Popular Bible Verses from Mat 5

Share

Maa ŋama 'ta ‑kanie ɩya ma 'kɛɛ ‑tokuo 'wlu ‑gblii, ‑ma 'ka ma gbeziee 'lɛ 'nyɩ ɛla 'jɩa kla 'lɛ ncɛlɩa 'fɩan ‑ma ‑kʋ 'lɛ ‑palʋa ‑zɔn na. Sɛɛ bhlogbɩɩ, 'naa ala ‑zelia leli ncɛlɩa 'fɩan 'ci 'kʋ ɩya ma ‑ka ala nʋnʋgbɩ 'nanɩa 'lɩ na, ma 'ka a Toa ‑ɔ ‑kʋ 'lɛ ‑laagɔɔn na 'klʋgba.

A ‑glɩ ‑laagɔzɔan 'la zezezeli. Gbazɩ 'du ‑ka 'kike 'kʋ ‑kʋ na, ʋ 'tanɩ ‑zizieo.

Ma ‑kʋ 'nanɩ, maa ‑ɔ ‑ka 'lɛ ‑kplɔkplɔpɔlɛ na, sa ma cɩ 'ka Laagɔ 'ciinlɩ.

Ma ‑kʋ 'nanɩ, maa 'kʋnylugolulɩɛ 'la ŋɔmʋ ɩya ɩla 'tʋ bhla 'lɛ na, sa ma cɩ 'ka lo.

‑Ma ‑amʋ, n cla anyɩ lebhe: A wabha ala ‑zɔbhɛlɩgbanya ɩya a bhibhie a 'nyɩ maa ‑ɔ sa 'lɛ anyɩ gbaylɩ na.

«Ma ‑kʋ 'nanɩ, maa ‑ɔ cibhlili 'lɛ mala ŋaazɩa Laagɔ ‑deliin na, sa ‑laagɔɔn 'la Nyɩbhɛlɩdua* ‑kʋ ʋ ‑nyɩɔ maa.

Ma ‑kʋ 'nanɩ, maa ‑ɔ lamʋ 'lɛ pupue na, sa ma cɩ ka maa Laagɔ 'la 'cuo la.

Ma ‑kʋ 'nanɩ, maa ‑ɔ ‑ka 'lɛ pɔɔwɔtɛ na, sa ma cɩ 'ka ‑dʋdʋa ‑aja 'kʋ lili.

Ma ‑kʋ 'nanɩ, maa ma sa 'lɛ gbaylɩ 'kʋnylugolulɩɛ 'la gbʋ na, sa ‑laagɔɔn 'la Nyɩbhɛlɩdua ‑kʋ ʋ ‑nyɩɔ maa.

Ma ‑kʋ 'nanɩ, maa ‑ɔ ‑glɩ 'lɛ ŋaazɩɩnlɩnya na, sa Laagɔ cɩ 'ka maa ŋaazɩɩn 'lɩ.

A ‑kʋ 'nanɩ, daa ma vla 'lɛ anyɩ, ma sa 'lɛ anyɩ gbaylɩ 'nyɩ ma nyumo 'lɛ anyɩ 'ŋlɩ ‑amʋ 'wluku na. A kʋ pɔlɛkʋmɛnɔɔn ɩya a nʋ ‑jaka sa ala dluuplʋlɩɛa 'ghli 'yɛpɩ ‑laagɔɔn. 'Sɛtɛɛ bhlogbɩɩ ma ‑saa 'lɛ Laagɔnekʋnyɩtɛnyaa* ‑ma pʋ 'lɛ anyɩ 'kʋklʋʋn na gbaylɩ.

Ma ‑kʋ 'nanɩ, maa ‑ɔ tu 'lɛ na, sa Laagɔ cɩ 'ka maa pɔlɛɛn zʋ.

A ‑glɩ ‑dʋdʋa 'kʋ 'la ‑glii. Gbazɩ ‑glii ‑ka 'dʋʋn 'wlʋ na, 'nsasa ɩ cɩ 'kanɩ ‑awlɛ 'lɛ ‑glii 'plɩplɩlɩ bha? Maa nʋnʋ 'tanɩɩ lʋʋ ‑ylɛylɛ, ‑jlukuun ma pɩɩ 'lɛ 'nyɩ ncɛlɩ namʋnʋɩ 'lɛ 'kʋ.

Na anyɩ, a 'plɩ ‑kplɔkplɔnya le saa a Toa ‑ɔ ‑kʋ 'lɛ ‑laagɔɔn na, ɔ ‑glɩ 'lɛ ‑kplɔkplɔnyɔ na.»

'Naa ala ‑ghɛɛ 'plɩ ‑ghɛɛ ɩya ala ‑wɔɔ 'plɩ ‑wɔɔ. Ɩmɩa ‑tɛtɛa ‑ɩ 'wlʋlʋnɩ 'lɛ leen na, ɩ 'wlʋlʋ Gɔzɛ wlɩɩn.

A ya 'nu le ma yaa 'cla lebhe: ‑N 'yʋ ‑ka ‑na 'ci wla na, wlamʋɔ 'ci, 'nyɩ ‑n 'yʋ ‑kɔɔ ‑gle neen ‑sa na, ma cɩɔ ‑gle neen ‑samʋ. ‑Amʋ, n cla anyɩ lebhe: A 'la ‑saa acɩa kpa. ‑Ma gbazɩ nclɔɔ ‑kɔɔ 'lipasɔkpacɔa 'sɛpɛ na, ‑tlamʋɔ 'daba ‑naanʋa.

‑Naa 'lipasɔcia ‑kɔɔ nyinyiin fa na, kpɛɛ ɩya ‑n 'pɛɛ 'kwlaan. Sa ‑n ka 'bhlɛ cɩ ‑ka na, ɩ nanɩ ɩ zi saa ‑naa 'nyɛkɛa cɩ 'ka 'lɛ 'kʋglalɩ ɩya ɛ 'ka 'lɛ ‑kosua ‑ʋ ŋomu 'ta 'lɛ na nɩkplaan ‑pɔɔ na 'kʋ. 'Nyɩ ‑naa 'lipasɔ sɔa ‑kɔɔ nyinyiin fa na, 'dɩʋ 'kʋ ɩya ‑n 'pʋʋ 'kwlaan. Sa, ‑naa 'nyɛkɛa 'la dabhlo ‑ka ‑gbɩɔ na, ɩ nanɩ ‑naa da 'nyɩ ɩ zi saa ‑naa 'nyɛkɛa cɩ kaa 'lɛ 'kʋglalɩ ɩya ɛ 'ka 'lɛ ‑kosua ‑ʋ ŋomu 'ta 'lɛ na nɩkplaan ‑pɔɔ na 'kʋ.