Popular Bible Verses from Johannese 16

Share

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Ipsomale, mikseᴋârnerûb anerningata, tikikune, mikseᴋârnernut tamainut tesiorniarpâse. Ingminik oᴋâlanianginame; tusartaminigle oᴋautjiniarpok, pijomârtomiglo oᴋautiniarpâse.

Mâna tikilugo tuksialaungilase sumik atimne. Tuksiaritse, tigusiniarpose tagva, ᴋuviasungnise nâmakserᴋovlugo.

Mikseᴋârtomigle oᴋautivapse: Idluarpok ilipsingnut, ainiarama. Ainiangikuma, manigorniktub tikiniangimase. Ainiarumale, tilijomavara ilipsingnut. Tikikunelo, silaksoarmiut tukkisitiniarpait ajornermik, idluarnermiglo, erᴋartuinermiglo.

Ilipselo kiksarneᴋarivose mânna; takojomagivapsele, ômatiselo ᴋuviasudlarniarput, ᴋuviasungnipsingniglo aᴋsârniktoᴋartuksaungilak ilipsingnit. Uvlormelo taipsomane aperiniangilapsinga sumik. Âhamarik, âhamarik oᴋaupapse: Atâta tuksiarvigigupsiuk sumik atimne, tunitjiviginiarpâse tamattominga.

Âhamarik, âhamarik oᴋaupapse: ᴋialuselo ogguarniarpose silaksoarmiulle ᴋuviasudlarniarput. Ilipsele kiksadlarniarpose; kiksarnisele ablatsângorniarivok ᴋuviasungnermut.