Popular Bible Verses from Salmos 66

Share

Waˊraˉ jähꜘ kihꜗ saꜙ gaꜙmiꜙjnäänˈ heˉ maˊ dsaˉhlä̱ä̱hnꜙ kya̱a̱yhˊ, saꜙ maˊ nuuˈ Dio kinꜙ.

¡Heˉ baˊ cheˉ jø̱hˈga̱a̱ˉ Dio! Saꜙ gaꜙjmeeyꜘ taꜙ kooꜘ heˉ gaꜙchu̱u̱nꜗ kya̱a̱yhˊ, niꜙ saꜙ gaꜙjmeeyꜘ cha̱a̱yhˉ. Maꜙraꜙ heˉ gaꜙläꜙñihꜘ baˊ dsëyˈ jnäꜘ.

Chiihˊ Dio: “Haˉ ko̱hꜘ saꜙ dsa̱a̱˜ dsëˉ jnäähˈ läꜙko̱hꜘ laꜗ taˊ kyahꜗ, haˉ ko̱hꜘ saꜙ chaˉ beꜘ kyahꜗ. Heˉja̱ˉ lloo˜ ko̱o̱ˉ jmɨɨˊ läꜙjë̱ë̱ꜙ hi̱ˉ naˉhøøhˊ kyahˈ ngëëyꜗ hñiiyꜘ jaˊgoohˉ.

Jë̱ë̱ˉ hohꜘ hnähꜘ häˊ hnähꜘ kihꜗ Dio, läꜙjë̱ë̱ꜙ hnähꜘ dsaˉ jmɨˉgyʉʉꜙ. Miˉjnäähˈ hnähꜘ kya̱a̱hˊ su̱ꜚ haˉ ko̱hꜘ saꜙ jø̱ø̱yhˈ, jmeeˊ hnähꜘ jʉʉhˉ kiyhꜗ kya̱a̱hˊ su̱ꜚ.

Hneˉ Dio kya̱a̱nꜙ, heˉ lluꜗ kya̱a̱ꜗ jnäähꜗ baˊ heˉ gaꜙheehˋ jnäähˈ wɨɨꜘ. Heˉ ja̱ˉ laꜗ läꜙko̱hꜘ heˉ maˉgye̱e̱hˋ jnäähˈ läꜙko̱hꜘ jmeeꜙ dsaˉ kihꜗ ñeˈtøøˉ heˉ miˉlluyꜗ kya̱a̱hˊ jeˉ.

Yaˉnääꜘ hnähꜘ läꜙjë̱ë̱ꜙ hi̱ˉ ga̱hꜙ Dio, mahꜗ nuuhˈ hnähꜘ haˉ läꜙ laꜗ heˉ maˉjmeeyꜘ kya̱a̱hˊ jnäꜘ.