1
Matiu 7:7
Seimat
“Amuto kamei talingoiwa ape Haeu hani amuto waliko ti amuto kakamea. Upia talingoiwa ape Haeu huali amuto tunahian. Kikini talingoiwa kahip ape Haeu hei hani amuto.
Compare
Explore Matiu 7:7
2
Matiu 7:8
Teka na laha kamea, Haeu hani laha. Tel na i upia, Haeu huali i tunahian. Teka na laha kikini talingoi kahip, Haeu hei hani laha.
Explore Matiu 7:8
3
Matiu 7:24
“Na amuto hong kakaiak ape puas usi, amuto masin seilon tenen hina namilon. I atai tehu ingan he hepekeun ailan.
Explore Matiu 7:24
4
Matiu 7:12
“Aile haniwa seilon liai saun tenen pahamuto laha aile haniwa amuto. Tenen saun ien i salangawe *nauna ti Moses ma *teka kuluiai kakai Haeu.
Explore Matiu 7:12
5
Matiu 7:14
Ape tewau aweisal kane tesol tonain kapi Haeu ti tap tahi tapoan, i se omiomin a pate ailan ma pate palai seilon tunahian.
Explore Matiu 7:14
6
Matiu 7:13
“Nahih usiwa tewau aweisal omiomin kane tesol *tonain kapi Haeu ti tap tahi tapoan. Tewau aweisal hani tesol ti kawatan tap tahi tapoan i mamanahan ma pate malimun ape pate kilan seilon nanahih ien.
Explore Matiu 7:13
7
Matiu 7:11
Kalak woumuto lialun, amuto tioi haniai waliko solian hani natumuto. Tuahe Haeu tel Tamamuto i hani amuto pamu kilaian ti na amuto kamei i.
Explore Matiu 7:11
8
Matiu 7:1-2
“Kum kak hahalialu woi seilon liai lehe Haeu kum lengeini amuto. Haeu nam kolongeni woumuto hanowi na amuto nam kolongeni woi teka liai. Ape i aile hani amuto waliko tenen na amuto aile hani teka liai.
Explore Matiu 7:1-2
9
Matiu 7:26
Tuahe na amuto hong kakaiak a kum puas usi, amuto masin seilon tenen tap namilon. I atai ingan he hepekeun wakiakin.
Explore Matiu 7:26
10
Matiu 7:3-4
“Kum hahanowi teka laha kak halialu woi seilon liai a laha kum paxai tioi puki lialui woulaha. Laha masin teka seilon laha ningahi teik masiap kokol he puli tel seilon liai a laha kum paxai tioi teik masiap lalap he puki pulalaha. Lehe amuto hone ukek ia tel seilon liai, ‘Hanima nga xaxaweni teik masiap kokol he pulam’ na masin puki amuto teik masiap lalap he pulamuto?
Explore Matiu 7:3-4
11
Matiu 7:15-16
“Amuto kanipetiwa teka seilon laha woinakon kuluiai kakai Haeu. Paxaialaha ti melal masin *sipsip tuahe ti leilon laha masin sinen tenen tumun pate kalimen. Amuto paxai tioi laha ti sale pupuasalaha. Au i kum hahuama huai laku ape sawaul i kum hahuama huai ul.
Explore Matiu 7:15-16
12
Matiu 7:17
Pata xexean solian, huan solian a pata xexean lialun, huan lialun.
Explore Matiu 7:17
13
Matiu 7:18
Pata tenen xexean solian, huan kumahe lialun ape pata xexean lialun, huan kumahe solian.
Explore Matiu 7:18
14
Matiu 7:19
Tenen pata na i kum hua alua, laha koti hamahusu ape lui xaxaweni.
Explore Matiu 7:19
Home
Bible
გეგმები
Videos