Popular Bible Verses from Apousel sohwafe Syoho 11

Share

Notɨpemanto ango Antiyoukɨmne'no womentisiyefoho. Osopo Antiyouk a'amu Jisas Kɨlaisɨmo inɨngkamotofo so'nji nohumantɨfi hwe moya'mi pi'nɨngo engo somo Anɨtuye hungkuno lutɨhwentanɨngki soswo anga'no uyakolo'mentisofoho. Antiyouk ango hopo sopo a'amu Jisasɨmo inɨngkamotofo somo yofe Kɨlais we'e'nwoho hnnoma'mentohofofoho.

Mponopas i'mofawento uhwonɨmentisoso Anɨtu a'amu kengo somo wopɨngo umokumentisoso uhwononto kako sɨmeho wopɨngo umo'nɨmentisofoho. Oseso kako a'amu somo hungkuno yano ole uyɨmento, Sekwo Anɨtuye hungkuno inɨngo seyo'eno Kakoe hungkunomo aho yokumpohn'nyo fɨkemokosyohumamno. Kakoe huyo'mo fosyohumamno. Ose ulɨmentisofoho. Mponopas huhwo sohwo hwe wopɨngo hweho. Kakoe sɨmehomo'mo Anɨtuye Towahuno toyo yamo'nnyo hweho. Kakoe sɨmeho hi'ntnnono Anɨtune'no yokumpohn'nyo unyo hweho. Oso'no a'amu pi'nɨngo engo Anɨtumo inɨngkamentohofofoho.

Sɨmo'mo nakwo Hwe Engo Jisas Kɨlaisɨmo sɨmeho hi'ntnnono umentɨhwone sohonta kakoe Towahuno nejapmmentiso hopaso oso a'amu kengo somo umentisofoho. Oso'no ngko Anɨtumo pɨjwohumayoso pipilo. Awonoho, Ngko a'amu hwo'nyoho. Pita ose ulɨmentisofoho. Oso hungkuno hiso oso a'amu yoka'njo sohwanji nupa'nontɨfi oso yokaso noho'naofontɨfi Anɨtumo isamoyoka ulontɨfi ulɨmentohofi, Anɨtu a'amu kengo somo sɨmeho uwolomokuwo'nɨngkiso hweho. Hofɨko honɨngkano wonyo ho'naofɨkujo'manji oso a'amu somo Anɨtu songo ne'no humayo'ne uyɨmtonoho. Ose ulɨmentohofofoho.