Popular Bible Verses from Juan 1

Share

Payman yärakur chaskikuqkunatami isanqa Tayta Dios legitimakun wamrankuna kayänanpaq.

Imapis manaraq kaptinmi Diospa Palabran kaykarqanna. Tayta Dioswanmi pay kaykarqan. Payqa Diosmi kaykan.

Say aksimi sakaychöpis selläma asikyan. Sakaypis say aksita manami upisinsu.

Diospa Palabran kay pasaman shamurmi runano yurirqan. Noqakunawanmi kay pasacho purirqan. Tayta Diospa juklayla Surin kaptinmi munayyuq kaykaqta rikayarqä. Kuyapäkuq y rasun kaqlata parlaqmi karqan.

Paywanmi lapan imaykatapis Tayta Dios kamarqan. Kay pasacho kaqkunaqa lapanpis pay kamashqanmi kaykan. Paychömi mana ushakaq kaway kaykan. Say kawaymi runakunapaq aksi kaykan.

Saypita waraynin junaq Jesús shamuykaqta rikaskirmi Juan nirqan: <<¡Tayta Dios kachamushqan Carnishmi pay kaykan! Paymi runakunata jusankunapita perdonanqa.

Kay pasacho kaykaptinpis y kay pasata kikin kamash kaykaptinpis runakuna manami payta reqiyarqansu. Kuyashqan runakunaman shamuptinpis manami chaskikuyarqansu.

Rasunpaypa kaq aksi lapan runakunatami asikyapan. Paymi kay pasaman shamurqan.

Leyninkunataqa Moiséswanmi Tayta Dios wilakasirqan. Kuyapäkuq kayninta y rasunpa kaq wilakuynintami isanqa Jesucristuwan tantiyasimashkansi.