Popular Bible Verses from Luc 14

Share

– Doo ke inye go bɔ’n se kon’n, dinye le’n se ngann’n, ngakonnge se kon nannenge lé ɓaa, è asekum k’ee njèkuwe-gir’m lé.

Ke nè á njèkuwe-gir’m uwe dè nja ra’n le kwei kàde kage-ke-dese’t titeke man m’ra’n bè lé ɓaa, è asekum kunn dè nja’m têr-têr lé.

Nanan ke unde dè’n dɔ ɓaa, d’a d’ade dè’n à è nang ɓai, nè nanan ke ule dè’n ɓaa, d’a d’unn’n kunde’n ɗáng dɔ ɓai.

Jésu tɔl ngang tà nè nga ede nè: – Sei géa è titeke bè tɔ. Ke nè á doo karé dann si’t inye go nyankingege le’n lé ɓaa, è asekum k’ee njèkunn dè nja’m têr-têr lé.

Loo ke doo karé dann si’t ndige le ra kei ke bòi ɓaa, à kuwe dè nja ra’n kété le kan ké nar ke tò jinn’t nga asekum ra’n kei nè nga tɔl mbas kuwe wa? Ke nè á è ra titeke bè lé ɓaa, gir kei ke è unde nga asekum ra tɔl mbas lé. Loo ke è ra tɔl mbas lé ɓaa, dooge malang ke an-in gir kei nè nga à ogoi dènn’t kedi nè: «An-in! doo nè nga unde gir kei ke bòi nè loo ra’n tɔl mbas dum’n bang.»

Nè loo ke ade d’ade ra mur tête tà ɓee ɓaa, maje kade i ɓar njéndooge a, njékumtɔge se njédɔgemetege se njé ke kêl ra de wei tonrin a tɔ. Ke nè á i ra titeke bè ɓaa, rai à neli tede dé nè nga d’asekum le tel ɓari se nyankuse gute made’t lé. Nè Nube kuwe à uge dè jii ndɔ ke njé ra majege à undei loo teei dann njé ke koo’t.

Sei geri mbak titeke kate è nyan ke maje. Nè ke nè á kate tel bɔlɔs ɓaa, ké ri á j’à ra’n kade tel don gugu wa? Nyan karé ke rang ke le ra’n goto, nè à tel k’ee nyan le ɓirɓite. Nanan ke asekum koo tà nè nga ɓaa, maje kade ur mbi’n maje oo’n tà ke m’ede sei nè nga.