غُرْتَاکِ 11
11
عَنْدِنْکِ مَسِيبٛووٛلْ رَغَرٜوٛلْ
1جَوْمِرَاوٛ وِعِ مُوسَى: «لُتِّ مَسِيبٛووٛلْ غٛوتٛلْ، مِنٜلْدَنْ نغٛلْ دٛوْ ڢِرْعَوْنَ عٜ مِصْرَعٜنْ، نغٛلْ ڢِيَنْ ࢡٜ؞ ࢡَاوٛ مَنْ عٛعَشَّنْ عٛنْ عٛنْ ندِلَّ، عٛرِيوَنْ عٛنْ دِغَ طٛ حَا ڢٛرٛيْ؞ 2يٜشُّ إِسْرَاءِيلَعٜنْ نِعِ: غٛرْکٛ ڢُو ࢨَمَ کٜىٰدِّطِّرَاوٛ مُوطُمْ، دٜبّٛ بٛو ࢨَمَ کٜىٰدِّطِّرَاوٛ مُوطُمْ کُوجٜ کَنغّٜىٰرِ مَلَّ شَرْدِ؞» 3جَوْمِرَاوٛ وَطِ حَا إِسْرَاءِيلَعٜنْ کٜࢡِ مٛعّٜرٜ يٜىٰسٛ مِصْرَعٜنْ؞ مُوسَى بٜى حٛورٜ مُمْ بٛو عٛ مَوْطٛ مَسِنْ ندٜرْ لٜسْدِ مِصْرَ، يٜىٰسٛ سَرَاکِعٜنْ ڢِرْعَوْنَ عٜ عُمَّاتٛورٜ ڢُو؞
4مُوسَى وِعِ ڢِرْعَوْنَ: «ندَا نِي جَوْمِرَاوٛ وِعِ: شَکَ جٜمَّ شَالٛتٛومِ ندٜرْ مِصْرَ؞ 5عَڢْࢡٜ ندٜرْ لٜسْدِ مِصْرَ ڢُو مَايَنْ، دِغَ عَڢٛ ڢِرْعَوْنَ مٛ تَمِّ رٛنُغٛ لٜىٰسٛ لَامُ مَاکٛ، حَا عَڢٛ کٛرْطٛ نَمَنْطٛ حَا نَمَرْدٜ، عَڢِ دَبَّاجِ بٛو ڢُو مبَاتْدَنْ؞ 6بٛجِّ شَاتُطِ لَاتٛتٛ ندٜرْ لٜسْدِ مِصْرَ ڢُو بَنَ طِ مٜىٰطَايْ لَاتَاغٛ، طِ مٜىٰتَتَا بٛو؞ 7عَمَّا حَا إِسْرَاءِيلَعٜنْ، کٛو رَوَاندُ وٛحَتَا يِمْࢡٜ مَلَّ دَبَّاجِ، نغَمْ حَا عَنْدٛنْ جَوْمِرَاوٛ سٜنْدِندِرِ مِصْرَعٜنْ بٜى إِسْرَاءِيلَعٜنْ؞» 8سَرَاکِعٜنْ مَ ࢡٜعٜ ڢُو نغَرَنْ حَا عَمْ، تُغُّغٛ کٛݠِّ يٜىٰسٛ عَمْ، ࢡٜمبِعَنْ: «دِلُّ، عَنْ عٜ عُمَّاتٛورٜ مَ ڢُو! ندٜنْ مِدِلَّنْ!» مُوسَى وُرْتِ سَارٜ ڢِرْعَوْنَ، عٛ تِکُّطٛ مَسِنْ؞
9ڢَحِنْ جَوْمِرَاوٛ وِعِ مُوسَى: «ڢِرْعَوْنَ سَلَنْ نَنَنْغٛ عٛنْ نغَمْ حَا مِطُوطِّنَ کَايٜىٰڢِيجِ عَمْ ندٜرْ لٜسْدِ مِصْرَ؞» 10مُوسَى عٜ هَـٰرُونَ مبَطِ کَايٜىٰڢِيجِ طُوطِّ طِعِ ڢُو يٜىٰسٛ ڢِرْعَوْنَ؞ عَمَّا جَوْمِرَاوٛ سَاتِنِ حٛورٜ ڢِرْعَوْنَ، عٛعَشَّايْ إِسْرَاءِيلَعٜنْ نغُرْتٛ لٜسْدِ مَاکٛ؞
Currently Selected:
غُرْتَاکِ 11: داَ
Highlight
Share
Copy
Want to have your highlights saved across all your devices? Sign up or sign in
Fulfulde Bible Ajamiya © Bible Society of Cameroon, 2016.