Popular Bible Verses from Apousel sohwafe Syoho 2

Share

Ose ulahonɨngkofi Pita ulɨmento, Sekwo a'amu anga'no anga'no honɨngkano wonyo foho'naopmno. Anɨtuye hungkunomo tɨfi finɨngkamno. Jisas kako jɨje wonyo wae yakumofɨhwosi kakoe a'amu ne imo'nɨngkohojo'no a'amumo utɨhwayo'ne mijo wokiyosemapɨfe. Ose ikujo'no kakoe Towahuno Wopɨngo wosejapmmontonoho.

Anɨtuye a'amu ne imo'nɨmentohofoso apousel sohwa Anɨtuye hungkuno lutɨhwentanɨngkofi hofɨko upa'nɨmotofofoho. Hofɨko nuhu'mokontɨfi ufo'ma'nɨmotofofoho. Hofɨko wosopayo afapo nta'ni nonontɨfi Anɨtumo jomo ulɨmotofofoho.

Oseso Anɨtuye Towahuno Wopɨngo a'amu somo ifeehu'mokasi lohofonto hungkuno kengo kengo nom'ne a'amufe mampaho pa'nyo hofɨkoe mangomo umasiyahonɨngki hofɨko hungkuno kengo kengo lɨmentohofofoho. Oso hungkunoso Towahuno Wopɨngoso umentisofoho.

Osopo nuhu'mokahonɨngkofi tɨ'mayo yoka pa'nɨngo ahwomo mta'ango ho'nonto ango uhu'mokumentohofo somo uhula'o'mentisofoho. Oso a'amuso oso tɨ'mayo yoka upa'nontɨfi uhwonɨmentohofoso tɨ'melanyo hopa yonto oso hiso mtɨhupo mtɨhupe lohofonto a'amu nohumentanɨngkofo somo a'apahopo humolawopmmentisofoho. Oseso Anɨtuye Towahuno Wopɨngo a'amu somo ifeehu'mokasi lohofonto hungkuno kengo kengo nom'ne a'amufe mampaho pa'nyo hofɨkoe mangomo umasiyahonɨngki hofɨko hungkuno kengo kengo lɨmentohofofoho. Oso hungkunoso Towahuno Wopɨngoso umentisofoho.

Hofɨko sɨmeho yano inontɨfi sɨkuno huhwo huhwi Anɨtuye ango engo somo nuhu'mokontɨfi Anɨtuye yofe ho'noma'motofofoho. Hofɨko wopayo nom'ne ango kengo kengomo nonontɨfi hofɨkine'no huno mosyafɨsiyo'njo yontɨfi nom'ne a'amumne'no syafɨhu'motofofoho. Oso'no hofɨko sɨmeho wopɨngo'nji humamotofofoho. Wopɨngo nohumantɨfi Anɨtuye yofe ho'noma'motofofoho. A'amu hisomne'no hwe moya'mi nom'neso ulɨmotofi, Anɨtuye a'amu neso wopɨngo'nohinofoho. Sɨkuno huhwo huhwi a'amu nom'neso Anɨtuye hungkuno nupa'nontɨfi sɨmeho uyontɨfi inɨngkamotofofoho. Anɨtuye a'amu neso pi'nɨngo engo imo'nɨmentohofofoho.

Anɨtu hohonta ole ulɨmento, Sɨkuno moi'wo imo'nyoso mofone sohonta nje Towahuno sofe yokumpohn'nyoso a'amu hopi'nonohinomo uyonefoho. Sekwoe hwomu sohwanji mu sopeenji hofɨko Anɨtuye hungkuno ulɨfitnnefoho. Hwe songo sohwamo ngko wojo uhwonyo pa'nɨngo yo'mayo so'no utɨhwamnefoho. Hwe a'mane sohwa wojo uhwonɨfitnnefoho.

A'amu Jisas Kɨlaisɨmo sɨmeho hi'ntnnono umotofoso afapo nohumantɨfi hofɨkoe ho'yango yo'mayoso nem'nohino afafoho. A'amu ho'yango'njo hwaho'njoso oso hiso a'amu nom'ne somo uyontɨfi hamniyoho nomantɨfi umofonyo inyo somo yano ulohmmentohofofoho.

Oso hohosohonta hwe fihwa hwoya'mi fifa ngkine'no joho ntɨkujo somo utɨma'mnefoho. Nje a'amu imo'nɨfitnnefoho. Oso hungkunoso Jouel mtɨ'mokumentisofoho.

Olo mofehi'nyolo sɨkwo'mno imo'nɨngkuhwosi sɨkuno meefonefoho. Hamnoso honɨyo'nohino imo'nonefoho. Olo hiloso nuhwonɨngkuji u nje Sɨkuno Engoso imo'nonefoho.