Popular Bible Verses from Mateo 25

Share

Adoac naden abitedishun Icbombo icquin chiendambi: Tantia. Mibitedi chuinu. Umbi chiacpadombuen atona nibëdquido utsibon bëdambuen istiapimbocquido mimbi nashundednec. Aden ubi nashunacbimbuembi mimbi aido nashundedneque. Ubëdi tabadec cho, caindambi.

icbon: Ai, cun iua bëdambocquid mibi nec. Umbi daëdpactsëc meniondaidi daëd uaquin umbi chiacpadombuen mimbi bëdambuen nac. Nëbi dadpen namequid icta. Ubëd cuishonquec tabadec cho, caposh.

Naden naimbi. Umbi chiacpaden naquin daëd uacsho issun atona daëd uaquin menendambi, queposh aton icbo. Adoshombic umbi chiaid tantiesa icquin chieshquin daëd uambocsho issun umbi menebued bedshunendambi, queposh aton icbo.

Umbi chuibued tantiashun chido icsambuen tantiaquido tanenda. Ubi chote uëshë tantiadenquio icnuc: ¿Nëbida cun Icbo chopeba? quequin ubi bëdambuen tantiec umbi chiacpadec bëdambuec tabadta, quepondash Esus abëd icquido chiec.

Adshumbic naden chiendambi: Mimbi ubi bundoacsho pemedennec. Acte bundoacsho adembidi mimbi ubi acmedennec. Mimbi isacmaidquio icshobi mimbi min shubun ubi iuedtednec.

icbon: Ai, cun iua bëdambocquid mibi nec. Umbi chiacpadombuen naquin mimbi cuna daëduaque. Nëbi mibitsen dadpen namequid icta. Mibitsen ubëd cuishonquec tabadec cho, caposh.

Cun dashcute nibëdsho mimbi ubi dashcute menedennec. Nëncuenash uënëstiadtsëcquio icsho ubi tantiec mibi datsadtennec. Quënën tsadunac tsadsho mimbi ubi istandennec, caindambi.