Popular Bible Verses from Jean 17

Share

Bɔ’m, i tɔr de unde de se ninn’n se go ngarankum tà tede tà lei è ngarankum tà.

Ndikumgajer se non nga, è le kade dé ger geli i Nube ke get karé bere a, le kade dé ger gel’m man Jésu-Krist ke i ule’m nga a tɔ.

M’ɔje sei tà tede le njékuwe-girmge á se kar de lé. Nè m’ɔje sei tà tede le njé ke à undei kêm de dèm’t se go tà ke à edi de. Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

M’deji tede kade i tɔr de kɔke dann dooge ke dè nang nè lé, nè le kade ai-in ngang de garar-garar ade Sú ke njèkêmyêr ɔde ra de lé.

Ndubra ke kété ule dèm’t nga, man géa m’tel’n m’ule dè de’t tede kade d’um’n nan’t bɔk titeke jè sei j’um’n nan’t bɔk bè tɔ. Man m’um se de nan’t bɔk titeke i um’n se’m nan’t bɔk bè tɔ tede kade dé malang d’um nan’t bɔk-bɔk. Titeke bè á dooge ke dè nang nè à geri titeke è i kuwe á ule’m. Maje kade njé ke dè nang nè geri titeke i tár de titeke i tár’m bè tɔ.