Genesis 10
10
Iqmoeq 10
Tsaol jeq-e nail aqceevq tsaoq khal leevq thaq nail ganl
1Niil neq, ulcuvq deq pheeq gaq khi mail pultavq, Nol-avq nail yaqyov juq pevq nail Seiqmav, Haqmav dai khi Yaqphai nee mail yavq kha lee thaq nail juq nail ganl gevq-ai thaq nail ngaol.
2Yaqphai nee mail yavq kha lee thaq nail yaq juq neq Gaolmaq, Maqgaol, Maqdail, Yaqbhaq, Thulbhaq, Meiqsail, Tillaq, niil juq ngaol.
3Gaolmaq nee mail yavq kha lee thaq nail juq neq, Aqsaqkeiqnav, Lilpha, Taoqgaqma niil juq ngaol.
4Yaqbhaq nee mail yavq kha lee thaq nail yaq juq neq, Eillilsaq, Daqsil, Kiltinq dai khi Daoldaqniq, niil juq ngaol.
5Aqyu juq neq, iqyaq iq ma nail daolbhaq doi dai khi, eeljaol laol-n doi dai, jaol nail juq nail aqbhu juq pevq nail ngaol. Yu nail miltsaq bhai yovqgavq nail jeq-e yovqgavq, yovqgavq nail phaqyaq ma yaq yovqgavq bhoil pav khi, yovqgavq nail daoq yovqgavq ge-a nail ngaol.
6Haqmav nee mail yavq kha lee thaq nail yaq juq neq, Kulsav, Iljiltuv, Phul-nq dai khi Khaqnanq, niil liq gaq ngaol.
7Kulsav nee mail yavq kha lee thaq nail yaq juq neq, Siqbha, Haqbhillav, Saqtav, Laqmal dai khi Saqteiqkhaq, niil ngaq gaq ngaol. Laqmal nail yaqyov juq neq, Seiqbhal dai khi Deiqdaq, niil nvq gaq ngaol.
8Kulsav bhai neq, Neinqlov dai mil-ai thaq nail yaqyov teevq gaq jaol nail ngaol. Yaqyov al gaq neq, iqmoeq khal moeq miltsaq bhai genl dev khi, gaq lai thaq nail gaq pevq nail ngaol.
9Aivq neq, Heeqphaq Miqyail nail sivtavq bhai nl nia hal nia nail phaq bhee lovq khi haq the nia nail teevq gaq pevq nail ngel-i mail, tsaol-aq yaq juq neq, haq the nia nail juq bhai ya moel-u phao, niail hai ge lal nail ngaol: "Heeqphaq Miqyail neq, naoq bhai Neinqlov khe-ai, nl nia hal nia nail phaq bhee lovq nail haq the nail teevq gaq pevq-ail nial" dai, ge lal nail ngaol.
10Aivq nail meenq juq neq, Silnaqlaq miltsaq bhai jiav nail Bhaqbhulloq meenq, Eiqlail meenq, Aqkav meenq khi mail Kaqlaqnaiq meenq, niil juq pevq nail ngaol.
11Aivq neq meenq al juq nee mail ail khi Aqsulliv nail miltsaq bhai ail kev-u phao, Nilnaqbheiq meenq, Laiqhaolbho Illav meenq, Kaqlal meenq, niil juq bhai maqkhaiq,
12Nilnaqbheiq nail meenq dai khi, Kaqlal nail meenq gaoltsi bhai jiav nail Leiqsinq meenq meenq ma bhai maqkhaiq, meenq danq-a nail ngaol.
13Iljiltuv nee mail yavq kha lee-a nail yaq juq neq, Luldinq nail jeq-e, Aqnaqmeiq nail jeq-e, Laqhaqbheiq nail jeq-e, Naltulhiq nail jeq-e,
14Paqthaqlulsiq nail jeq-e, Khaqlulhiq nail jeq-e khi mail, Khaqtaolleiq nail jeq-e juq, pevq nail ngaol. Khaqlulhiq nail jeq-e nee, Philliltiv nail jeq-e pevq lal-a nail ngaol.
15Khaqnanq neq, aivq nail yaqyov uqbhao aqivq gaq pevq nail Sildoq nail aqbhu pevq-u khe-ai, Hiltiv nail aqbhu iqsanl, ngel nail ngaol.
