Popular Bible Verses from Mateo 10

Share

Camic tecꞌamaꞌel ja bey, bien tewotakijel chi ixix ix caniꞌ juleꞌ tak carnelo in ja winak ja bar nixnutakel wiꞌ ejeꞌeꞌ e caniꞌ utiwaꞌ. Quixqꞌuejeꞌ listo caniꞌ nuban jun cumatz ncowini nutoꞌ riꞌ xarwariꞌ tebanaꞌ ix manso caniꞌ nuban jun palomax.

Ja winak ja nquipokonaj nqueyaꞌ can ja quicꞌaslemal jariꞌ nquitzꞌilaꞌ ja utzlaj cꞌaslemal ja mta qꞌuisic trij. Pro ja winak ja matiquipokonaj nqueyaꞌ can ja quicꞌaslemal mwal anin jariꞌ nquewil na ja utzlaj cꞌaslemal ja mta qꞌuisic trij.

Ma texbej ta ewiꞌ chiquewach ja winak ja xa ruyon ecuerpo necowini nquicamsaj pro ja rewanma jariꞌ maquecowini nquicamsaj. Pro ja nexbej wiꞌ ewiꞌ, chwach ja ncowini nuyaꞌ ja rewanma chipan ja nimlaj rpokonal pa kꞌakꞌ rachbil ecuerpo.

Ja winak ja nquipokonaj netreꞌel chwij, ja nquipokonaj nquetij rpokonal ja caniꞌ nutij rpokonal jun achi rmajon rijkaxic jun cruz, ejeꞌeꞌ ma yatal ta chique xqueꞌoc ta ndiscípulo chakajaꞌ.

Ja winak xa nak ta chi winakil wi matiquipokonaj nquibij chi wqꞌuin anin yukul wiꞌ quecꞌuꞌx pro wi ni chiquewach ja winak nquibij wiꞌ, anin chakajaꞌ can nbij na chique chi ecꞌo pan ncuenta pro ni chwach ja Nataꞌ ja cꞌo chilaꞌ chicaj xtinbij wiꞌ. Pro ja winak xa nak ta chi winakil wi nquipokonaj nquibij chiquewach ja winak chi wqꞌuin anin yukul wiꞌ quecꞌuꞌx, anin chakajaꞌ nbij na chique chi ma ecꞌo ta pa ncuenta pro ni chwach ja Nataꞌ ja cꞌo chilaꞌ chicaj xtinbij wiꞌ.

Queꞌetzursaj yawaꞌiꞌ in queꞌetzursaj ja cꞌo itzel tak chꞌaꞌc chiquij chakajaꞌ, queꞌeyicaꞌ camnakiꞌ chipan ja camíc in queꞌewasajel itzel tak espíritu chique ja winak. Como ja poder xinyaꞌ chewe riꞌ xa xecochij chwe rmalcꞌariꞌ nbij chewe, maxta tecꞌutuj pwok chique winak tok necoj ja poder chi quitoꞌic.

Rmalcꞌariꞌ nbij chewe, ma texbej ta ewiꞌ, más na ix vale chiquewach jun nimlaj moc tzꞌiquin.

Maxta techꞌob chwij chi anin xa quicotemal ncꞌamonto waweꞌ chwachꞌulew. Mni, ma rmal tariꞌ tok inpenak. Ma rmal ta chi xa xquequicoti ja winak chibil tak quiꞌ tok inpenak pro rmal chi nqueban chꞌaꞌoj mwal.