Popular Bible Verses from Génesis 13

Share

Tsë rikanqëkitaqa llapantam qoykushqëki. Tsëmi imëyaqpis qampaq y mirënikikunapaq kanqa.

Lot ewkuptinnam Abramta TEYTA DIOS nirqan: <<Kë tëkanqëkipita norti kaq lädupa, sur kaq lädupa, inti yarqamunan kaq lädupa y inti jeqanan kaq lädupa rikachakï.

Mirënikikuna atskaq kayänanpaqmi miratsishaq. Aqushanö llutëpa kayaptinmi pipis yupëta puëdinqatsu.

Mitsiqninkuna tsënö pelyakuyaptinmi sobrinun Lotta Abram nirqan: <<Tsë castalla këkarqa ama chikinakushuntsu ni mitsiqnintsikkuna liryakuyätsuntsu.

TEYTA DIOS tsënö niptinmi Abram ewkurqan llapan imëkantapis aparkur Hebrón markapa lädunman. Tsëchömi karqan atska encina montikuna. Tsë montikunaqa karqan Mamre nunapam. Tsëchö täkurmi TEYTA DIOSTA adorananpaq altarta Abram perqarqan.

Tsënö niptinmi Lotqa Jordán mayu kuchun pampakunata llapan Zoar marka lädupa rikachakurirqan. Tsë pampakunaqa atska yaku kaptinmi Edén huertanöraq y Egipto markanöraq shumaq verdiräkurqan. Tsënöqa karqan Sodoma y Gomorra markakunata TEYTA DIOS manaraq ushakätsiptinmi.