Popular Bible Verses from Salmos 30

Share

Heˉ lle̱e̱yꜘ, dsaˉläˉhɨɨˊ ko̱ˉhwëëꜘ baˊ, pero heˉ lluꜗ dsëyꜗ, saꜙ lla̱a̱ꜙ ji̱hˊko̱hꜘ. Maꜙkeꜙ läꜙta̱a̱ˈ hwëꜗ gaꜙkɨˊ gaꜙhoohˊ jneˊ, pero waˊraˉ gaꜙjnäꜗ, jäꜙ jë̱ë̱ˉ dsëˉ jneˊ.

Gaꜙhnähˊ heˉ kɨˊhoohnˊ, gaꜙjmeehˊ jë̱ë̱ˉ dsënꜙ läꜙji̱i̱hˈ hnoonꜗ jmeenˋ ja̱ˊ. Gaꜙjñuuhˊ heˉ tiˉmeehˉ dsënꜙ mahꜗ gaꜙjmeehˊ cha̱a̱nˉ lluꜗ. Kihꜗ heˉja̱ˉ saꜙ gyanˋ tiiˊ hänˋ kyahꜗ hneˉ DSAˉJØ̱Ø̱Hˈ kya̱a̱nꜙ. Kwanˋ tiˊhmaahˊ kyahˈ tä̱ä̱ꜘ, DSAˉJØ̱Ø̱Hˈ kya̱a̱nꜙ.

Hneˉ Dio DSAˉJØ̱Ø̱Hˈ kya̱a̱nꜙ, gaꜙngɨɨnˋ beꜘ kyahꜗ heˉja̱ˉ gaꜙmiꜙhlä̱ä̱hˈ jnäꜘ.

Hnähꜘ hi̱ˉ naˉjngëëˈ kya̱a̱ꜗ DSAˉJØ̱Ø̱Hˈ jnänˋ, häˊ hnähꜘ kiyhꜗ. Häˊ hnähꜘ kihꜗ hi̱ˉ naˉjngëëˈ goˉte˜.

Hneˉ DSAˉJØ̱Ø̱Hˈ kya̱a̱nꜙ, hänˋ kyahˈ, jëëhꜘ maˉlä̱ä̱hˋ jnäꜘ. Saꜙ maˉkwahˊ jwëꜗ kihꜗ hi̱ˉ naˉhøøhˊ mahꜗ ngɨɨyꜗ kinꜙ.