Popular Bible Verses from Jean 10

Share

Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Man m’ee njèkul batege ke get. Njèkul batege ke get ile ra’n kɔke tede batege le’n.

Batege le’m nga uri mbi de ooi ndu’m. Man m’ger de mbak, à umi nan goom’t a tɔ.

Man m’ade à ndii kumgajer se non m à weii ndan lé sár doo karé bè géa asekum kuwe de hont kɔr de jim’t lé a tɔ.

Man nga m’ee tàbit kei rebe. Ke nè á doo ree se rebe ke ram’t ɓaa, d’a d’aje’n. Doo nè nga à aw kei a, à unde loo tee nata a tɔ. Taɓai doo nè nga à inge nyan kul ra’n a tɔ.

Man m’ee njèkul batege ke get. Man m’ger batege le’m a, batege le’m géa geri man a tɔ.

Bɔ’m ke njè kade’m se de nga, tɔgmong le’n dum dè le dooge malang. Doo karé bè ke asekum nanr de taa de jinn’t goto. Man se Bɔ’m jè karé.

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Doo karé ke asekum tɔl’m se dè ra’n goto, nè man kuwe m’inye ra’m m’ade yo. M’aw se tɔgmong le kinye ra’m kade yo a, m’aw se tɔgmong le tel ndi kumgajer gugu a tɔ. E ke nè á è nyan ke Bɔ’m unn’n ndu’n ade’m le kade’m m’ra.

Jésu tel ede de ede nè: – Kerɔte kuwe, man m’ede sei ndàt, man nga m’ee tàbit kei rebe gar batege.

Doo ke batege ei le’n lé nga, è ul de tede kinge’n nar karè. Loo ke an heng à ree ɓaa, inye batege an-in aw, ade heng ree yal batege karé-karé.

Kerɔte kuwe, man m’ede sei ndàt, doo ke ree se tà rebe gar batege lé, nè al se tà rebe ke rang tá ree’n go batege ɓaa, è njèɓog a, è gon-ɓog a tɔ.