Popular Bible Verses from Salmos 51

Share

Hneˉ Dio kya̱a̱nꜙ, jmeeˊ waˊ naˉjngɨɨˈ tuhˉdsënꜙ. Jmeeˊ waˊ läꜙhmëëꜘ jmɨˉlleꜘ kinꜙ.

Jmeeˊ jë̱ë̱ˉ dsënꜙ kaˉlähꜘ, läꜙlluꜗ heˉ maˉlä̱ä̱hˋ jnäꜘ. Tøøhˈ llenꜙ ko̱o̱ˉ hʉʉˊdsëˉ heˉ nʉʉhˊ mahꜗ të̱ë̱hnꜗ beꜘ.

Taꜙ jmääꜙ jnäꜘ taꜙ kooꜘ, niꜙ taꜙ jñuuhˋ kinꜙ Jmɨˉlleꜘ Naˉjngɨɨˈ kyahꜗ.

Kwëëhnꜚ hneˉ ko̱o̱ˉ jmɨˉlleꜘ heˉ kuˈji̱i̱ꜙ kihꜗ, jëëhꜘ heˉ ja̱ˉ baˊ tɨh˜ hohꜘ. Ko̱o̱ˉ jmɨˉlleꜘ heˉ hwa̱a̱ˊ saꜙ jmeehˈ taꜙ kooꜘ.

Hneˉ Dio kya̱a̱nꜙ, waˊ läˉñihꜘ hohꜘ kinꜙ läꜙlluꜗ heˉ hnaahꜙ jnäꜘ. Cheꜗ dsoˊkyeˉ kinꜙ läꜙlluꜗ heˉ hnaahꜙ jnäꜘ chaˉmiihˉ. Gye̱e̱hˋ jnäꜘ, cheꜗ dsoˊkyeˉ kinꜙ, mahꜗ jä̱nꜙ naˉjngëëˈ goˉte˜.

Hu̱u̱ˋ jnäꜘ jmaˉ kya̱a̱hˊ gohꜗ hisopo, mahꜗ jä̱nˋ naˉjngëëˈ. Gye̱e̱hˋ jnäꜘ mahꜗ läꜙtä̱ä̱nˉ gaˊ läꜙko̱hꜘ tøøˉ hmooˉ.

Läꜙjëꜙ heˉ hlɨɨhˈ heˉ gaꜙjmeenꜗ kihꜗ dsaˉ, heˉ gaꜙhlä̱ä̱hnˉ kya̱a̱hˊ hneˉ baˊ ja̱ˉ, hneˉ baˊ heꜘ hi̱ˉ gaꜙjmeehnˋ. Gaꜙjmeenꜗ heˉ saꜙ jnäꜘ lluꜗ kyahꜗ, heˉja̱ˉ saꜙ naˉhe̱e̱ꜚ juuˈ kyahꜗ läꜙko̱o̱ˉ jmeehˈ kinꜙ. Kya̱a̱hˊ juꜗdsooꜘ jmahꜗ llahˉ taˊ.