمْ ࢨِيࢨَمْ کِرْسٜتٜىٰطِ حَوْتَادٜ بٜى دٛکَّلْ مَرْنغَلْ عُڢْنِرْطُمْ؞ تَا شِغٜ ࢡٜلّٜرٜ دَبَّاجِ کِرْسَاطِ نغَمْ جُولْدٜ عَمْ حَا جَنغٛ ڢَجِرِ؞
19«نغَدّٜ ࢡُرْطُمْ وٛوطُغٛ حَا ࢨَامْلٜ مٛنْ عَارْتُطٜ ندٜرْ سُودُ جَوْمِرَاوٛ، اَللَّه مٛوطٛنْ؞
«عَمَّا تَا ندٜڢٜ جَوْغٜلْ ندٜرْ کٛسَمْ دَادَ مَاغٜلْ؞#غُرْتَاکِ 34:26؛ تٛوکْتَاکِ تَوْرٜىٰتَ 14:21؛ 26:2؞»
مَلَاعِکَاجٛ اَللَّه طٛنْ طٛوَ إِسْرَاءِيلَ
20«ندَا، مِطٛنْ نٜلَ مَلَاعِکَاجٛ حَا يٜىٰسٛ مٛوطٛنْ عٛعَيْنَ عٛنْ دٛوْ لَاوٛلْ، عٛطٛوَ عٛنْ حَا نٛکُّورٜ ندٜ مِتَاسْکِتِنَنِ عٛنْ؞ 21کَکِّلَنٜ مٛ، نَنٜ کٛنغٛلْ مَاکٛ، تَا تِکِّنٜ مٛ؞ عٛيَاڢَتَاکٛ تُورْتٛلْ مٛوطٛنْ، نغَمْ عِنْدٜ عَمْ طٛنْ وٛنْدِ بٜى مَاکٛ؞ 22تٛ عٛنْ طٛوْتَنَکٜ مٛ بٛوطُّمْ، تٛ عٛنْ مبَطِ کٛ مِوِعِ عٛنْ ڢُو، مِحٛنَنْ کٛنّٜعٜنْ مٛنْ، مِدَرْتَنْتٛ دَرْتَنْتٛوࢡٜ عٛنْ؞ 23تٛ مَلَاعِکَاجٛ عَمْ عَرْدَکٜ عٛنْ نغَمْ طٛوُغٛ عٛنْ حَا لٜسْدِ عَمٛورِعٜنْ عٜ حٜتِعٜنْ عٜ ݠٜرٜزِّعٜنْ عٜ کَنَانِعٜنْ عٜ حٜوِعٜنْ عٜ يٜبُسِعٜنْ، مِنَتِّنَنْ عُمَّاتٛوجٜ طٜعٜ؞ 24تَا شُجِدَنٜ طٛوَنْتٜىٰࢡٜ مَࢡّٜ، تَا ندٜوٜ ࢡٜ، تَا کُووٜ عِرِنْ کُوطٜ مَࢡّٜ؞ عَمَّا نغِبِّنٜ لَبِّ طِعِ عٜ ݠُسٜ دَنغْرَنغٜ مَاجِ؞ 25مِنْ جَوْمِرَاوٛ، اَللَّه مٛوطٛنْ ڢٜىٰرٜ عَمْ نجَغَّنْتٛوطٛنْ؞ ندٜنْ مِبَرْکِطِنَنْ کٛ ࢩَامٛتٛنْ عٜ کٛ نجَرٛتٛنْ عٜ مِدَايْنَنْ ࢩَوُجِ بٜى مٛوطٛنْ؞ 26رٜوْࢡٜ رُڢَنْࢡٜ دٜىٰطِ عٜ رِمَرْࢡٜ تَوَتَاکٜ ندٜرْ لٜسْدِ مٛوطٛنْ ڢَحِنْ؞ مِحٛکَّنْ عٛنْ جُوتَلْ بَلْطٜ؞ 27مِنٜلَنْ کُلْتٛرٜىٰنغٛلْ عَمْ حَا يٜىٰسٛ مٛنْ، مِجِيࢡَنْ حَکِّيلٛوجِ عُمَّاتٛوجٜ طٜ عٛنْ نجٛتِّ حَا مَاجٜ ڢُو؞ مِلٛرْنَنْ کٛنّٜعٜنْ مٛنْ ڢُو ࢡَاوٛ نغَمْ دٛغُّغٛ يٜىٰسٛ مٛوطٛنْ؞ 28مِنٜلَنْ جَبَتِّ حَا يٜىٰسٛ مٛنْ، طِ ندِيوَ حٜوِعٜنْ عٜ کَنَانِعٜنْ عٜ حٜتِعٜنْ يٜىٰسٛ مٛنْ؞ 29مِرِيوَتَا عُمَّاتٛوجٜ طٜعٜ ڢُو يٜىٰسٛ مٛوطٛنْ ندٜرْ حِتَاندٜ وٛورٜ، نغَمْ تَا لٜسْدِ لَاتٛ لَدّٜ مٜىٰرٜ، تَا دَبَّاجِ لَدّٜ طُوطَ دٛوْ مٛوطٛنْ؞ 30سٜطَّ سٜطَّ ندِيوْرَنْمِ کٛنّٜعٜنْ يٜىٰسٛ مٛوطٛنْ، حَا تٛ عٛنْ طُوطِ، ندٜنْ مَرٛنْ لٜسْدِ؞ 31مِوَطَنْ کٜىٰرٛلْ لٜسْدِ مٛنْ دِغَ مَايٛ مَالِيَ حَا مَايٛ ڢِلِسْتِعٜنْ، دِغَ لَدّٜ حَا مَايٛ عٜڢْرَتِسْ؞ مِحٛکَّنْ عٛنْ جٛوطِيࢡٜ تٛنْ، عٛنْ ندِيوَ ࢡٜ يٜىٰسٛ مٛوطٛنْ؞ 32تَا کَࢡّٜ عَلْکَوَلْ بٜى مَࢡّٜ عٜ طٛوَنْتٜىٰࢡٜ مَࢡّٜ؞ 33تَا ࢡٜنجٛوطٛ ندٜرْ لٜسْدِ مٛنْ نغَمْ ࢡٜعٜسْتَ عٛنْ عٛنْ مبَطَ حَکّٜ دٛوْ عَمْ؞ تٛ عٛنْ ندٜوِ طٛوَنْتٜىٰࢡٜ مَࢡّٜ، عٛنْ نَسْتَنْ ندٜرْ تُوڢٛرْغٛلْ؞»
Currently Selected:
غُرْتَاکِ 23: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.