Popular Bible Verses from Mattha 16

Share

Then Jesus saed tae hïs follaers, “If oniebodie wants tae follae eftèr me, he maun ferget aboot hissel aathegither, tak up hïs cross an stïck clase tae me.

A tell ye, frae noo on you ir Petèr, an on thïs roak A wull big ma kirk, an aa tha pooers o hell wull no owercum ït.

A wull gie ye tha keys o tha Kïngdom o Heiven; an whutiver ye bine on irth wull be bun ïn heiven, an whutiver ye lowse on irth wull be lowsed ïn heiven.”

Fer whaiver wants tae save hïs life wull loass ït, but hïm that loasses hïs life on ma accoont wull fin ït.

Whut guid wull ït be fer a bodie ïf he gets tha hale warl, an yit loasses hïs ain sowl? Shair thair's naethin a man cud gie tae get bak hïs ain sowl, ïs thair?

“But whut aboot yersels?” he axt. “Wha dae you say that A am?” Simon Petèr saed bak, “You ir tha Christ, tha Sinn o tha leevin God.”

Jesus saed, “Blisst ir ye, Simon sinn o Jonah, fer thïs wus no revealt tae ye bi onie human bein, but bi ma Faither ïn heiven.