Popular Bible Verses from Salmos 36

Share

Jëëhꜘ kyahꜗ hneˉ baˊ hyaˉ jmɨɨˉ heˉ jmeeꜙ cha̱a̱ˉ dsaˉ. Hiꜙ kyahꜗ hneˉ baˊ gwaꜘ jeˉ heˉ jnäꜘ kya̱a̱ꜗ jnäähˈ.

Hneˉ DSAˉJØ̱Ø̱Hˈ kya̱a̱nꜙ, haˉ ko̱hꜘ saꜙ laꜗ naˊhñaahꜗ heˉ hnaahꜙ jnäähˈ. Heˉja̱ˉ läꜙjë̱ë̱ꜙ dsaˉ hnoohˉ haˉ läꜙ jeeˊ hmääyhꜙ kooꜘ kyahꜗ.

DSAˉJØ̱Ø̱Hˈ kya̱a̱nꜙ, heˉ hnaahꜙ jnäähˈ, jʉʉhˉ läꜙko̱o̱ˉ jʉʉhˉ gyʉʉhˈ jmɨˉgyʉʉꜙ. Hiꜙ heˉ miˉtehˋ juuˈ kyahꜗ, dsë̱ë̱ꜗ läꜙ gaꜙtëꜘ jeeˊ hiiꜘ jniiꜘ.

Läꜙko̱hꜘ mohꜘ ñiiꜘ laꜗ juˈdsooꜘ kyahꜗ, hiꜙ madaꜚ kyahꜗ jʉʉhˉ gaˊ läꜙko̱hꜘ jmɨˉñeehꜚ. Hneˉ DSAˉJØ̱Ø̱Hˈ kya̱a̱nꜙ hä̱ä̱hꜙ dsaˉ hiꜙ hä̱ä̱hꜙ jahꜘ kaˉlähꜘ.