16Aivq neq, Yeiqbhultil nail jeq-e, Aqmaolliv nail jeq-e, Gillavgaqsil nail jeq-e,
17Hilwil nail jeq-e, Aqkil nail jeq-e, Silnil nail jeq-e,
18Aqwaqdil nail jeq-e, Seiqmaqlil nail jeq-e, Haqmaqtil nail jeq-e, niil juq nail aqbhu pevq nail ngaol.
A bhai nee ngal-aq, Khaqnanq nail jeq-e jaq-a juq neq,
19Sildoq meenq nee mail Gaqsaq miltsaq aqjail bhai jiav nail Geiqlaq meenq bhai jaol kev-ai khi, haoqnao Saoldoq meenq, Gaolmaollav meenq, Aqdaqmaq meenq dai khi, Laqsaq meenq nail aqjail bhai jiav nail Seiqbhuqyinq meenq bhai kev dai, gaoq jaol kev ail-a nail ngaol.
20Jeq-e jaq-a niil juq neq, yovqgavq nail jeq-e yovqgavq, yovqgavq nail daoq ge nail nee ovqtavq, yovqgavq nail miltsaq bhai jaol nail, Haqmav nee mail yavq kha lee thaq nail juq pevq nail ngaol.
21Yaqphai nail algao Seiqmav neq, yaqyov mao dai gaq jaol khi, Eilbhaq nail jeq-e iqsanl nail aqbhu pevq lal-a nail ngaol.
22Seiqmav nee mail yavq kha lee thaq nail yaq juq neq, Eillanq, Aqsullav, Aqphaqsav, Lulda dai khi Aqlanq, niil juq pevq nail ngaol.
23Aqlanq nee mail yavq kha lee thaq nail yaq juq neq, Ulsav, Hullav, Geiqtaq dai khi Maqsaq, niil juq pevq nail ngaol.
24Aqphaqsav nail yaqyov Saqlav neq, Eiqbheiq nail aqbhu pevq nail ngaol.
25Eiqbheiq bhai yaqyov nvq gaq jaol nail ngaol. Yaqyov teevq gaq nail aqmil neq Phaiqlail#10.25 Phaiqlail Phaiqlail dai, ge nail daoqceevq neq, tsel pav ail nail dai ge movq nail ngaol. dai khul nail ngaol. Yaqyov al gaq nail yeel bhai miltsaq khe jaol nail tsaol-aq yaq juq, pav-ail sav ail-a nail ngel-i mail, aqmil thoil mil bivq-a nail ngaol. Yaqyov haoqnao teevq gaq bhai neq, Yaoltanq dai, khul nail ngaol.
26Yaoltanq nee mail yavq kha lee thaq nail yaq juq neq, Aqlaqmaoldav, Seiqleiq, Haqsaqmaqbhailtha, Yeiqlal,
27Haqdaollanq, Ulsaqlal, Dilkaqlav,
28Aolbhaqlav, Aqbhimeiqlav, Seiqbhal,
29Aolphillav, Haqbhillav dai khi Yaolbhaq, niil juq pevq nail ngaol.
30Aqyu juq-i mail jaol nail jaolduq neq, Meiqsal meenq nee mail nlma dov khoeq phao khe gaoqjaoq bhai jiav nail Seiqphaqlav meenq bha kev dai, gaoq-an nail ngaol.
31Jeq-e jaq-a niil juq neq, yovqgavq nail jeq-e yovqgavq, yovqgavq nail daoq ge nail nee ovqtavq, yovqgavq nail miltsaq bhai jaol nail, Seiqmav nee mail yavq kha lee thaq nail yaq juq pevq nail ngaol.
32Tsaol jeq-e niil juq iqsanl mail neq, aqyu juq nail jeq-e jaq-a nee maqkhaiq, tsaol-aq juq nee maqkhaiq, Nol-avq nail aqceevq nee mail yavq kha lee-a nail juq pevq nail ngaol. Ulcuvq deq pheeq gaq khi mail pultavq, miltsaq bhai khal jaol bhee ail-a nail tsaol jeq-e iqsanl mail, Nol-avq nail yaqyov juq nee mail yavq kha lee thaq nail jeq-e jaq-a juq pevq nail ngaol.
Currently Selected:
Genesis 10: aeu
Highlight
Share
Copy
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.